حنة طبيعية تنعم الشعر!!!!

roselove 30-05-2003 13 رد 6,165 مشاهدة
r
السلام عليكم يا بنات المنتدى..اشحالكم وشخباااركم..بنيات هاذي اول مشاركة لي في المنتدى...وان شالله الكل يستفيد ..اول شي اعرفكم بنفسي انا وردة الحب من الاماراااات...ومن مدة مشاركه في المنتدى يعني اقرا بس :o ما اشارك..لانه المشاركه في اعتقادي لازم تكون عن تجربه ..المهم انا ما بطووول وايد في الكلام..

بنات فيه حد منكم سمع عن خلطة الحنه الي تنعم الشعر!! ويسمووونها ((حنة شين ))...طبعن في الامارات..

بصراحه انا وبنت خالتي نعاني من شعرنا عن بنات العائلة كلهن..انا شعري كان كيرلي يعني مش وايد وجاف وقصير..وبنت خالتي طويل وجاف وكيرلي لمهم امي وخالتي سمعو من حرمة مصريه عن الخلطه..وجربنها وهذا الكلام من فتره تقريبا..والحمدالله بنت خالتي شعرها صار حلووو والكل يمدحه وصااااار استريت بدون سشوار يعني تتطلع من الحماام الشعر ساااايح على الكتووفي...بس انا مشكلتي عندي الفروة تساقط اعوذ بالله منه وكنت الله يسامحني مجربه الحناء السوده طبعن عدمت شعري كله..بس خلطة الحنة شين فادتني وايد انها نعمت شعري صار ارررحم والكيرلي راح بس مش وايد لاني خليت الخلطه عشان التساقط...

بنات الي شعرها اجعد وكيرلي ولا جاف انصحها تجربه الحنة شين ونتايج تشوفنها بعد ثاني استعمال...

وصح نسيت اقولكم بعد ما شافو البنات شعري وشعر بنت خالتي يعني صارت القذله احلى يجربون الخلطه ويمدحوونها..
الي تحب اخبرها اكثر عن الخلطه اتريه سؤوالها ومن عيوني اجاوبها بالتفاصيل عن الخلطه ...

وبالتوفيق للجميع ان شالله ...

وردة الحب:shy:
c
:أختي وررررردة الحب حياااااج الله بين خواتج العرايس :shy:


ونتريا منج الخلطة (الحنة شين )لان للاسف شعري صاير جاف:confused:

من بعد ما كان دهني وصاير صعب التمشيط

وجزاج الله خيييير مقدمااا:smile:
م
عزيزتي شكرا لج

بس وين نلقى الخلطة و ين هذاي الحرمه في الامارات في ايا امارة

و كم سعرها وكيفية استخدامها
ا
وين أقدر أحصله .. ومشكوره على الموضوع
a
يا هلا ويا مرحبا يا الغاليه يا بنت بلادي :shy:

دخيلج احلقينى بها الخلطه يا الغاليه ارجوج لا تقصرين فيني...... :s2

وما فيني أتريى وايد لانه اعصابي ما تستحمل اخاف تيني سكته قلبيه (امزح) واذا فيه خلطه تطول الشعر يكون أحسن ......:up:


ومشكوره واييييييييييييييييييييييد ......:smile:
s
عزيزتى roselove

لا لا لا لا لا تستخدموهاااااااااااااااااااااااااااااااااا

انصحك لوجه الله ابتعدى تماما عن حنة الشين انها سيئة سيئة سيئة
اخت صديقتى استخدمتها و فى البداية كانت النتيجة اكثر من رائعة شعر مفرود واسود فكررت الاستعمال اكثر من مرة....... و كانت النتيجة بعد ذلكconfused: ان شعرها بدأ يتساقط بغزارة شدييييدة و بدأ شعرها يخف بعد ان كان ثقيل جدا و بدأت تزور الاطباء للعلاج من هذه الحالة :confused: .
و الحمد لله بعد العلاج و التوقف عن استعمالها رجع شعرها الى حالته الطبيعية.
و الله على ما اقول شهيد
ا
.......ألحين حد يقول انها زينه ....ويمدحونها

عيل شو سالفت البنيه اللي حت شعرها .......:down:
d
أنا بعد أترياج
أبغي أعرف من شو تتكون أو وييييين ممكن أحصلها

أترياج لاتتأخرين
:flower: :flower:
م
swib

عندك حق انا اعرف واحدة اماراتية استعملتها
وفي الاول كانت النتايج ممتازة


لكن بعد كده فضلت تتعالج عند دكتور جلدية اكتر من سنة

والله والله والله بنت اختها قالت لي جوزها كان هيطلقها
عشان شعرهااا كله

وقع وبقاااااااا خفيف وما كانتشي عارفاااااااا تعمل ايه

بس بعدها حرمت تجرب اي حاجة
اي حد يقول عليها الا ما تكون متاكدة ميه في الميه وتكون شايفا بعينها




يا بنات مش كل اللي يقول لنا اي حاجة نجري نشتريها
واحنا وحظنا


يا نفرح:) :) :) :) :) :) :) :) :)














يا نندم:confused: :confused: :confused: :confused: :confused: يس بعد ايه

بعد ما نجازف بشعرنا


مش كل اللي يعمل دعاية لاي حاجة نجري نشتريها



rose love


اسمحي لي من اول مشاركة ليكي بتعملي دعاية
ربنا اللي يعلم بالنوايااااااااااااااا


بس هو ده اللي واضح


وطبعا اتمني اني اكون مخطئة

ولو انا مخطئة


الحقي نفسك انتي وبنت خالتك وما تستعمليهاش

دي بتدمر الشعر


بقولك جوزها كان عايز يطلقها لما شعرهااااا وقع

الحقي نفسك


:D :D :D :D :D :D
ر
انا بس حبيت ارحب فيكي
r
صباح الخير بنات..شحالكن..اسفه على التاخير بس انا تقريبا قول الامتحانات على الابواب..المهم اول شي كل الشكر والمحبه حق البنات الي ردو عليه واسالوني..بالنسبه على خلطة الحنه هي موجوده في دبي محلات العطارين ممكن تلقونها وسعرها 100 درهم وفي ناس بيزيدون فيه..هيه الحنة بودره نفس الحنة العاديه بس المكونات تختلف ويخلطونها ويه الرووب ويخلونها يعني اكثر من ساعه في الشعر...


بالنسبه لفوايد هاذي الحنه انا شفتها على شعر بنت خالتي وكان الشعر كيرلي وجاف..والحين غيرررر..وما سمعتها تشكتي من بعد ما تصلح..بس تدرون بنات كل وحده فررروة راسها تختلف عن الثانيه يعني نفس الزيوت فيه حد يناسبه وفيه حد لا..وعني انا تقريبا جربتها ثلاث مرات وعقب وقفت لاني كنت لالالاعبه في شعري بالخلطات وزاد التساقط...

والبنات الي جربو الخلطه كلهم يقولون عاديه التساقط العادي للشعر..

بس الي جرب الخلطه ثاني مره وتحس انه في تساقط على طول توقف نفس الزيوت لانه اكيد ما ناسب فروتها

وبنااااات انا قلت لكم انه الي شعرها كيرلي واجعد اما بالنسبه للبنات الي شعرهن دهني ومش كيرلي بالقوة ما اعتقد انه بتناسبها الخلطه..

اخت مصروايه ربيعتج كيف نوعية شعرها وكانت تستخدم اي صبغة لانه في تنبيهات حاطينها على الخلطة انه لازم يكون على الاقل الشعر مش مصبوغ من 6شهور وما يتعالج بالادويه ..
وانا قلت لكم تراه مشاركتي هاذي عن تجربه وشفت النتايج والله اعلم..


ومشكورين بنات ..
مع تحياتي رووز الحب
ر
تسلمين على ها الخلطة يا عمري
م
ياااا بنااااات نصيحه لوجه الله
لا تستخدمونها
انا جربتها وفي ناس يسمونها الحنه السوده لفرد الشعر وناس يسمونها
خلطة الشين
وريحتها ريحة مسمار
وانا مجربتها قبل اربع سنين و الله ثم والله اعدمت شعري وتساقط حيييل بشكل لا يوصف
صحيح اول الاشهر الشعر حلو بس انتظري شهر او شهرين وشوفي شعرج
شنو يصير فيه توصلين الي حد التقريييييع من كثر التساقط
وهذه تجربتي والكثير من البنات اللي استخدموها صار لهم هالشي علي اختلاف انواع الشعر يعني مو بس انا صارلي جذي
عموما اللهم بلغت اللهم فشهد
وعلي فكره انا قبل ما استخدمها سئلت بس اللي تبيعها تمدح ولانها كانت شي جديد فالكل كان توه مجربها ما شاف النتائج اللي طلعت مع الوقت
اللي تبي السلامه تبتعد عن هالخلطه وتستخدم الشي المعروف مثل الزيوت
والكريمات وخلو الشي اللي فيه مضره
عموما اختي وردة الامارات ودي اقولك انتظري النتيجه واصبري وراح تلاقين كلامي صحيح صبر جميل والله المستعان ودي اقولك دوري خلطات
للتساقط تفيدك في الفتره الجايه واتمني ما يصيرلك اللي صارلي

واتنمي ما تزعلين من صراحتي
في امان الله
مراايااا:cool:
z
فعلا يا بنات هذا النوع من الحنه يؤدي الى تساقط الشعر بغزاره
X