احيي الجميع بتحية الاسلام
السلام عليكم ورحمة الله وبركاته
شخباركم والله اني ول مرة احط موضوع و احب اني انقل تجربتي لكم
مع الشعر
طبعا انا شعري كان ناعم حييل وكثييف بس للاسف انقلب فوق تحت واخترب من الصبغات
نصيحه اللي تبي شعرها يطول ومايفقد الرونق واللمعه والحيويه ابتعدو عن الصبغات...
المهم بعد ما تقصف واخترب كان دايم يطول لين ظهري وارد اقصه ويرد يطول واقصه عشان التقصف
اخر مرة قلت ماراح اقصه وبهتم فيه ومع اهتمامي رد طال مرة ثانيه ولله الحمد بفضل ربي
اول شي ..
التدلييييك
شرب الماء
وضع زيت بنت النور استعملته وواييد حلو
مرتين بالاسبوع وبعد كل سبوح من بعد الزيت
استخدم امبولات فيشي مع التدليك مو شرط بعد السبوح ممكن ثاني يوم
وقبل لا احط زيت بنت النور قبلها بيوم اخذ بطرف اصابعي زيت الزيتون مع التدليك
واذا بغير من زيت الزيتون احط زيت جوز الهند اللي بالعلبه البنفسجيه اللي عليها نخله بالذهبي من الحواي
الصراحه هالاشياء ما استغني عنها لاني شفت ولمست الفايده منهم
ومع الايام طولت شعري و لللللله الحمد وله الفضل اولا واخرا
شعري الحين لي ظهري
ملاحظة : عدم تمشيط الشعر بعد الغسل مباشره لان تكون مسامات الشعر مفتوحه فممكن يسبب تساقط
نطري لين ينشف
ومع شرب الماي ولا ننسى الدعاء للله
واذا عندكم استفسار عيوني لكم
وادعو لي اخواتي ان رب العالمين يرزقني ويفرج همي
