من أفضل دكتور للتقشير بالبحرين ؟

السلام عليكم ورحمة الله وبركاته

شخباركم أمورات عساكم بخير وصحة وسلامة

بنات الله يخليكم بغيت مساعدتكم وآرائكم .. آنه صار لي فترة طويلة أعاني من حب الشباب وأعاني أكثر من الآثار اللي يتركها

الآثار عبارة عن بقع حمرا وبعضها لونها أحمر قاتم شوي مائل للبني أو الماروني وبعضها لونها بني أو أسود ( هاذي لوحة فنية مب ويه )

دورت خلطات ع النت .. أغلب الخلطات إلي ألقاها للحبوب مب للآثار فقريت ع النت إن التقشير الكريستالي أو الكيميائي ممكن يفيد

فآنه ناوية أتوكل على الله وأسوي تقشير كيميائي او أي تقشير يفيدني .. لكن مشكلتي أو خوفي من الدكاترة .. أخاف انهم يخربون ويهي زيادة

آبي دكتور شاطر ويخاف الله مو مثل دكاترة هالوقت خصوصا الطب الخاص يبلعون مئات الدنانير من خلق الله بدون فايدة

فإذا جربتو دكتور أو أحد تعرفونه سوا تقشير عند دكتور وفادها ياليت تفيدوني جزاكم الله خير

وبعد آبي أسأل عن دكتور خليل العريض إذا سويتو عنده تقشير أو أحد سوا تقشير .. هل له خبرة بهالمجال .. آنه من شهر تقريبا تعالجت عنده للحبوب وأظن ان العلاج اللي عاطني إياه فادني شوي

بس مثل ما قلت لكم الحبوب مب مشكلة قد ما الآثار هي المشكلة

وبكم التقشير على انواعه سواء الكريستالي أو الكيميائي وهل تختلف الأسعار من دكتور لاخر .. سامحوني وايد طولت عليكم بكلامي وأسألتي

بس والله العظيم هالشي هذا مأثر علي وايد و والآثار وايد واضحة فويهي .. وجزاكم الله خير وشكرا لكم مقدما