زوجي مشكلتي

السلام عليكم



بنات تعبت لو ماأتكلم بموت مافيه أحد يحس فيني


زوجي عذبني
تعبت أحس أني بنهار كل شي يبيه لنفسه يحس أنه الكنك وانا الخادمه
يعاملني كأني عدم وكأنه مغصوب علي

يطلع ويدخل على كيفه
لي معه سنه وخمس شهور ماطلعت معه مشوار لحالنا (أهله أهم مني)

ودائما يحسسني أنه المظلوم معي
وأنا من يوم ماأخذته مايطلع ويدخل إلاو أنا بلبس
وأتزين له وأتعطر وينتقدني في لبسي وشكلي وجسمي ودائما شوفي فلانه تسوي وتسوي لزوجها ويحظ فلان مرته ماشاء الله


ولو يجي يوم وانا تعبانه وماتزينت قال من يوم ماتزوجتك وانتي ماتتزينين

يعني مايفرق معه تزينت او لا

مايعطيني مصروف
ينتقدني
ماأروح لإهلي إلا مره بالشهر بعد طلعت الروح إذا قلت له بروح يقوم الدنيا ويقعدها وإذا رحت أنام عندهم اربعاء وخميس ولاقلت تعال خذني قال مو أنتي اللي تأمريني أجل أنثبري عند أهلك لاتجين
وأخلي أخوي يوديني بس مأبين لأهلي شي وأنطم ولا أكبر السالفه علشان بنتي وهو ولد خالي ماأبي مشاكل
وماأرجع إلا مشكله تنتظرني
وأهله كل بعد يومين اروح لهم والحين لي اربع ايام مارحت لهم ويقول لي اليوم انتي مقصره في حق اهلي وأنا أحط أهله بعيوني والله أنهم يسون فيني شي الله أعلم به ومع ذلك أنطم وأسكت ولاجيتهم ماأحد يجلس عندي خواته ثنتين وحده جوالها بأذنها والثانيه تجلس شوي وتطلع وأمه ياما راحت وياما جت
يعني هو حارمني من اهلي واهله كل يوم يبيني أجيهم
اللي يتناقش معه يوصل للحضيض
يخلي الحق معه بالغصب وانا دائما الغلطانه بنظره

سوق مايوديني إلا بالعيد وإذا رحت يكرهني عيشتي يطالع في فلانه وعلانه ويعلق على أشكالهم
والحين بنتي ضاق عليها لبسها وهو كل يوم بيوديني من ثلاث شهور هالكلام
والله استحي لااقول لأخوي


أحيانا توصل مشاكلنا للطلاق
بس أفكر أهلي ماعندهم بيت ملك من أيجار لإيجار بتمرمط معهم وهم مو ناقصين
وبنتي والله لو أطلق أن يحرمني منها
عيشتي معه هم ونكد

بنات أنا والله أني أبذل كل جهدي يعني الصباح أقوم من خمس أجهز قهوته وفطوره وهو الله المستعان وهو نومة أهل الكهف أقومه من خمس ونصف ومايقوم إلا ست ست ونصف وإذا قام قال يوه تأخرت ماقومتيني بدري ذبحك النوم أقوله مقومتك من خمس ونصف ويقولي كذابه
إذا غسل أروح البسه وأعطره ولاأفطر طلع
ويجي 2 ونصف أكون مجهزه غداء ولابسه وملبسه بنتي يتغداء وينام وقوميني المغرب وماأنام البيت يبي شغل والمطبخ والبنت تبي قعده أقعد للعشاء يالله يقوم وإذا قام تقهوى وأخذ معه قهوه للأستراحه ومايرد إلا الساعه 2 يقعد شوي وينام وبنتي أسهر معها إلى 3 ونصف ويالله تنام وأقوم خمس
تعبت والله تعبت
أكره حياتي

مايحس فيني
أبيه يحس أبيه يوديني لأهلي بدون مشاكل أبي أرتاح أبي أعيش مثل غيري وانا حياتي كأني خادمه مهضوم حقها
وشلون أخليه يحترمني أزعل وأتطلق وأطين حياتي