مشكلتي مع امي

والله مدري وش اقولك حبيبتي... الله يكون بعونك

الله يكون بالعون


حاولت جميع الطرق

اكتبي لها رسائل
مثل ماكتبتي بالمنتدى
بالكي بتسمعك

كتبت ياختي

بتقول ليي ما تنفعج الا الرسايل

وتقول اني ماحبج لا بس لا تكلميني واني مو امج دوري لج ام ثانية

حبيبتي الله يكون بعونك

اشتكي لابوك الابو هو اللي له تاثير على الزوجه
وادعي بصلاتك دايما ان الله يألف بين قلوبكم
كم عمرك اختي

اختي بقولج على شغله
شيلي اغراضج كلها من البيت وطلعي
روحي الى بيت امج العوده او الى وحدة من خالاتج او احد من اهل ابوج
ويمكن تكون صج اهي مو امج من الكلام الا تقوله لج
الله العالم
لانه مافي ام في الدنيا تعامل بنتها وظناها جذي لو شنو يصير
قلب الام حنوووون

شنو يمكن مو امها ؟؟؟؟؟؟؟؟؟؟

لاتشككون البنت بأمها وتجيبون لها مشاكل اهي في غنى عنهااااا


حبيبتي اصبري على امج مهما صار هاذي امج .. واهي يمكن كانت معصبه لما قالتلج انا موامج لادققين على كل كلمه غلااااتي طنشي

وادعي بصلاتج ان الله يحنن قلبها عليج واكثري من الأستغفااار .. واذا عندج خاله قريبه لج وحكيمه اشكيلها ويمكن تقدر تساعدج او كلمي اختج اللي اكبر منج خليها تكلم امج

والله يهديها ويحنن قلبها عليج ...

حبايبي مافي ام في الدنيا تعامل بنتهاا جذي لو شنو يصير
صحيح بعض الاحيان الام تقسى على اولادها بس مو الى هالدرجه
جوفو البنت شنو قال
((((
مثلا امس اخوي خرب ورقة مالت ابوي خالتنها على الارض جيت وجفستها وحطيتها مكانها وحملت اخوي

جت منو خربها منو جفسها قلت ليها اني جفستها لان اخوي يلعب فيها وماجيت الا خربها

وشلته

ايه وضربتني ليش تتلغين

اني تلغيت بس قلت لج


وبعد كله تضربني قدام الناس ))))
معقوله في ام تسوي الى بنتها جدي
ماعتقد

رأي من رأي مها

كل كلمه قالتها صح

و ادعي انه الله يحنن قلبها

و رح انشاء الله أدعيلك بكل صلاه

الله يكون بعونك

و يمكن أنتي مكبره الموضوع كتير

يعني عنجد بتعمل كدا

بس في كل الاحوال أنا معاك

و إذا من جد بتعمل كدا أنتي أصبري عليها

شوفي الرابط هدا يمكن تلاقي الحل

http://www.3roos.com/forums/t375186.html

انا عمري 13 بدخل 14

انا كنت قريبة من عمتي واشكي لها وقالت بتكلم امي

امي يوم درت باللي بينا

استحمقت وقالت مشاكل البيت لا تقولينها لبره

احين اخاف افتح مع احد

وابوي ما يفهمني عدل

ان يقول هذي امج وتحبج ومادري شنوو

يالله

حبيبتي مدام انتي تتكلمي مع عمتك

كويس على الاقل في احد يفهمك

كلميها بس قوليلها لاتقول لاحد

وبصراحه

انا كمان مو مره قريبه من ماما

حتى لما بلغت ماقالت لي اي شي

وما اتكلم معاها في دي المواضيع احتفظ فيها لنفسي

ان شاء الله اكون افدتك

عيون الفهد

هدي بالج اختي ان الله مع الصابرين
ذكرتيني بنفسي ويا امي واختي قسم بالله انقهرررر
انا اشتغل بالبيت عاد مو واايد بس احسن من اختي اللي كلش ولا شئ ولا شئ
وتعالي شووفي امي في كل شئ تناقشها وتاخذ رايها واذا غلطت اختي عادي لا حول ولا قوة الا بالله الله يهديها

وانا والطوفة واحد بس وظيفتي جيبي ماي ودي شاي وحطي وجيبي وادز الجاري في الجمعية واشيل اغراض هذا هو لكن محد يسالني عن رايي او شئ

واذا اعترض على شئ تقول لي امي عاجبج اهلا وسهلا مو عاجبج كيفج واذا اختي ما عجبها تقعد تناقشها وتقولها لها لالا ما يصير ما نبي جذي يعني باسلوب حلو

ودايما خلي بالج انا الغلطانة واللي ما افهم مع ان عمري 19 وطبعا بالبيت امي واختي سوالف وسوالف وانا سااكتة محد يكلمني ولا احد يسالني عن شئ واذا تليقفت غصب ابي اتكلم يقولون لما الكبار يتكلمون الصغار يسكتون

وايد تصير اني امشي بالبيت وابتسم او اضحك تعرفين ليش؟؟ لان محد يكلمني اقعد اتذكر السوالف ويا ربعي والا مواقف صارت لي وتضحك وابتسم تشوفني امي تقولي شفيج تبتسمين؟

واذا رن التلفون ورديت يسمعون صوتي يقولون لي كنتي ننايمه؟ اقول لا ليش؟ يقولون صوتج كانج نايمه. هذا لاني طول الوقت ساكتة ما اتكلم فلما اجي اتكلم يطلع صوتي غير

شقول لج بعد عندي وعندج خيير الله يعينا ويصبرنا انتي على الاقل عندج عمتج سولفي معاها واطلعي معاها واستانسي واللي بينج وبينها قولي لها يظل بينج وبينها ما يطلع لا لامج ولا لابوج خلكم ربع واستانسي ترى والله بتتعبين نفسيا اناقررت اني اعيش حياتي اللي يبيني اهلا وسهلا على قولت امي الله يهديها ويشفيها ان شاء الله واللي ما يبيني الله يرزقه على قد نياته ويسعده ويهنيه ويريح باله

واذا تبين حبيبتي نتواصل على النت انا ما عندي مانع :D

سبحانك اللهم وبحمدك اشهد ان لا اله الا انت استغفرك واتوب اليك

معلش استحمليها هى امك وليكى الاجر ان شاء الله

اهلا اختي العزيزة..

اول شئ لازم تحطي برأسك ان مافي حد بالدنيا يحبك مثل امك وانا أم واعرف شعور الأم اتجاه ابنائها كلهم

على حد السواء...

الأم حبيبتي مهما تكون واعية ومتعلمة ضروري تغفل عن بعض الامور وايضا غير المتعلمة... وانا مثلا لا اتذكر

ان امي هي من اخبرني بالدورة الشهرية والامور الخاصة بي...بل من المدرسة وايضا من اخواتي الاكبر مني..وعندما كبرت فكرت والان لا الومها...فلها اسبابها...

عزيزتي امك ممكن تمر بظروف خاصة ممكن تكون صعبة وشاغلتها عنك وبتلاقيها بتصب جام غضبها

فيك انت وبدون قصد واكيد لما تروح تنام تفكر بينها وبين نفسها ويأنبها ضميرها اتجاهك اعذريها حبيبتي

ولك الاجر من الله سبحانه وتعالى فالأم عانت وتحملت وصبرت وعلى حساب نفسها ربتكم واكيد

سهرت لأجلكم وكل هذا من المؤكد حيأثر على نفسيتها وطول بالها فأعذريها دائما بدون ملل وحاولي

قدر الأمكان تفادي اغضابها والابتعاد عن كل ما يكدرها لانها عندما تلمس الطيبة والحنان والهدوء فيك

حبيبتي ستهدأ وتفكر فيك جيدا... اهتمي بدراستك واشغلي نفسك وتقربي منها وحاولي مساعدتها في

الاشياء التي تستطيعينها في البيت وشئون المنزل وترتيب غرفتك ايضا وملابسك ودائما اعطيها انت

الحنان والكلام الطيب حتى بدون مقابل...

حبيبتي انت الان في عمر انتقالي وفي هذا العمر تختلط على الاباء الامورفتجدين امك في امور

تعتبرك صغيرة مثلا كعدم سماحها لك بالخروج معها...واحيانا تعتبرك كبيرة عندما لا ترفقين بأخوانك الاصغر

منك ولا تسايرينهم...

حبيبتي الله وصانا على ابائنا ونهانا عن كل مايسئ لهم فلنطيعه ونرفق بهم...لأن غيرنا ليس

لديه هده النعمة ومحروم من كلمة ماما وبابا فلنتمتع بها قدر الامكان ...

شوفي حبيبتي
انتي في عمر الحين اغلبنا مرينا فيها
وأنا قبل كنت دايما تفكيري نفس تفكيرج، ودايما في بالي ان محد يحبني
وصدقيني هذا نفكير الاغلبية، لما نوصل لسن معين تبتدي فينا هالافكار، سبحان الله كل اللي اعرفهم جذي
يعني لو امهم شتسوي لهم بعد يقولون ماتحبنا

جوفي امج مايصير انها ماتحبج او تكرهج
يمكن عندها مشكله في طريقة توصيل هالشي لج، وماتعرف تعبر عن شعورها

يعني انا مثلا عندي اختي الكبيره عندها مشكله مع ولدها الكبير
هو عمره الحين 9 سنوات تقريبا
ومن يتكلم دايما تسكته، وصج بعد تطقه
وحتى لو ماسوى شي تعصب عليه

بس هاذي مو معناته انها ماتحبه، بس هي ماتعرف تتفاهم معاه
وعلى طول معصبة لان هي طبيعتها جذي

انزين الحين انتي شدراج ان لين امج واختج قاعدين في الحجره ان هم يسولفون ويضحكون
يمكن اختج عندها مشاكل او مسويه مشكله وامج تكلمها عن هالموضوع

واذا عن سالفة الدورة انها ماقالت لج عن البلوغ وهالسوالف، ترى احنا بعد امهاتنا ماقالوا لنا
والسبب مب عندم اهتمام منهم بس هم مايعرفون شلون يتكلمون او يفتحون الموضوع مع عيالهم، وترى حتى الامهات يستحون من عيالهم

المهم، انتي اذا عصبت عليج لا تردين عليها بأسلوب صراخ او تعصيب
وحاولي قد ماتقدرين تقللين الكلام اذا كانت هي معصبه
لان ممكن تطلع منها تصرفات غصب عنها

واذا تبين تطلبين منها شي اختاري وقت تكون فيه هي رايقه
واذا تبين تكلمينها في اي شي حاولي تعدلين في اسلوبج وتكلمينها بكل هدوء
واذا عصبت قولي لها باخليج لين تهدين وبارجع اكلمج،لا تقولين لها انا شسويت او انتي ليش معصبة علي ؟؟ لان هي مابتعترف انها غلطانه في تعصيبها وولا بتقول لج انا آسفه او انا غلطانه
وبالعكس بتنقلب السالفه عليج وبتطلعين انتي غلطانه
ولا تعترضين على اي شي تقوله، لان يبين انها ماتتقبل اي اعتراضات

انا اتوقع ان امج مب النوع اللي يطلع عواطفه ويبين اهتمامه
وخصوصا انج لما تيين تبين تبوسينها او تحضنينها تبعدج عنها
ووايد ناس ترى جذي، مايعرفون يتصرفون في هالمواقف، واذا تقولين لهم كلمة حلوة مايعرفون شيردون عليج او شيقولون

والله يكون في عونج
وان شالله اذا كبرتي بعد شوي بتتعدل علاقاتكم مع بعض

ان شاء الله يصير خير

وبحاول قد ماقدر اراضيها

بس في اشيااااء