الي ساكنه فبيت اهل زوجها... تدخل

انا عن نفسي يالسة ويا اهل زوجي بس اول ما عرست كمن مرة شاركناهم في مصاريف البيت بس عمي زعل

الحين ما نشتري بس اذ سرت الجمعية اخذ غريضات بسيطه مثل ال خبز والصمون وعصاير وبسكوت وبعض المعلبات واذا ماشي خضرة وفواكهه اخذ بس بشكل غير ملحوض

بسم الله الرحمن الرحيم ..
السلام عليكم ورحمة الله وبركاته ..

اولا : اشكرج على الطرح..
ثانيا: بس اريد ان استفسر عن شي الا وهو انك من الواضح مستاءة من الموضوع ام ماذا ؟؟..
انا بصراحة لم اتزوج بعد ولكن ليس عندي اي مشكلة في المشاركة بالميزانية وساكون بلا شك اسعد عندما يراعي امه ويفرحها ..
احسبيها اختي معي اذا خرجتي في بيت او شقة ستدفعون اجار البيت وكهرباء وماء ومصاريفكم الشخصية غير الزوارات لبيت الاهل ولازم تاخذين شي معاج !!..
والله الحسبة وحدة ..
وبالعكس يمكن عند اهل زوجج احسن ..
ولو هذا الشي صار مع اخوج وما عطى امج مصروف عصبنا وقلنا هذا عاق ..
بالعكس ساعدي زوجج وذكريه دايما بهذا الشي ..
وانتي بعد جيبيلها هدايا وفرحيها..
اكيد بترضى عنج غير وبتساعدكم بعد !!..

شكرا ..

bj3a
اسعدتني مشاركتج...

اني ساكنه في بيت عمي بس فوق وعندنا باب بروحنا بس في باب ثاني ندخل لهم منه

والحمدلله مرتاحه

وعن المصاريف مانشارك وياهم لاني ما آكل وياهم بس يوم اللي نتجمع فيه يوم السبت

بس نشتري اغراض ونساهم معاهم اذا يبون شي
وفي شهر رمضان قلت باكل وياهم وبشتري اغراض ومارضو بيت عمي قالو الخير وايد ماله داعي نشتري

اذا انتي حابه تساعدينهم حلو اشتري اغراض بسيطه لان زوجج يعطيهم مصروف

مرحبا اختي حلوت ايامي
اختي انتي فهمتيني غلط بالعكس انا من النوع الي وايد احث زوجي ان يعطي اهله ويساعدهم وبالخص أمه
لان الام غير ...انا ام وحسبها
ع فكره زوجي مسوي مصروف شهري حق امه ودايما ناخذلها هدايا فالاعياد وغيره
ومتى ما رحنا الجمعيه لازم نتشرى اغراض حقهم ولو بسيطه ..مهما كان نحن عايشين عندهم ولازم انشارك

وانا حبيت اطرح هالموضوع عشان الاستفاده من نجارب الغير وكيفية ترتيب امورهم.. لاغير

دموع الكوثر
مشكوره فديتج ع الرد

انا ساكنه في بيت عمي بس ما نساهم بشي كلش اصلا اهم الي يعطونه لانه حاسبينا بعدنا صغار ومانقدر نتحمل مسئوليه روحنا يفكرون جذي لكن احنا نقدر

بما انكم فتحتوا موضوع السكن مع اهل الزوج شوفو مشكلتي وارجو المساعد بنتظر ردكم بليز في قضايا وحلول ابي حل الموضوع تابعه تزوجت وتبهذلت

عرووس ديرتي
والله ضحكتيني عندكم ولد وبعدكم صغار؟؟؟
يالله زيادة الخير خيرين..

انا احب اشاركهم من نفسي

هلا حبيبتي انا ساكنة عند اهل ريلي نفس الشي ونحن نساهم في البيت لأن هذا شي ضروري لازم الواحد يعطي اهله ويساعدهم حتى لو كانوا مب محتاجين بس هذا الشي احس انه شي اساسي وانا اشجع ريلي على هاالشي بس بعد يوم اظهر ويكون شي ناقص في البيت نيبه ونيب هاالأشياء الخرابيط نفس العصاير والخبز والحلويات ومرات بعد نعزمهم عالغدا ولا العشا عادي وانا وايد مستانسة اني عايشة مع اهل ريلي لأنهم مب مقصرين معاي في شي ويعاملوني جنه وحدة منهم وفيهم