استفسار عن وضعي بعد المس كاريج

مرحبا دكتورة..

حبيت استفسر منج عن وضعي اذا كان كل شي اوكي ولا لا..

انا حملت لفترة قصيرة تقريبا شهرين وبعدين صارلي اللي يسمونه missed miscarriage
و صارلي ثلاث شهور من بعد عملية الغسيل وعلى فكرة انا ما نزل عندي دم قبلها، بس ظهر للدكتورة بالالترا ساوند انه البيبي مافيه نبض وبعدين بدا يصغر عن حجمه السابق ..

بعد عملية الغسيل، نزلت عندي الدورة لمدة ثلاثة اسابيع
و بعد ما وقفت بثلاث اسابيع رجعت يتلي الدورة مره ثانية

ومن بعدها احس انها انتظمت لأنه رجعت يتني الدورة بعدها بشهر وهذا الطبيعي

فأنا وزوجي قررنا محاولة الحمل مره ثانية بعد ما مر شهرين والدورة انتظمت
حتى لون الدم ورائحته وانتي بكرامه رجع طبيعي

فحاليا تأخرت عندي الدورة اسبوع على غير العادة
توقعت اني حامل بس الفحص المنزلي اظهر اني مب حامل
ونزلت عندي الدورة ..

بس حبيت اعرف .. بعد عملية الغسيل انا فقدت وايد دم
والطبيبة اللي اراجع عندها انا مب مرتاحتلها ابدا لأنها اهملت علاجي بعد العملية

ماعرف هل لازم اني اراجع طبيبة بعد الاسقاط ولا ما يحتاي