انا وصديقاتي الـــــ 3

حسافه والله ..

الاصيل يا اختي مايتغير انا ألحين تزوجت ماقطعت عن صديقاتي وهم تزوجوا قبلي بسنين
ماقاطعوني صج انهم انشغلوا عني لان الزواج مسؤولية وانا انشغلت عنهم بعد الزواج بس بالظروف والمناسبات انتلاقى ما نقاطع بعض ابدا ,,ووقت ما كنت احتاجهم الاقيهم وصادقت عقبهم كثير والحمدلله والدنيا ماتوقف عند احد والصداقات مالها عمر معين


واخيرا لاتهتمين الدنيا ماتسوى ربي يسعدج
و يرزقج وتتزوجين الرجل الصالح اللي يسعدج ويهنيج يارب وتنسين هالاشكال اللي ما تعرفج الا بوقت المصالح بالتوفيق يارب

لا تشيلين هم اوكي ربي يوفقج تصدقين من طريقة كلامج حبيتج وارتحت لج حيل يا اختي:)

هوونيهآآ يآ اختج وتهوونـ ..
يمكن احسآآسج هلوونـ


ولاآ الاصدقآءمثلـ النجوومـ
مآ تجووفينهمـ

بس اتعرفين انهمـ موجووينـ للمسآعده

في اي وقتـ


ربي يرزقج بالزوج الصآلح
ويوفقج ويعطيج كلـ اللي في بآلج

^_^

.:.

لاتزعلي نفسك ولا شي


انتي لاتقطعيهم

بس ارسلي لهم مسجات

احيانا الزوج هوا السبب لانو بعضهم مايحبو الصحبات

وبعضهم ضغوط الحياه تغيرهم

الرسول يقول التمس لاخيك 70 عذر

انتي كل الي عليكي تواصليهم في المناسبات

والله يقدملك نصيبك

عيون الفهد

فديت قلبج الله يرزقج بزوج الصالح الي يسعدج ويهنتيج ياااااااااااااااااااااااااااااااااااااااااااااااااااااارب >> من قلبي ادعيلج ..

أعذريهم أكيد هم مشغولين ... بس تأكدي أنهم يحبونج .. ولو ما يحبونج ما فضفضولج عن مشاكلهم و همومهم ..

عيون الفهد s;7035370:

الرسول يقول التمس لاخيك 70 عذر

حبيبت قلبي عيون الفهد .. هذا مب حديث .. مقوله ..:o

اسعدتني ردودركم ربي يرزقكم بكل بالدنيا ويبعد عنكم الشر ...

من جد دمعت عيوني لما قريت ردودكم ربي يوفقكم ويسعدكم

اختي لا تنسي ان البنت لما تتزوج تصير عندها مسؤوليات كثيرة مش متل العازبات يعني بتنشغل ببيتها و زوجها و الزيارات و اذا كان عندها اطفال فحدث ولاحرج , الصراحة الله يكون فعونهم ...
انت مش لازم تكوني حساسة اكثر من اللزوم و اعرفي انهم مش ناسيينك لا هم اكيد فاكرينك و بيعزوكي بدليل انهم لما يحتاجو يفضفضو بيلجأو ليك اذن انت فبالهم و بيعتبروكي اخت وصديقة عزيزة
اختي ربنا يرزقك بالزوج الصالح اللي يسعدك و يهنيك انت و جميع بنات المسلمين عاجلا غير اجل يارب

لاتزعلين ولا تنقهرين ترى المشاغل إذا أشغلت بني آدم تبعده عن أعز الناس له بس في أصدقاء مرررررررررة مخلصين
هناك بعيد شوفيهم فبيتكم أكيد عندكم مكتبة خذي واحد منهم واقريه واشتري دفتر كذا شيك وسجلي عليه مااستفدته من هذا الكتاب واكتبي عليه بين الأحباب وبعد ماتخلصين من قراءة الكتاب اكتبي فالدفتر إش استفدت
وبعدين إحنا مو صديقاتك؟يوم ضاق صدرك كتبتيلنا إنت بين أحبابك حبيبتي

انتي اعملي واجبك وراسليهم وعادي لان كثيرر صديقات لما يتزوجو يتغيرو عن بعض واعتقد بسبب انشغالهم والمسؤاليات وبعض الرجال يحبو يملكو المراءه لهم

حبيبتي الغاليه ليه ما تحسني الظن علشان ترتاحي
من القديم وحتى الان امهاتنا يحاولون يمنعونا من صديقاتنا المتزوجات والاغلب لا يعرف السبب
الام تعرف ان البنت اذا تزوجت تتغير واهتمامتها بعد تتغير وسلوكها ومزاجها
ليش تضايقي نفسك وتعتقدي انهم متبعدين بسبب خوفهم على ازواجهم منك.؟؟؟
انا شفت ومروا علي بنات الخال وخواتي تشوفين الوحده منهم تتغير وتصير في دنيا ثانيه بعد زواجها
وتصير عليها ضغوط ومسؤليات كبيره الزوج والبيت والطبخ وافكارها تودي وتجيب
حتى لو زارونا تلقينها كله تفكر زوجها وين راح وشنوجالس يسوي وهي بعيده عنه
بيصير مزاجها مترتب على راحتها مع زوجها وانتي ما تعلمين الغيب ولا تدرين
هم ايش حياتهم من بعد الزواج ..
الله يرزقك الزوج الصالح يا رب وانتي بعد بتتغيرين وما بتلقين الوقت الكافي للصداقات
لان بيكون زوجك وبيتك هم كل حياتك..
تحياتي

amoula000;7036322:
اختي لا تنسي ان البنت لما تتزوج تصير عندها مسؤوليات كثيرة مش متل العازبات يعني بتنشغل ببيتها و زوجها و الزيارات و اذا كان عندها اطفال فحدث ولاحرج , الصراحة الله يكون فعونهم ...
انت مش لازم تكوني حساسة اكثر من اللزوم و اعرفي انهم مش ناسيينك لا هم اكيد فاكرينك و بيعزوكي بدليل انهم لما يحتاجو يفضفضو بيلجأو ليك اذن انت فبالهم و بيعتبروكي اخت وصديقة عزيزة
اختي ربنا يرزقك بالزوج الصالح اللي يسعدك و يهنيك انت و جميع بنات المسلمين عاجلا غير اجل يارب

ابدعـــت وكفت ووفت الأخت


دمتي بخير تقبلي مروري

والله أختي أنا صديقاتي تزوجوا وبالعكس هم يتصلون ويسألون صدقيني الزواج عمره ما كان مبرر عشان أنسى صديقاتي....وهم يزعلون مني لمن ما أتصل ....أنا بطبعي أستحي أدق تكون مشغولة أو مع زوجها ...والله يرزقك الزوج الصالح وان شاء الله يكون لك أفضل صديق

أختي بين الأحباب لاتزعلين ولاتضايقي
عمرش الحياة مشاغل الله يكون بعون الجميع,,
الله يؤوفقهم مع أزواجهم ويرزقش بولد الحلال
الي يعدش ويملي عليش حياتش,,
ومثل ماقالوا لش الأخوات أنتي بين صديقاتش
وخواتش الي حبوش وأكيد بنكون معاش في الوقت
الي تحتاجينا فيه,,
تقبلي مروري,,
قلبي حسون

مشكلتج احسها عاديـه ومايبالها لاتفكير ولا وقت .. وهي جدا بسيطه ..

شوفي اذا البنيه تزوجت راح يكون عليها مسؤوليات وزوج وبيت وعيال وبينشغلون كثير ..

وانتي حاولي اتطرشين لهم مسجات بالاعياد او المناسبات مثلا .. وحاولي تقللين من مسجاتج واتصالاتج ..

واذا حسيتي بأنهم مايردون ع مكالماتج ومسجاتج لفترات طويله ومايتصلوبج بس حق الحاجه اعرفي انهم يبغونج

تسمعينهم بس .. وانا اعرف بنات من هالنوعيه وايدات مايبون يضيعون وقتهم حتى ويا رباعتهم ويختارون البنيه

الي تسمعهم وتحل مشاكلهم ...

واذا ينزعجون منج او شي ثاني مثلا اتصادقي ويا اي وحده ويقلج المثل الي مايباك لاتصيح تباه ..

هذا وجهة نظري ورايي واتمنى انج استفدتي منا ..

وشكرا ..

كلي حركات!

حبيبتي


لا تضيقين صدرج ولا شي..

حتى انا يوم تزوجت قلت اتصالاتي في صديقاتي ويمكن انعدمت الزيارات .. بس بينا مسجات ..

ولا تلومينهم ترى الحياة الزوجية مو سهلة زي ما يظنون البنات اللي ما تزوجوووا..

يعني بتطبخ ولا تغسل ولا تكوي ولا بتداري عيالها ولا زوجها .. يعني لازم تراعين ظروووف الواحد.. انا مع اني متزوجة ما صارلي شهرين احيانا يجي وقت ما افتح التليفيزون ...

والله يكون بعونك حبيبتي ويرزقك بالزوج الصالح اللي ينسيك الدنيا ومافيها :)

الله يبعثلك ابن الحلال اللي تنسيه معاه الدنيا ومافيها، وقتها يمكن تعذريهم
بعدين حبيبتي عمرة ما يكون الوقت تأخر لتكوين صداقات جديدة
تعرفي وصادقي وحبي الناس واملي وقتك
ومعليش اعذريهم ولا تواخذيهم

اختي وعزيرزتي احنا كلنا هون صديقاتك لا تهتمي ولاتحزني اختي انا مثلك كل صديقاتي تزوجو الا انا مع انه سبحان الله الكل يقول عني احلى واركز بنت فيهم بس كل شي قسمه ونصيب ومن يوم ماتزوجو كل وحده انشغلت بهمومها ومشاكلها اختي لاتعتبين عليهم هم اكيد مانسوكي بس مايقدرون يطلعون ويقعدون معاكي مثل الاول ولا يقدرون يتصلون مثل الاول لانه اختي حياة البنت تختلف تماما عن حياة المتزوجه صدقيني انه عندهم مسؤوليات ومشاغل تشغل الواحد وتنسيه اسمه وفي نقطة اخرى لازم ماتنسيها انهم مرتبطين بازواجهم وهناك الكثير من الازواج لايحب الصديقات ولايحب التكلم في التلفون او الخروج من المنزل لذلك اختي التمسي لهم الاعذار دائما وحاولي تزوريهم راح تلاقين انهم فعلا لديهم مايشغلهم عنكي عيشي حياتك ولاتهتمي وكوني صداقات جديده فليس هناك عمر للصداقه .. انا كنت مثلك في البدايه كنت متعلقه بهم كثيرا واحزن كلما مر يوم ولم يتصلو لكن عندما ادركت ان حياتهم ومشاغلهم اختلفت حينها غيرت من نمط حياتي وبنيت حياة مستقله بعيده عنهم منهم الان من يتصل ومنهم لا وانا بالمقابل اصل كل من يصلني والتمس عذرا لمن لايصلني لكن في نفس الوقت لا الح ولا ازعل من احد واحاول الانشغال بحياتي بعيدا عنهم .. لكن صدقيني مهما شغلتنا وشغلتهم الدنيا سياتي يوم يذكرون ايامنا الجميله فيه ويتمنون عودتها ..لاتحزني اختي كلنا هنا صديقاتك ونحن موجودون في اي وقت واسال الله ان يرزقك ويرزقني وبنات المسلمين الزوج الصالح عاجلا غير اجل .. سامحيني عالاطاله

لاتزعلي نفسك