أفضل مستشفيات الولادة بالبحرين

مراحب اختي
انا سمعت التخصصي وايد زين
وفي عضوتين ولدوا فيه
وهي الحب الكبير
nazoo alone
وان شاء الله يفيدونج

مرحبا اختي ..
أنا ولدت في مستشفى البحرين التخصصي ومن بداية حملي متابعة معاهم ودكتورتي رائعة والولادة سهلة ومعاملة ولا أحسن كأني ملكة . بصراحة أعجز أشكر فيهم .
واذا محتاجة اي سؤال أنا حاضرة

تحياتي لج .

هلا اختي ربي يتمم حملك وتقومين بالسلامة ان شاء الله

انا تابعت حملي السابق وولدت بالتخصصي وهالمرة بعد توني امس رايحة اول موعد وان شاء الله بتابع عندهم وراح اولد هناك اذا الله اراد وتمم هالحمل على خير

شوفي اختي انا تابعت ويا الدكتورة فرح وهي اللي ولدتني وكل شي كان تمام

الممرضات اللي بغرفة الولادة كانوا كلهم متفهمين ومتعاونين ويساعدون وما عليهم اي كلام

وعلى راسهم طبعا الدكتورة فرح اللي بجد تنحط على الجرح يطيب بكلامها وطيبتها

وبعد الولادة الخياطة كانت جدا ممتازة ولا تعبتني الحمد لله هذا غير الرعاية المتميزة والمتابعة سواء من الدكتورة او الممرضات وحضانة الطفل بعد واهتمامهم فيه وبالأم ما عليها اي كلام

بالنسبة للأسعار اللي اذكره انها كلفتنا تقريبا 600دينار لليلتين بمصاريف الأدوية وكل حاجة

بس أتوقع الحين كل شي زاد ويا ارتفاع هالاسعار الخيالي وهذا مجرد توقع لاني بصراحة للحين ما سألتهم

ان شاء الله أفدتك اختي وعذرا على الإطالة

انا اتابع في المستشفى الامريكي والله عنايتهم زينة بالنسبة لي وناوية اولد عندهم تكاليف الولادة عندهم 500 دينار اذا طبيعي و700 دينار اذا قيصري

انا أتابع بالدولي ..

مرتاحة جداً من معاملتهم الدكتورة و الممرضات جدا متعاونين ..

بس عن الولادة ما أعرف .. أنتي أدعي ان الله يقومني بالسلامة و باقولج اشلون كانت معاملتهم ..:)

انا اتابع عند التخصصي معاملتهم كلش زينة من جهة الممرضات او الدكاترة بحكم خبرتي فيهم لاني ترقدت عندهم و صج دلعوني آخر دلع بس الولادة خايفة منها و يقولون البكرية لازم يسوونها عملية قيصرية و كل ربعي سووهم عملية
خايفة من الولادة عندهم شسوي وين اولد؟؟؟؟؟؟؟؟؟؟؟؟؟

انا مواعيدي في العسكري بس الخاص وعند دكتورة موزه... وبولد في العسكري..لان المرة الي فاتت على اجهاضي السابق كانت معاملتهم وايد زينه عندهم غرف خاصه وجناح خاص للي ما يبون جناح عادي ..اذا زوجج مب عسكري راح تدفعين 500 طبيعي و1000 قيصري.. وبالنسبه حق الغرف الي في الجناح الخاص 70 الليله وبالنسبه حق الغرف الخاصه في الجناح العادي ما سألت لاني دخلت الجناح الخاص عنايه خاصه وما في ازعاج ولا ناس رايحه يايه.. وافكر احجز من هناك..

هلا اختي ..

دكتورتي كانت دكتورة فرح ، وبقولج شي لاتسمعين كلام الناس يعني فلانه قالت وفلانه سوت جذي ، اخذي كلام الي جربوا بس ، لأن الناس همها الإشاعات وتخرب سمعت الغير ، انا عني ماسمعت كلام احد أبدا سويت الي مقتنعة فيه ومقتنع فيه زوجي بعد ، وعلى سالفة انه البكر يسولها قيصرية ماله اساس من الصحة ، انا تعبت في الولادة ولدي ماشاء الله كان وزنه فوق 4 كيلو اتخيلي حتى شق ماسوت لي الدكتورة ، وووايد من اهلنا ولدوا في التخصصي وكلهم طبيعي ، اصلا الدكتورة تقول احنا مانحب نسوي قيصري لانه العملية تاخذ جهد كبير منا وخصوصا عناية مابعد الولادة والمضاعفات عكس الطبيعي يومين وهي طالعة من المستشفى ، وكل شخص بتسألينه بقولج الزين والشين عن كل مستشفى ، فأنتي شوفي الي ترتاحين له وسويه .

بالنسبة لي

ان شاءالله واول الله ما راح أولد إلا في السلمانية ادري ببتقولين معاملة وما ادري شنو

بس صدقيني اهم أعلم باي مضاعفات او مشاكل اثناء الولادة

وعندهم وحدة العناية في الأطفال لا سمح الله تعرض الطفل لاي مشكلة


ما أقول لج ان المستشفيات الخاصة مو حلوة بالعكس فيها راحة ودلع لانج دافعة لهم
بس لا سمح الله يصيدج اي شي ما يتحملون المسئولية


تجربة صديقة لي ولددت في التخصصي وتعب البيبي وايد في الولادة ولانهم ما عندهم التجهيزات اللازمة اضطروا ينقولون البيبي في الأسعاف للسلمانية واهي ظلت في التخصصي

والبيبي وايد تعب وللحين تعاني معاه من مشاكل في التنفس ونقص الأوكسجين أثناء الولادة

يعني بالعامية
روح بعيد وتعال سالم ولا شرايج؟؟


الله يقومج بالسلامة

انا عني رايي من راي المشتاقة يعني انا اتابع في ابن النفيس مع دكتورة كرن اللي اساسا كانت في التخصصي وبعدين سافرت ورجعت في ابن النفيس هي وااااااااااااااايد زينة ومعاملتها بعد حلوة واني مرتاحة لها وااايد بس المستشفى اني مايعجبني مااحس ان فيه نظام مادري ليش وحتى غرفهم مو داك الزود يعني زوجي ترقد عندهم الغرفة كانت مو حليوة واااايد

اني زوجي مايحب السلمانية ويقول لي بيوديني اي مكان بس مو السلمانية واني اقول ان كل المستشفيات الخاصة ادا صار اي شي يلجاون للسلمانية وانا ممرضة واشتغل هناك راح اخد لي غرفة بالجناح الخاص وللحين ماثبتنا على راي .

وفي النهاية الله يسهل لنا كلنا ان شاء الله

أختي بالنسبة عن متابعتي في الدولي أنا أتابع مع دكتورة سنجواني .
انا قبل لا أروح الدولي لفيت على كم دكتورة في بداية الحمل و بعدين استقريت عليها ..

اللي عجبني فيها أنها تهتم بأدق التفاصيل و تشرح كل شي خصوصاً اني بكرية و عندي أستفسارات وايد ..

pooh3252;7057361:
انا عني رايي من راي المشتاقة يعني انا اتابع في ابن النفيس مع دكتورة كرن اللي اساسا كانت في التخصصي وبعدين سافرت ورجعت في ابن النفيس هي وااااااااااااااايد زينة ومعاملتها بعد حلوة واني مرتاحة لها وااايد بس المستشفى اني مايعجبني مااحس ان فيه نظام مادري ليش وحتى غرفهم مو داك الزود يعني زوجي ترقد عندهم الغرفة كانت مو حليوة واااايد

اني زوجي مايحب السلمانية ويقول لي بيوديني اي مكان بس مو السلمانية واني اقول ان كل المستشفيات الخاصة ادا صار اي شي يلجاون للسلمانية وانا ممرضة واشتغل هناك راح اخد لي غرفة بالجناح الخاص وللحين ماثبتنا على راي .

وفي النهاية الله يسهل لنا كلنا ان شاء الله

مسامحة بدش عرض .. :o

لانه مثل الحالة تقريبا ..

يعني الحين انتي تتابعين في السلمانية او في مركز بالاضافة الى مستشفى ابن النفيس؟؟

و هل السلمانية بيستقبلونش حتى لو انتين ما كنتين تتابعين عندهم او في المركز؟؟

يمكن عندش معلومات بحكم انش ممرضة .. و بالتوفيق

زوجي خيرني بين الدولي والعسكري.. هذا بعد استشارة فلان وعلان واسئلة طووويلة
وانا اقول لا دولي ولا عسكري

كان في بالي التخصصي عالاساس ان العيلة مأخراً كلها تولد هناك
بس بعد واقعة اخت رفيجة اختي والي سووه لها في الولادة
مستحيل افكر اروح لهم
لانه ولدوها بطريقة تخديرية متأخرة
غير ان البيبي تأخر بالخروج وضعف! واحتاج لشيشة خاصة وخبروها انها ما موجودة إلا بالسلمانية
وصارت هي بوادي والبيبي بوادي ثاني!!!
الي يجي بالله يبارك يشوف الام بمكان والبيبي بمكان!!
هذا كله عشان تسنيعة المكان!

الله عطنا النعمة ولله الحمد وعطانا العقل بعد

غير السلمانية ما اتوقع اغير راي
اي نعم معاملة زفت .. بس الحمدلله اعرف وايد ناس هناك
ومتابعتي معاهم مرتاحة منها ..

بس للامانة لي متابعات في الخاص عند د. زينب الجفيري
وهي جدا ممتازة وشجعتني اظل على السلمانية
لانه حكومي وكل شيئ متوفر فيه

وهم رحت مره لفوزية كمال الفاشلة.. لا شغل بضمير ولا اخلاق! عشان اعمل اشعة وسويتها وزوجي مره كان متونس عليها وعلى طول يطالع فيها والله اني رحت عشانه لاني سمعت انها زفتة .. بس شغلها مع الكل ما عجبني ما تعطيش وقتش ولا تهتم باسئلتك ولو تسألينها السؤال 10 مرات ما ترد!

عاد انا الشيخة .. ما طلعت من عندها إلا وماخذه كل حقي طلعت عيونها هههههههه


الله يوفقش

انا مواعيدي في العسكري بس الخاص وعند دكتورة موزه... وبولد في العسكري..لان المرة الي فاتت على اجهاضي السابق كانت معاملتهم وايد زينه عندهم غرف خاصه وجناح خاص للي ما يبون جناح عادي ..اذا زوجج مب عسكري راح تدفعين 500 طبيعي و1000 قيصري.. وبالنسبه حق الغرف الي في الجناح الخاص 70 الليله وبالنسبه حق الغرف الخاصه في الجناح العادي ما سألت لاني دخلت الجناح الخاص عنايه خاصه وما في ازعاج ولا ناس رايحه يايه.. وافكر احجز من هناك

اني بعد بالعسكري بالخاص و عند الدكتورة موزة بعد ، بس على الولادة مو عارفة بصراحة ، زوجي يفضل العسكري واني ابغي اغير ، وعلى المعاملة اني ترقدت بالفترة اللي كان عندي فيها نزيف شديد و مرتين على بعض و فرق اسبوع فالدكتورة على طول حولتني على الجناح ، و زوجي عسكري بالشرطة بسسسس لما اولد ما بقول لهم لان اخر مرة نقعوني على سالفة انه عسكري و على حجز الغرف لازم انتظر و قلت له ليش ما قلت لهم على التامين يقول ما جا على بالي وانتي تعبانة اقول لهم و نسيت ، و قلت بروح افتر على الحجر و بشوف

هلا اختي العيناوية ، مشكووووووورة جدا على الرد و على سالفة الدكتورة فرح ، فمو بسسسسسس اللي سمعته عنها لان الموقف صار لي اني شخصيا و معاها و حسيتها لدرجة غباء لا يوصف لانها قالت عندي التهابات في بطانة الرحم و عملية و لازم امتنع عن الممارسة مع زوجي واني لازم اضعف نفسي خلال شهر 30 كيلو يعني شييييييي مو طبيعي ابدا و بعدين لما رحت للدكتور سلام بعد فترة و شاف الالتراساوند الصورة اللي موجودة بالفايل و قال لي اهني كان التبويض عندج جدا عالي و البويضات واضحة و عددها من 4 الى 5 يعني خسرت عليييييييي فرصة حمل ممتازة ولذلك ما افضل اروح لها مرة ثانية ونفس الشي صار لوحدة من خواتي لما اجهضت وقالت لها البيبي خلاص طاح و هو الى الان ببطنها ، مع العلم ان ثنتين من خواتي يراجعون معاها و مرتاحين منها ، يعني بالنهاية هي صدف و اراء وما احب اني اجرح بالدكتورة بسسسسسسس قلت الموقف اللي صار لي معاها


اختي المشتاقة ، السلمانية خليها على جنب مع ان وحدة من خواتي ولدت هناك لانها تشتغل هناك و عناية جدا روعة و بالغرف ابو 60 دينار بسسسسسس يوم ترقدت و كنت اتابع وقتها مع الدكتورة زينب الجفيري و سوت لي عملية المنظار اوووووووووف على المعاملة الحلوة اللي لقيتها ما قدرت استحمل و كنت اصيح بس ابغي اطلع من المستشفى لذلك ما افضل اروح هناك مرة ثانية و عندي اولد بالبيت ولا اطب السلمانية وفيه بعد شي بالسلمانية كله الغرف ما فيه او ما فيه اسرة مع انه يخلونه لربعهم لانه صار لاختي و بسسسسسس عرفتها الدكتورة الا تقول بلى فيه غرف يعني بالنهاية مااقدر استحمل المعاملة عندهم و اني بصراحة اعتبر الدولي والعسكري شبه حكومي وما عمري سمعت ان حالة اخذوها من هناك للسلمانية


اختي pooh3252 ، صديقتي بعد كانت تتابع هتاك بس ناسية عند اي دكتورة و فعلا غرفهم مو لذاك الزود بسسسسسس العناية والمعاملة زينة بسسسسسسسسس اني ما عجبني لا المكان و لا اي شي هناك بصراحة

اختي نور النجوم تسلمين على الرد و بسال زوج اختي عن الدكتورة و شكلي ناوية مثلج افتر على كذا دكتورة و مستشفى الى ما اقرر وين بتابع الحمل و الولادة ، مع اني ارتاح وايد للدكتورة موزة بالعسكري بسسسس لازم اعتقد اتابع عند المستشفى اللي بولد فيها بعد

اختي مليك الروح ، بالعكس لا داشة عرض ولا شي ، لاني احس كل وحدة محتاجة تفتسر عن هذي الاشياء و قلت بخليها بموضوع لوحده لان التجمع البحريني للحوامل شبه نايم يعني يا دوب تشوفين جم رد بكل يوم ، حياج الله دارج و مطرحج

اختي الشيخة اني نفسج متحيرة بين الدولي والعسكري بسسسسس قلت بروح افتر و اقرر و على المعاملة تعرفينها من اول مرة او مرتين تروحين المستشفى والدكتورة زينب الجفيري :D جدا روعة روعة روعة و معاملتها جدا ممتازة و اني يوم سوت اليي المنظار كنت اروح لها بعيادتها الخاصة و المسكينة تابعت معاي بالعملية و لبعد العملية يعني الى الساعة 3 و شي بقت بالمستشفى تتابع حالتي و تزورني كل يوم الصبح و جدااااااااااااا لطيفة بالتعامل والمتابعة بس قطعت متابعتي وياها لان مااحب السلمانية و معاملتهم هناك لذلك غيرت رايي 180 درجة عنها بسسسسس ممكن اروح لها كاستشارة بس مو متابعة حمل بالمستقبل


اما فوزية كمال ، البعض يمدح و الاخر يذم ، يعني حالها حال المستشفيات و الدكاترة و اني قلت بالشهر الخامس بروح لفهيمة الاول و بعدين بالشهر السابع او الثامن بروح لفوزية كمال و اجرب الثنتين احسن

يسلمووووووووووووو كل اللي ردوا و عقبال ما نولد بالسلامة و يوفق الجميع يا رب