بنات عطوني حل ؟؟؟

حاولي تتكلمين مع زوجك مره ثانيه وتفهمينه وضعك والله صعبه ما تاخذين راحتك في البيت وبالعبايه على طول

والله يساعدك حبيبتي

حبيبتى اصبرى انت اكيد لما و افقتى على الزواج كنت عارفة ان دة هيكون الوضع لازم نصبر شوى و ما ضاقت اللى فرجت ان شاء الله و يكون ليكى بيتك و مملكتك الخاصة ادعى الله

لا والله حبيبتي ماكنت عافرفه اني بكون على طول بالعبايه حتى خواته قالو لا اخواني مايقعدون في الصاله وكله برع البيت ولما يدخلون يتصلون عشان ايجوفون محد في الصاله والعكس صار يدخلون حتى مايطقون الباب واشياء وايد اتضايق منها بس مابي اتكلم حق امي وابوي لان ريلي يحبني ومايرضى علي وانا مابي اكبر الموضوع ؟؟؟

ماعلش حبيبتي لاتكبرين المسأله

انتي حاولي تتأقلمين مع وضع البيت اللي انتي فيه دام انج تحبين زوجج وهو بعد يحبج

خلاص كل هالأشياء تهون

والله يكرمكم ويعطيكم بيت بروحكم

انا كنت مثلج أول حياتي الزوجية عشت مع زوجي في بيت أهله

وكنت كل ماأروح الصالة أو المطبخ ألبس عبايتي وشيلتي ليما أخلص وأروح غرفتي أشيلهم

حتى مرات أنزل أتريق بالشيلة وجلابية كم طويل

الحمدلله تعودت على هالحال

ألحين الله عطاني ورزقنا ببيت طلعنا فيه بروحنا

الله كريم مامن حال يدووم على ماهو

بس انتي هونيها

الله يعينك

تكلمي مع زوجك بس الظاهر انه عاجبنه الوضع وما يبي يترك اهله ويطلع

اقسم لك بالله انا نفس حالتك والله العظيم نفس حالتك بالتمام ساكنه عند اهل زوجي بس غرفه وحمام والله الغرفه قبر ربي لك الحمد هذا غير اذا عطشت ابي ماي تخيلو البس عبايه واغطي وجهي عشان مويه واذا كلمته يزعل ويقول انا متمسك بعايلتي ماابي اطلع عنهم يعني تخيلي الرد الغبي
المشكله انا البنت الوحيده وهو ماعنده خوات كله شباب وهو مادري شفيه لو غيره مارضى زوجته تقعد في بيت فيه 7 شباب مع انه حرام اظلمهم قمه بالأخلاق
انا معاج يالغاليه انطر الحل من البنات

اذا زوجك ما يقدر ياخذلك شقة لوحدك هاي ظروفو لازم تتقالمي معها ... لكن اذا في مجال مادي معو حاولي اقنعيه الله ييسر امركويفرج همك ويهديك وييسر امورك

والله الله يعينج ويصبرج لان انا حاسه فيج ::::
انا زوجي يقدر حتى يطلع بيت بروحه بس مايبي يقول فكري في عقب ؟؟؟

السلام عليكم ورحمة الله وبركاته
بسيطه يا اختي مشكلتج بسيط جداااام كل هالهموم والمصايب اللي تصير

ماعليج يا اختي الا الصبر ثم الصبر ثم الصبر ثم الصبر والدعاء لزوجك لتيسير الحال ويقدره انه يأمن لكم بيت
وهذا زوجج ابو عيالج لازم تتحميلن ولا تضغطين عليه بالموضوع كل مره

لبسي اللي تبينه ويا ريلج في الغرفه اللي تبينه يعني هاذي مو مشكله
والحمد لله دام زوجج يحبج هذا يعطيج دافع انج تستحملين وتصبرين
وان شاء الله الله ينعم عليكم ببيت الزوجيه اللي تحلمين فيه يلم فيه زوجج وعيالج بسعاده وخير وبركه

الله يوفقج يارب ويهنيج

تحياتي لج

الله يساعدش أختي ويهون عليش
بس أنتي حاولي تتفاهمي مع زوجك
مره ثانية,,

فديتكم ماتقصرون بس انا احس خلاص مافيني صبر وكل ماصبر اجوف اشياء ثانيه وساعات اتضايق وابين له وعادي مايتكلم لدرجة اني وانا نايمه ساعات الخدامه تدخل علي بدون ماطق الباب وتفتح الباب بالقوه واقوم من نومي واقوله قول حق امك عن الخدامه لا حياه لمن تنادي وانا ماقدر اهوش الخدامه اخاف اخاف تزعل وماتبي تشتغل وعقب السالفه بطيح فوق راسي ؟؟؟؟؟؟؟؟؟؟؟؟

الله يكون في عونك
بس حاولي تتكلمي مع زوجك وفهميه شوي شوي وان شاء الله خير
باي

الله يكون فى عونك دى حاجه تخنق بجد بس مفيش غير انك تتكلمى معاه وتفضلى تزنى لغايه ما يرضى وربنا معاكى ويقويكى

الله يعينك ويصبرك

اذا حالته الماديه متيسره حاولي فيه تاخذو شقه لو صغيره
بس لو ماديا مايقدر لا تضغطي عليه كلها فتره وربي يفرجها ان شاء الله

اعرف وحده كذا زوجها كان يدرس وساكنه ببيت اهله ولها غرفة نوم وحمام وجابت بنت عندهم وبعدها بفتره ربي اكرمهم واخذو شقه خاصه فيهم وجابت البنت الثانيه

يعني اهم شئ انك ما تنكدي على نفسك وحاولي تنبسطي بكل يوم يمر عليكي ودائما ادعي ان ربي ييسرها لكم

اما عاد موضوع الخدامه وتدخل عليكي الغرفه !!!!!!!!

ليش وين قاعدين مافي احترام وتقدير

طيب ليش ما تقفلي باب الغرفه عليكي ؟؟؟؟؟

وهذا الشئ ما ينسكت عليه ابداااا ولازم تكلمي ام زوجك على الخدامه

سلام يا غلا و سلام للبنات الحلوات اللي ردوا
انا معاهم اصبري .... بس مدام زوجك يقدر على بيت ليش تصبرين؟؟طلعوا لأن الاسعار كل ما لها تجي لفوق و اذا نطرتوا اكثر يمكن ما تقدرون لبعدين. و اذا على الخصوصية قولي له انا مو حاسة بخصوصيتي و اذا ما بتحسين فيها الحين قبل ما تجيبيبن عيال ترى متى بتحسين فيها؟؟؟ وناقشيه شنو يقصد بفكري لبعدين؟؟ يعني بينقصكم شي لا سمح الله ؟؟ اعرفي منه عشان تقدرين تقنعينه بالمنطق...
و الخدامة لين سوت لج جذي مرة ثانية انتي كلميها قولي لها تطق الباب قبل لا تدخل يعني من غير هواش....
و حاولي على قد ما تقدرين انج تضبطين اعصابج و انتي تتكلمي عن اهله و انهم مو سبب ضيقك بس لأنج تبين تحسين بان لج مكان لحالج عشان و عشان و عشان و بيني لها ايجابيات العيشة المستقلة يعني على راي المثل روح بعيد و ارجع سالم يعني اهو يبيج تكرهين العيشة مع اهله عشان بعدين لا سمح الله تكرهينهم؟؟؟؟
حاولي بعد انج تتقربي من اهله و تتعودين عليهم و تخلين علاقتج بهم حلوة عشان يمكن يمكن يحسون فيج و يشجعونه على انه يطلع ....و اذا كلش كلش ما رضى يطلع ببيت بروحه خله يوسع عليج يعني يبني لج ع الاقل غرفة ثانية و صالة ....مدام الله عاطنه خير و الحمد لله ليش يحرمج كلميه بهدوء و شوفي شنو النتيجة و طمنينا عليج

ربنا كريم

ادعى ربنا بالرزق زاستغفرى

وربنا بيرزقكم

دعواتى لك ..

ليش تلبسين عباية لبسي دراعة كم طويل وشيلة كل الحريم جذيه
حمدي ربك في بنات يتمنون انهم يتزوجون لو بغرفة
واذا زوجك عنده امكانية تطلعون بشقة طلعواااا

الله يعينك وييسرلك امورك

ماحبيت اطلع بدون ماارد

لانو مالقيت سبب مقنع يخليكم جالسين في بيت اهلو

لانو يقدر ياخذ شقه جنبهم
او انو يعملك جناح غرفة نوم وامطبخ وحمام وصاله

عيون الفهد