عساكم دوووم بخير
اليوم ابي اراويكم هديتي لزوجي (g) فيوم ميلاده (^) على الرغم من اني كنت مسافره بس جهزت الهديه وحطيتها فخزانة ملابسي لاني متأكده ماراح يفتحها وليلة ميلاده طرشت له هالمسج : (راح اتصل فيك الساعه 12 ظروري في شغله مهمه) ،، وهو المسكين اخترع تم ينطر ، واتصلت فيه وسويتله مقلب : قلت له (وانا اكلمه بالتلفون) افتح خزانتي ترى حطيت فلوس تحت ثيابي تأكد للحين موجودين او انا خذتهم معاي نسيت ترى مو متأكده وين حطيتهم ، ولما فتح الخزانه قال : شنو ذيه صبري شوي وعقبها تم ساكت وتنهد وقال ممكن تسكرين التلفون شوي ، وانا ما تكلمت سكيت التلفون وطرشت له هالمسج ( عسى عامك سعاده وحب وتفرح بالهنا كله كل عام وانته بخير حبيبي) وبعد عشر دقايق اتصل فيني وكان مبين على صوته انه كان يصيح ، وقال : (الهديه حلوه لكن مافي شي بغيابج حلو الله لايحرمني منج ) وسمعته كلام حلو وطول الليل تمينا نقول كلام حلو وعيونا تدمع كانت ايام صعبه الله لا يعودها علينا ،، قولوا امين ،، والهديه عباره عن :
علبه بشكل قلب يحط فيها زراير الدشاديش ، بس ما صورتها عدل :D مو شاطره بالتصوير توني مبتدأه
شمعه بيضا مكتوب عليها happy Birth day to you وكلام حلو
دبدوب مكتوب عليه i love you
شهادة تقدير حطيتها على ستاند مع كرت
وهاي الشكل النهائي للهديه ،، الهديه من تغليفي ،، نسيت اصور البرواز حطيت فيه صوره تجمعنا ، وعطرين نسيت اصورهم بعد ،، اتمنى تعجبكم هديتي وتغليفي لزوجي حبيبي ( ابو الشباب )
اتمنى من المشرفات يساعدوني ويصغرون هالصور ( الهيوووووووج :D )سامحوني ترى ماعرف يدوب قدرت انزلهم :o .. وتسلمون انشاء الله