يا ماعه انا نفسيتى تعبانه اوى ممكن تساعدونى

انا متزوجه من سنه ونصف ومحصلش حمل الفتره دى خالص بس انا كنت عارفه قبل الزواج بانى هتاخر فى الحمل لان الدوره الشهريه من بدايتها ماكنتش منتظمه معايا لانها كانت بتتاخر عليا بالسته والسبع اشهر وكنت باخد علاج لتنظيم الدورة البريجيلتون بس الدورة ما كانت تنتظم الا باستعماله غير كده عمرها ما تنظبط لوحدها ولكن بعد زواجى عملت فحوصات وطلع عندى هرمون الحليب عندى نسبته 23 واخذت علاج الدوبرجين وبعدها بشهرين عملت التحليل تانى وصل 17 وطلع عندى تكيس على المبيض وكسل فى التبويض او بمعنى اصح البويضه عندى ما بتوصلش للحجم الطبيعى استعملت حبوب الكلوميد وقست التبويض فى اليوم العاشر لكن مااثرتش الحبوب على التبويض الدكتورة بتاعتى كتبتلى على حقن بيوريجون قالت لى هنستعمل بيوريجون 50 لكن بلافائده قالت لى خلاص هنزود الجرعه ونخليها 100 والبويضات عندى استجابه للجرعه دى وزادت البويضة ووصلت فى اول شهر من استعمال البيوريجون 100 الى 18 ونص واخدت ابرة تفجيريه بعدها والدكتورة قالت لى ما يحصلش جماع الا بعد 36 ساعه وقالت لى ان لو محصلش حمل الدورة هتيجى فى ميعادها باليوم ولو اتاخرت يوم واحد هتكونى حامل والدورة اتاخرت 4 ايام وقولت اكيد حصل حمل عملت التحليل المنزلى وطلع سالبوطبعا لما عملت الاختبار ولاقيت خط واحد انهرت الدكتورة قالت لى متستعجليش فى الغالب ما بتجيش من اول مره اخدت جرعه جديدة من الحقن وطلعت لى 3 بويضات 18 و18ونص و19 والدكتورة قالت لى ما شاء الله الرحم بتاعك كويس اوى اقترحت عليا اعمل التلقيح الصناعى طبعا بعد الحقنه التفجيريه ب36 ساعه وقالت انا مش هتنازل عن 3 اطفال ومفيش حد عمل التلقيح الصناعى الا وحمل عليه طبعا الدوره نزلت واحبطت وسالتنى اذا كنت احب ااخذ جرعات تانيه من الحقن دى ولا لاء قولت لها لاء خلاص انا هريح شويه لانى سمعت ان الحقن دى مضرة
مع العلم جوزى عمل التحليل بتاعه طلع كويس بس الحركه حوالى 60% هل ممكن الحركه دى تكون قليله ما تخليش الحيوان يوصل للبويضه بسهوله وبالتالى يموت قبل ما يوصلها مش عارفه بقه انا اعمل ايه وحاليا انا بستعمل منظم الدورة علشان الدورة تنزلى فى الميعاد
انا دلوقتى عايزه اعرف الحاله بتاعتى دى مش ممكن تتحسن من غير علاجات واكون انسانه طبيعيه الدورة تنزلى منتظمه من غير اى عوامل مساعدهتنصحينى بايه يا دكتورة الله يباركلك وانا ا سمعت على الانترنت طريقه التبخير بالشاىيعنى اسخن فحم واحط عليه شاى هيطلع منه بخار واجلس عليه بيقوله ده بيحسن التبويض وبشيل التكيس كمان بيستعمل من اليوم الخامس والسدس والسابع من بدايه الدورة هل ده خرافات ولا ايه انا اسفة يا دكتوره على الاطاله