stopجمالنا ذبل وراءالركض ورا الحمل والأطفال..الى متى؟؟؟؟؟

السلام عليكم ورحمة الله وبركاته بنات انا من زمان نفسي اكتب هاذا الموضوع وقبل مايكون لوحدة فيكم فهو لي كمان
بنات انا مثل ما كثير منكم يعرف لي سنتين واربع شهور متزوجة وربي ماكتب لي الحمل الحمد لله مع اني ماخليت حاجة من اطفال انابيب لتلقيح صناعي لخلطات شعبية وكله ما جاب نتيجة مع اني فحوصاتي وفحوصات زوجي تمام بس انا عندي تكيس لكن مع المنشطات ماشاء الله يصير تبويض
المهم انتو يابنات مو ملاحظين انه جمالنا ذبل من الركض وراء الحمل والأطفال انا ما لومكم لكن مش شايفين انه العمر يجري ونسينا ازواجنا وتعبناهم خربنا جسمنا بالمنشطات وانا اولكم زدت 20 كيلو من يوم ما تزوجت على العلاج والحمد لله بشرتنا ذبلت وعيونا سودت من كثر البكا كل ما شفنا الدورة واعصابنا تلفت واحنا ننتظر موعدها راح تيجي ولا لأ وفلوس ازواجنا قاعدة تنصرف ومافي نتيجة
انا ما بقلك معي العلاج السحري لكن انا وانتم نسينا اهم علاج وهو علاج رب العالمين الشافي المعافي
راح اسألك كم سؤال وجوابهم على الأغلب عندك مثل عندي
متى اخر مرة قرأتي القران بخشوع والتزمتي بالقراءة اليومية؟
هل انتي ملتزمة بالأستغفار كل يوم وانتي تشتغلي وانتي تطبخي وانتي بالسيارة على مدار اليوم؟؟
هل انتي مداومة على قيام الليل كل يوم بلا ملل ولا كسل؟؟
هل انتي ملحة على الدعاء بالسجود؟؟
هل انتي مداومة على الصدقة؟؟
الأجوبة معروفة من غير ما اكتبها الحين انتي لو بدك غرض من انسان وغرض كبير ومهم كتير((ولله المثل الأعلى)) لازم تتقربيلو وتلحي عليه ويمكن يعطيكي ويمكن لأ لكن ربنا قال ((ادعوني استجب لكم)) يعني ربنا مستحييييييييل يردنا لو طلبنا منه ودعيناه بصدق
ولو ربنا اخر الأستجابة مو معناه انه نيأس ونقول ربنا ما يحبنا عشان هيك ما استجاب كل حاجة بهالدنيا لها حكمة وبعدين بدي اسألك سؤال مهم هل اللي عندهم اطفال سعداء اكثر منك؟؟
اكيد الجواب لأ لأني اللي لاحظته هو انه المتأخرين بالأنجاب قريبين من بعض اكثر من اللي عندهم اطفال وحتى في محيط عائلتي ماشاء الله ما اشوف احد متفاهم وسعيد اكثر مني مع زوجها
الخلاصة بنات العمر راح نعيشه مرة وحدة بس وبكرة راح نحمل اكيد بأذن الله وراح نتمى ايام الهدوء والروقان مع ازواجنا حرام نظلمهم ونهملهم هما تحملو منا كثير مش لازم نحملهم فوق طاقتهم والله اني اشوف اللهفة بعيون زوجي على الأطفال والله انها تذبحني فلازم اني ما ازودها على زوجي لما تيجي الدورة وهاتلك يانواح وبكى للصبح خلينا نعيش حياتنا ونطلع ونسافر ونسهر ونمتع ازواجنا ونهتم برشاقتنا وبشرتنا وصحتنا ونكون ملكات جمال وبأذن الله راح يجوكم التوأم يخربو البشرة والجسم هههههههههههه ومايصير عندك وقت حتى تمشطي شعرك
الحين داخلين على شهر رمضان ان شاء الله وبأذن الله ماراح يجي العيد الا واحنا حوامل واذكركم لأنه الأستغفار اجره مضاعف والصلاة والصيام والصائم له دعوة لاترد ورمضان مستجابة فيه الدعوات والصدقة اجرها عظيييييييييم خلونا نستغل رمضان ومايمر زي اي شهر الله يخليكم خلونا نتساعد ما تخلو السنين تمر فينا ونتأخر عن الحمل اكثر من هيك
سامحوني على الأطالة لكن من حرقة دمي على حالي وعليكم