نفسى فى طفل تانى وخايفة

بنات انا ولدت من ست شهور فترة حملى كنت مداومة هنا فى المنتدى تقريبا اكتر من خمس ساعات فى قسم الولادة اقرا كل ما يكتب فى هذا القسم
اوقات اقرا حاجات تخوفنى واحيانا اقراء موضوعات تخلينى نفسى اولد
وقت لما كنت اقراء قصة ولادة اخت من الاخوات وقد ايه هى سعيدة كنت اتمنى اولد باى شكل عشان احس بنفس احساسها
لكن بعد ولادتى صابتنى حالة اكتئاب فظيعة
كنت بقعد اغلب الوقت ابكى بدون سبب
حتى بنتى رفضت الرضاعة الطبيعة رغم محاولاتى المستميتة واتعودت على البيبيرونة

المهم انى ولدت ولادة قيصرية بعد الولادة محستش باى الم لكن تانى يوم الولادة حسيت بالم فظيييييييييييع لا يوصف
وحاليا بنتى عمرها ست شهور
وكنت بفكر فى الحمل مرة تانية على اساس ان الطفلين يكبرو مع بعض
لكن جوزى يقولى لاء وانا بفكر فى الالام الحمل والولادة والقلق فترة الحمل
كل ما افتكر اقول لاء مش هخلف تانى وكفاية كده
لكن الحقيقة انى نفسى فى طفل تانى وكمان لان عمرى دلوقتى 28 سنة يعنى فرصة كويسة للحمل مرة تانية
ياريت تشورو عليا بارائكم