وين ألقى أدوية وأعشاب النفاس بالبحرين

ليش في ادوية للنفاس بالبحرين ؟ يالله بنات فيدونا انا باقي لي اسبوعين و ادخل التاسع

صراحة آنا مااعرف أحد يسوي أدوية للنفاس

بس أعرف المحلات اللي تبيع المكونات وإنتي عليج إنج تسوين ويمكن راعي المحل لو سألتينه عن الوصفة يخبرج شلوون تسوينها


المحل اللي أعرفه إهو الكامل للأعشاب


إذا تدلين قرية القدم >>>> فرشة العرائس موجودة في القدم

بس اول ما تدخلين القدم اول لفة على يدج اليمين

حتى من الشارع تقدرين تشوفين اللافته

أنا بعد ما أعرف وحدة تسوي هالسوالف بس أتوقع المنتجات الشامية اللي في سوق جدحفص تلاقين عنده مثل هالأشياء

أنا ما أعرف غير المرة .. شنو في بعد أعشاب ثانية حق النفاس؟؟

بنات الي تعرف تدلنا
والي مجربة من قبل تعطينا اسم الاعشاب الي استخدمتها

مرحبا بنات شخباركم؟؟ ومشكوريين عالمرور والردود

الله يسلمكم انا الادوية اللي اسأل عنها عبارة عن بهارات عادية تستعمل في الحسو والجلاب، وأعشاب تنطحن وتصير مثل البودرة وتستعملها النفسا مع كل وجبة مثل (اللهوم) وفيها خاصية انها تنظف الرحم وتطرد الغازات وتدر الحليب أهم هالاشياء (المرة والحلبة واليانسون ) وفي اشياء وايد ما اعرفها بس جد جد مفيدة

بالاضافة إلى أن في اعشاب تنعجن مع بعضها وتصير مثل التحاميل وتقدر تستخدمها الوحدة بعد الولادة وهي تطهر وتعقم وتساعد في شفاء جرح الولادة اعتقد يحطون فيها ملح فارسي وكركم لان الكركم معروف من سنين انه يمنع التعفن ويبري الجروح بسرعة.. طبعا التحاميل مو شرط... في ناس وايد يخافون يستعملونها وانا في ولادتي الاولية قبل 5 سنوات جربتها مرة وما عدتها بس خواتي وقريباتي يمدحونها وايد

خواتي احنا قبل كانت عندنا عمتي تسوي هالاشياء .. بس مسكينة الحين كبرت بالسن ونظرها ضعف شوي وما تقدر تسوي مثل قبل... بس انا استغربت ان في وايد ما يعرفون هالادوية

عالعموم انا بدور وبسأل .. واذا لقيت اي شي بخبركم بإذن الله

خيواا الى اعرفة الاملاح الى تقصدينة المراخة تبيعة عندهاا

بس حبيت استفسررررررررر من تعرف مراخة زينة اريد ان امترخ تقول لى واكون شاكرة ليكم

اماا عن البهارات تروحين اى دكان اواا برادة يبيعون هناك مثل الحلبة واليانسون ان شاء الله اكون افتش خيواا