أريد كل ما يتعلق بدوله الإمارات

سلااااااااااااااااااااااااااااااااام



اقول انتي سيري دبي بتحصلين كلشي جاهز في كل مكان فندق وفي كل مكان مطاعم ومولات



اما عن بوظبي الحين يديد بيفتحون جزيرة على الكورنيش يعني اول ما تسيرين الكورنيش بتشوفينها واذا حضج حلو اذا يتي بتكون مفتوحة

ومسوين في الجزيه شاليهات وشكلهاا وااايد حلو وبعد

وبعد المطااعم في كل مكان واشهر مطعم مطعم زهرة لبنان كل الاكلات الشاميه موجودة اذا تحبيناه وبعد مطمعم القصر الهندي واايد حلو بس ما اعرف وين مكانه باضبط اقولج انا اعرف كل المطاعم

وبعد كنتاكي وهااارديز في شارع المطار اذا ما كنتي مقاطعة وبعد ....

وفي بعد شاطى النساء عند الراس الاخضر

وحديقة المشرف بس ما ادري وين بضبط والاسكيت بعد كل اربعاء واحد يكون يوم حرييم ويكون عدال حديقة المطار الجديمه و بعد...

وبعد المارينا مول فيها كل شي في الكورنيش اذا سرتي هناااك بتشوفينه وبعد ابوظبي مول عند النادي السياحي وبعد ...

شو بعد هيه في شاطي الراحة قريب من منطقة ام النار على ما اعتقد


وبعد ... لما اتذكر مكان اوكي بقولج

هيييييييييييييييييه تذكرت بعد في نادي الفتيات


جريب الراس الاخضر

اختى احساس انسـانه مشكوره على هالمعلومات أنا أدرى إنه فى كل فندق بروشورات عن الأماكن السياحيه ولكن حبيت أعرف منكم شخصياً وإنتو أدرى فيها إنزين فى منتجع إسمه المها تدرين عنه شى ؟؟؟

وجزاك الله خير لأنى بدوخكم معاى
:o

بما اني من مدينة العين
أنا بخبرج عنها

شو أقولج عن العين .....بصراحه مدينه أكثر من رائعه
الناس فيها وايد طيبين وهي بشكل عام مدينه هاديه وايد

اذا بتزورين العين
لايفوتج الفندق الي فوق جبل حفيت .........تخيل عاد الجو فوق الجبل
تحفه ......... وبعدين فيه مسابح وألعاب مائيه للاطفال
وعلى فكره هو اول فندق ينبني فوق يبل بهالارتفاع في العالم
وأسعاره وايد زينه

من ناحية الاسواق العين أرخص بوايد عن دبي
تقدرين تزورين العين مول وايد حلو وعندج كارفور
وفي أسواق بعد مو كبيره وايد بس عندهم أشياؤ حلوه

وشو اقولج على المطاعم عندنا مطاعم روعه أذا تبين أكل خليجي عليج بمطعم اليحر

وأذا كنتي تبين الاكل اللبناني بتموتين على أكل مطعم الخروف الذهبي والفوار ومطعم بعلبك

ومن الحدايق عندج ملاهي هيلي وفيها أكبر صالة تزلج في الشرق الاوسط
ولاتفوتج العين الفايضه هي عباره عن مجمع حدايق ومكان لركوب الخيول

وعند جبل حفيت بعد عيون الماي الحاره المكان وايد روعه تشوفين اليبل أخضر من العشب تحسين كأنك في لبنان
وفي نفس المكان يبنون شاليهات بس بعدها ما خلصت
بس الصراحه المكان وايد مرتب وحلو

والله شوقتينى للعين والجبل كلمينى أكثر عن هالفندق إذا تعرفين طبعاً ما أبى أأذيج معاى . ها عندكم شاليهات بالعين غير إلى تنبنى

إيه نسيت أستفسر عن المحلات الحلوه لبيع الدراريع الجلابيات .

المحلات اللي تبيع دراريه عندك الوتد في دبي والعين واليشمك في أبوظبي ودبي والعين والشارقه والهودج في مركزالبستان في دبي جلاليبه وايد حلوه ...........:)

مشكوره على هالمحلات وإنشاء الله بروح حق كل المحلات الى عطيتينى إياها خصوصاً اليشمك لأن وايد يمدحونه لى ..

انا بعطيج معلومات عن مدينة العين صح ان في حد غيري تكلم بس من خاطري اريد اكلمج اكثر عن هالمدينة اللي حتى من حلاتها سموها العين دار الزين المهم..مدينة العين من المدن الجميلة والرائعة التابعة لامارة ابوظبي فيها العديد من الاماكن السياحية الرائعة من بينها جبل حفيت فوق في القمة الهواء الرائع اللي في نسمات باردة تريح البال..وتحت استراحة مبزره واللي تشتمل على مياه كبريتيه مفيده وفي مسابح للرجال والنساء وحديقة بعد وكفتريا وبقالة..واذا بنبعد شوي بس مش وايد عن جبل حفيت في عين الفايضة التي تشتمل ايضا على عدة حدائق...وايضا عندج مدينة اللعاب الهيلي من اروع الحدائق في الدولة وفيها صالة للتزلج وايام خاصة للنساء..ويوجد العديد من الحدائق بعد..اما الاسواق عندج العين مول وايد حلو وترتاحين فيه وبعد مركز الجيمي للتسوق ومركز سيتي سنتر ومركز المها بلازا...ومهما تكلمت وقلت ما اقدر اوفي هالمدينة رائعة بطيبة اهلها وبداوتهم واذا زرتيها كل شخص بيساعدتج باي مساعدة ونحن تحت امرج ولا تنسين....

مشكوره والله على العين تدرين أنا من الكويت ودايماً أروح لدبى هذى مو اول مره لكن ما أعرف وين أروح وشنى الأماكن السياحيه عندكم فكنت بس أروح السوق وبس الله وكيلج رجولنا راحت فيها من السوق والحين ودى أروح سياحه سنعه على أصوله ..