(موضه العبي في البحرين)

كوثرى 23-08-2008 25 رد 878 مشاهدة
ك
سلام بنات شخباركم ابغى اعرف شنو موضة العبايات(البالطو) الحين وديلاتها والخلق المستخدم
رحت اكثر من محل ومحتارة
ق
انا اخر عبايه سويتها من فتره بسيطه اقل من شهر
وكان التطريز في الايد من فوق قبل الكوع
والخلق حرير
w
خيوو اني من قبل فتره قصيره سويت لي بالطو
وعقب جم يوم يبرز
سويتهاا عاديه ,, الخلق حرير واليد فيها ديل طوله 10 سم
والخلق حرير ونوعه دمعه
لاني جربت المنصوري بس كلش مو زين
لا تفكرين تاخدين الخلق
لانه لازم تغسيلنه بماي حلو
*
هلا خيوو اني بعد محتارة ياريت تخبرونا عن محلات موديلات عباياتهم حلووووة ويديدة وفي نفس الوقت اسعارها مناسبة واكون لكم شاكرة خواتي :)
ع
انا بعد كم يوم بروح محرق وبشوف الموديلات الجديدة بس انا سمعت ان موضة الحرير راحت لانه بسرعة يخترب
ك
مشكورين بنات ما قصرتون اليوم رحت ثلاث محلات فى بو كوارة وايلى حسيته ان موضة الحرير شوى راحت حسيت ان معطم البالطوات الخلق عادى او حرير مطفى

ليلى عندها اى شى جديد يلريت تخبرنى

مشكورين
z
العبايات الحرير للحين دارجين ما راحت موضتهم بس الي يبي يغير يسوي خلق عادي يغير ,,

وبالنسبة للمودل مودل اليد الي تكون واسعة وفيها تطريز لحين دارجة والحين موضعة عباية سمسم( علاء الدين) مادري اذا شفتها او لا بس معروفة اليد تكون من فوق سيدة بعدين نهايتها تكون واسعة شوي ومزمومة ..
ك
مشكورين خواتى مافصرتوا
ابغى اعرف اكثر شر الحين الموديلات ايلى فى اليد تكون واسعة او عادية او مثل ما قالت الاخت بنت سالمين يد علاء الدين ما ادرى احس متحيرة انا بسوى ثنتين وحدة الى الشغل والثانية حق العيد

مشكورين خواتى
د
اني سويت لي من جم يوم عبايتين
ثنتينهم حرير ويدهم واسعة

وحدة تطريز جاي شوي ثقيل,, يعني التطريز واجد
ووحدة تطريز وبين النقشات فراغات,, عرفتون شلون؟؟

يعني تكون مخرمة

بس من كلامكم شكلي بروح لهم وبخلي وحدة حرير ووحدة عادي
إن شاء الله ماجهزوا للحين
ك
هلا عزيزتي

العباياات للحين الخلق الحرير ماراحت موضته واهو الدراااج الحين ناادرا تشوفين خلق عاادي الكريب

الموديل انا توي سويت من اسبوع عبااية الخلق حرير كرستال اسمه واهو موديله عاادي الكم وواسع بس فيه تطريزة باليد وتيي معاه الشيلة مطرزة ومنثر فيها كرستااال ..
ه
آخر مرة رحت اسوي لي عبايه

كنت مفكرة اسوي وحدة حرير والثانية خلق عادي

بس الخلق العادي ماعجبني

وسويت لي ثتين حرير

بس كل وحدة ستايل غير
د
هذيان يعني اظل على الخلق الحرير أحسن؟؟

اني احس ان الحرير يسوي العباية فخمة
خاصة اذا توها مكوية هههههههه
ك
رحت اليوم فصلت لى ثنتين وحدة حرير مطفى اسم الخلق (سارة) والثانية سويتها عمانى خلق صالون ولما سالت البنت ايلى تشتغل هناك قالت ان الحين مع/م البنات يسوون الحرير للمناسبات والaغل والطلعات اما المشاوير العادية او السوق او الجامعه يسوون كريب لو صالون لان الحرير بسرعة يتمزع ويخترب

وهذا رايى ......
واذا جهزوا راح اصورهم واحطهم

وشكرا
ه
دمـعـة;7046013:
هذيان يعني اظل على الخلق الحرير أحسن؟؟

اني احس ان الحرير يسوي العباية فخمة
خاصة اذا توها مكوية هههههههه


اي احسن

المشكلة الحرير روعة بس لازم كل كم يوم غسال وكواي

وفي الاخير يحترقون:ss:
د
هذيان ليش كل يوم كواي؟؟

اذا كويتين العباية مو سيدة تلبسينها
خليها فترة تبرد وبعدين لبسيها

لأن اذا هي توها مكوية ,, بسرعة تتكرفس

اني دايما اذا اكوي شي لازم اخليه برة في الحجرة عشان يبرد على هواء الأيسي وبعدين اعلقه
عشان حتى مايصير فيه أثر للعلاقات في الثياب
أ
اللحين موضه الكرويشية في العبايه والشيله وخاصه بالورد ومعاه كرستال

اممممممم سوييت ليي وحده
واذا برزت بحط لكم الصور
ح
والله موضات العبايات ما تخلص

لكن حالياً . . فعلاً بدأت موضة الحرير تتراجع

وصار الحرير حق المناسبات والموديلات الفخمة جداً

وهاي بشهادة مصممة العبايايات إلي سوت لي عباياتي . . وبعد محل ثاني أتعامل معاه

وصار يجي بداله خلق عادي وله أنواع طبعاً

أنا آخر مرة سويت موديل من تصميمي وبخلق كريب خاص

والكل لمن يشوفه يقولي حلو . . ويسآلني من وين!؟

طالع فعلاً فخم وروووعة . . وبالنهاية يعتمد على التصميم مب على الخلق

/
\

الموضة حالياً

اليد الواسعة وايد وفيها تطريز والبطانة تكون خلق حرير ستن

لونه يكون ملائم للون التطريز ( تطريز أحمر - البطانة حمرا )

أو يد علاء الدين . . تجي عادية وبعدين قبل الكوع تجي مزمزة وبف واسع لين معصم اليد
ه
اذا خلق عاادي شنو اسم الخلق؟
ع
قوة السلام عليكم

اني بعد الاسبوع اللي طاف رايحة لمح العبايات للي اتعامل معاه و قال لي انه موضه الحرير قاعدة تتراجع

بس انه في نظري انه من شهر الحرير مكتسح بس الحين في خيارات اكثر حرير و كريب و اه في الفايدة لنه ... انه حب الحرير اكثر لانه يعطي فخامة بحركات وله بدون حركاتيعني سادة..
و الكريب احسه عملي اكثر للجامعة و الطلعات اللي تحتاج عبايات ما تكرفس.... بس ما اظن موضة الحرير بسهولة بتروح نفس موضة لعماني ما راحت و لا اظن موضة العبايات الواسعة بتروح لانه لها ايجابيات و طلب...

هذا رايي
ا
السلاااام بنات

انا من جم يوم سويت لي دفتين عند شيلاتي الي بالمحرق اهوا صج غالي بس والله يسوى موديلاتهم روعه وكشخههههه بكل معنى الكلمه وسالتها عن الموضه هالايام قالت لي ان الحرير لين الحين دارج وبالنسبه للموديل اليد الواسعه ( النيفي ) للحين ماراحت موضتها ...
بالنسبه للدفاف الي سويتهم اول وحده كانت صوب اليد من فوق مكسره بس على جنب ومن تحت صاير فيه شغل وكرستال خفيف وشرايط صغار واايد ناعم وكشخه والثانيه فيها كروشيه وكرستالات صغار حلوين بصراحه روعه روحو وشوفو الموديلات ماراح تندمون ..
وفي وحده من ربعي قالت لي ان فيه موضه الدفه ام المخابي تقول حلوه بعد بس انا للحين ماشفتها :)
وبالنسبه حق دفه علاء الدين فهاذي ولت موضتها من زماااان من حوالي سنتين وموحلوه في اللبس لكل من ..
X