خلينا نكتب لستة الممنوووعات ونستفيد :)

السلام عليكم

عرفت من فترة بسيطه من بناتنا بالمنتدى انه الريحان ضار بالحمال :ss:

وطبعا الرشاد معروف انه حار

وحمل الاشياء الثقيله او النطنطه او الاجهاد .

الغالية الدكتوره قالت لي عادي أشرب قهوة بس بكميات معقولة وعادي أنا أشربه وأشرب نسكافيه بس مب وايد مثل قبل

والكولا ضار لأن فيه كافايين بس الدكتورة قالتلي عادي أشرب بيبسي وبالعكس إتخففلي اللوعة

و ماي الورد أنا أخلطه مع الحليب البارد وأشربه

بس الدكتوره قالتلي أهم شي ما آكل كبدة أو جبنة فرنسية أو لحوم مب مطبوخة عدل

وأول 3 شهور البقدونس مضر لأنه وايد يسيح الدم والجنين في البداية عبارة عن دم

وصبغ الشعر والتشقير ممنوع في أول 3 شهور بس الأفضل إنج ما تستخدمينه طول فترة الحمل

والبنج عند دكتور الأسنان مثلا ممنوووووووووع

مممم شو بععععد لو اتذكرت شي بخبررررررج

شكررررا لكم الف شكر ..
اول مرة اعرف ان القدونس مضر للحامل..

والله بغيت اسالكم اذا عادي اسوي تشقير ولالا ..:)

شكرا :)

حبيبتي .. ما سمعت عن البقدونس .. وانا كنت عادي آكل تبولة .. والحمد لله ... القهوة بعد عادي بالمعقول .. وأصلا البيبسي والغازات مضرة .. بس لو القليل منها عن الخاطر يعني .. وبعد بعد النعناع بعد موب وايد .. والقرفة ممنوع ,,, قصدي شراب القرفة .. بس عادي تحطينه بالأكل .. والنرفزة والزعل والضيق في فترة الحمل نجنبها بس بتحسين طبيعي تتنرفزين بسرعة وتتحسيسين بسرعة عادي هرمون الحمل يلعب لعوبه ههههههه .. ولازم تراجعين الدكتورة كل شهر علشان تعطيج الفيتامينات اللآزمة .. وما تشيلين ثقل .. وما تزيحين أو تحركين ثقل .. وأي آلام تحسين فيها قوية روحي الطواري ,, وتغذي زين وابتعدي عن الدهون والمقالي قد ما تقدرين ..

والسموحة

[GRADE="800080 00BFFF FF1493 FFA500"]غزالة الفريج اشرايج تجمعين من كل الردود الاشياء الممنوعة وتحطينهم باول صفحة اذا يصير او تحطينهم برد واحد عشان اسهل لكم
ومايكون بالرد الواحد بس شي

طبعا اللي تجمعون عليه انه مضر مو الاشية اللي فيها شك

انا اقولج الاشية المضرة على سبيل التاكيد

الجبود لان فيها فيتامين أ
البقدونس فبادية الحمل بكميات كبيرة ( اول 3 او 4 شهور الحمل )
الاناناس بكميات كبيرة لكن مو متاكدة اذا بس فالبداية ولاعلى طول لكن طبعا اللي تتوحم عليه عادي تاكل منه لكن تراعي الكميات

الادوية والمضادات والفيكس
انا مرة راسي كان يعورني وحطيت فيكس وبعدين بسرعة مشيته وسالت الدكتورة قالت ان شاء الله ما منه ضرر لكن ابتعدي عنه احسن

اي وعندي زيت جنين القمح من وادي النحل مكتوب عليه غير مناسب للحامل لكن مادري قصدهم للشرب ولا للشعر

امممممم والكل يعرف الاشعة مب زينه

والاشية الحارة اللي تنزل الدورة او اللي ياخذونها فالنفاس

وماتشيلين اشية ثقيلة

وهذا اللي يحضرني واذا تذكرت شي ارد اكتبه لكم

وماي الورد ماظن انه ضار الا اذا قصدكم كثرته تضر ماعندي علم[/GRADE]

النعناع والقرفة.والفكس والادوية والاناناس..وزيت جنين القمج مشبووه

معلومات زينة ونتمنى ان نستفيد زيادة

خواتي لاتنسن الجماع مظر جدا بدايت الحمل لاتخلن الازواج يقتربو منكم اثناء الحمل وانه مجربته وطفلي الاول صار اسقاط

من الاشياء الممنوعه القرفه

الكمون

الرشاد

الحبه السوداء

هذي من نصايح امي الله يخليها لي اتجنب هالاشياء وقت الحمل

الأناناس طول فترة الحمل مب أوكي

البابايا خطرة
والمرمية بعد

الجماع مضر فالشهور الاولى؟ ياليت تأكدون لي هالكلام بليز

مفتون;7021069:
الجماع مضر فالشهور الاولى؟ ياليت تأكدون لي هالكلام بليز

هو مو ممنوع منعا باتا يعني لا بالعكس يصير جماع بالشهور الاولى لكن انتبهي للوضعيات ومو بقوة بالعدال شوي شوي ان شاء الله فهمتي علي لان ماقدر اوضح اكثر من جذي
لكن اذا خايفة امتنعي

السنين;7014363:
من الاشياء الممنوعه القرفه

الكمون

الرشاد

الحبه السوداء

هذي من نصايح امي الله يخليها لي اتجنب هالاشياء وقت الحمل

هاي المعروف عندنا

لان هالاشياء اللي تاخذها اللي بالنفاس

الكبدة والجزر في الشهور الاولى

الف شكر لكل من افادتنا بالمعلومات وجزاكم الله خير

انا ابد ما عندي خبرة بس اذكر ربيعتي قالتلي العسل بعد ممنوع الشهور الاولى لانه ثقيل