نتيجه صبر 13 سنه

سلام
هذي القصه موب لي لبنت عمتي
وحبيت انقلها لكم للفائده
ولأنها قالت لي< واما بنعمت ربك فحدث>
كانت ضروفها الماديه صعبه جدا جدا جدا
لأن زوجها راتبه حدود 1000 ويمكن اقل كانت تعرف ان مالها امل باطفال الانابيب ولا بأي علاج مكلف وكانت صابره وتعرفون الكلام يجيها من كل مكان وزوجها ماعنده اي مشكله ابدا يعني السبب
منها إذا نامت وحلمت بطفل الدنيا
ماتوسعها من الفرح لانها حست بمعنى الامومه حتى لو كان مجرد حلم واخبركم بعد إنها متغربه وماتعرف احد ابدا بمنطقتها
دايم تكلمني تقول خاطري بطفل يرد الصوت علي ويكسر هالصمت اللي انا عايشه فيه بس ربي مايبالي عيال ربي حارمني منهم
حاولت اشجعها قدر المستطاع وخبرتها إن ماشي بعيد ع ربي وانتي دامج حلمتي بطفل بيتحقق حلمج
قلت لها ادعي ربج قالت دايم ادعي
قلت لها استغفري وايد قالت دايم استغفر ماعرفت شو اقول لها لانها محبطه وايد صرت ائلف لها قصص تشجيعيه وقلت لها ان في وحده تدعي ربي ليل نهار وتستغفر ولما صارت تصحى قبل الفجر تصلي هي وزوجها ع طول حملت خلال شهرين حملت حسيتها تشجعت قلت لها دامني اواصل واصلي انا بصحيج واتفقنا وصرت ادق ع 3 الفجر وتصحى وتصلي وتدعي وخلت في بالها مافي شي بعيد عن ربي وانها بتصير ام قريب
وفعلا يابنات ربي ماردها ابدا دقت علي وقالت لي مافي شي بعيد ع ربي انا حامل بفضل الدعاء وقيام الليل وانا الأن اقولكن ماشي بعيد ع ربي شجعن بعض وكل وحده تاخذ رقم الثانيه وتصحيها قبل الفجر وتقول لها مدام ربي معانا بننال كل مانتمنى وبإذن الواحد الأحد بيكون العيد عيدين لاحد تيأس ابدا
اعتذر ع الإطاله لكن حبيت احكي لكم واشجعكن والدعاء بظهر الغيب مستجاب ادعن لبعض ويارب كل وحده منكم تسمع ماما عاجلا غير آجل