محتارة مااعرف شو اسوي دخيلكم ساعدوني :"(

اختي اذا كانت هذه الدوره فلا تجازفين وتاخذين ادويه ولا شيء يرفعها لانه صحتج اهم من كل شيء

وبالنسبه لرييلج ماعليه قدر الله وان شاء الله تخلص معاج الدوره بسرعه اذا ما كانت تطول معاج .. المهم اشربي وايد اشياء حاره وتنزلها بسرعه .. اشربي عسل مع شاي ... او اي شيء دافي وحار ينزلها بسرعه

والله يوفقج

حبيبتي ما قلتي لنا ايش الحبوب الي اخدتيها ؟؟؟ ومين اللي وصفها لش؟؟

ودي اعرف اسم الحبوب علشان اعرف ايش صاير معاك ....

وما عرفت ليش اخدتيها بس 12 يوم ؟؟ يعني ليش ما كملتي علشان الدوره ما تجيك ... ؟؟

وبالنسبه لنقط الدم هي معروفه انها تنزل ادا واحد اخد الحبوب وقطعها فجأه ... هذا الكلام بالنسبه لحبوب منع الحمل او اي حبوب تجيك بشكل دائره على انك تاخديها يوم ورا يوم .. لان كل حبه فيها كميه هرمون معين على حسب اليوم اللي انتي فيه .. لحد ما تجي الحبوب الي ينقص منها الهرمون وعلى طول تنزل الدوره ..

لكن اعتقد ان اللي صار لك هو انك قطعتي الحبوب فجأه ... ( كأنك وصلتي للحبوب اللي ما فيها هرمون ومنها المفروض تنزل الدوره ) .. لكن انتي لما وقفتي في النص بطانه الرحم ما كانت جاهزه حتى تنزل الدوره ..

اعتقد ان هذا اللي صار اذا كانت الحبوب اللي اخدتيها من النوع اللي تجي في دائره ومرسوم عليها اسهم علشان تاكلي حبه كل يوم ورا يوم ...

انتظر ردك حبيبتي ... وان شاء الله تكوني فهمتي اللي شرحته لك .. بس حبيت اوضح لك ليش صار معاك كذا ..

وخبرينا ايش يصير معاك ..

والله يرجع احبابك بالسلامه

بنت الاصول تسلمين ياقلبي


سمووره يالغلا الدوا اسمه orgametril وصفته لي الصيدلانيه لاني كنت رايحه العمره وقالتلي اوقفه اول ماارجع

وكنت اخذ حبتين في اليوم وهو ماعليه اسهم

انا استخدمت هالدوا قبل لما سافرت برمضان ولما رجعت تركته ونزلت الدوره طبيعيه بس اخذته لفتره اقل من

اسبوع

قالتلي الصيدلانيه انتظر شوي والشهر الجاي راح ترجع الدوره طبيعيه بس ماادري وش بيصير


تسلمين حبيبتي

ORGAMETRIL حبيبتي اذا اخدتي هالحبوب ممكن تجيك الدوره بعد الانقطاع عن الحبوب من 3 الى 10 ايام
(اذا كانت الجرعه اللي كنتي تاخديها 10 ملجم) ...
يعني اتوقع هالفتره تجيك ... واحتمال النقط هاذي بدايتها ...

تقبلي مروري

تحياتي

سموره ألف شكر حبيبتي