محتارة

سوي مثلهم
او وديلهم كاكاو و ورد

ممكن تعطينهم نفس الهديه ( فلوس ) بس قدميهم بطريقه احلى ،، يعني حطي الفلوس داخل علبه زرقا والثانيه ورديه وحطي العلبه داخل سله فيها ورد طبيعي وحلويات .. وانشاء الله اكون افدتج .. بالتوفيق

طريقة يمامة اليافعي

روعة وحلوة

قوة أختي ، بالنسبة للفلوس أنا ما أيدها ما أحس أنها هدية حلوة ، تقديرين تودين لهم قمصان نوم ( نعومي عندهم أشياء راقية) ، ألعاب من chico، أو مجموعة من الملابس مثلا البنت تأخذين لها طقم كامل من نفنوف وجوتي يكرم السامع وتاج للرأس وتحطينهم في صندوق وردي وتودينه لمحل الورد وتخلينه يحط لج مجموعة صغيرة من الورد فوقه ، وبالنسبة للولد نفس الشي وطبعاً ما يبيله أكيد أزرق، أما إذا هم لحينه في المستشفى وديلهم حوض سمك، وقبل لا تحطين الماي والسمك في الحوض ودي الحوض لبائع الورد وخليه يلف لج الحوض بالورد الوردي وقطع من الشوكولاته مدار الحوض وعقب ودي الحوض وخليهم يترسونه لج ماي وبعض الأحجار الملونة ( الأحمر والوردي) وحطي سمك على عدد أفراد الوالدة ( يعني الوالدة وزوجها والمولودة وإذا عندهم طفل قبلها) وفي الكرت ذكريهم . ترى ذي الفكرة سويتها من سنتين وايد عجبتهم. وبالنسبة للفلوس حاضرين.