العمة .. عمت عينها ..؟؟

bj3a 20-08-2008 38 رد 4,972 مشاهدة
b
مثل ما تعرفون من مواضيعي الجديمة ومشاكلي ويا عمتي وتصرفاتها ويا عيالي الي هم بجرهم .. والفروق بين عيالي والبنت الي تربيها .. واتهاماتها لي باني اخذ اكل من بيتهم واوديه بيت قوم امي .. ووقفت زوجي وياها وعقب فترة انجلبت الامور زوجي كله واقف ويا لظروف انا ما اعرفها صارت من بينهم وما قام يسيرلهم وايد مع ان نحن قاعدين في نفس الفله بس احنا تحت وهم فوق ..
المهم الحين انا صارلي 5 شهور ما شفتهم ومثل ما قلتلكم مع ان نحن في بيت واحد .. بس انا ما اطلع من غرفتي ...

المشكله اني ما اتحمل اقعد فالبيت وعمتي فيه حتى لو ما اشوفها مجرد اني اعرف انها فالبيت ما اعرف شو اييني اتضايق وابا اطلع .. طبعا في هاي الحاله اشيل عيالي واركب سيارتي واسير بيت قوم امي سواءا امي موجوده ولا مو موجوده ..

وعيالي اطرشهم اي وقت هم يبون عندها مو مقصره في موضوع زيارات عيالي طبعا وانا اسمع من تحت شو تقولهم .. الله الله من سوالفها الي شويه سب وشويه تطنيز واذا صرخوا وهم يلعبون تعصب عليهم والبنت 24 ساعه من الصبح الين الليل وهي تصرخ بصوت اعلى عن عيالي ولا تنطق بكلمه مخلتنها على راحتها .. وما تفكر ان في احد فالبيت نايم
يا جماعه انا وايد تعبانه منها بتقولون انتي ما تشوفينها صح ...ما اشوفها ؟

بس صوتها ينرفزني .. ما اتحملها ولا اتحمل صوتها ... ؟؟

تبون الصراحه اكرهها واحقد عليها .. 4 سنوات اكلت منها المر واليابس ونتفت حلو .. لا تقولولي صوني هاي النتفه .. لاني ما باها ..

قولولي شو اسوي .. شو اسوي تعبت نفسيتي صايره زفت ..

اكرهــــــــــــــــــــــــــــــــــــــــــــــــــــــــــــــــــــــــــــــــها .. ساعدوني
ر
الله يعينش الصراحة عمتش غريبة تربي يتيمة قلنا تاخذ ثواب بس تفضلها على

احفادها قهرررررر لو مكانش بزعل وتنبط مرارتي الصراحة لو مكانك ما اخلي

اولادي يطلعوا ليها ولا اهتم فيها واذا على صوتها خلاص اعتبري نفسك

ساكنة بشقة وعندك جارة ماتحبيها وصوتها يوصل لعندك ما تتركي بيتك

علشانها بس كيف موقف زوجك ووش علاقته باللي متبنيينها يعتبرها اخت لو

غريبة اصلا سالفة تبنيها غريبةوانا اذكر انهم لما حملت بولدك زعلوا وفرحت لما جبت

البنت علشانهم يبون بنت بس نفس الشي تفرقة وش سالفة البنت
b
رابنزول

هذي عايله فيها غموض كبير

وبالنسبه لزوجي يعاملها مثل عياله لانها شبه يتيمه ..

بس المشكله في تصرفات عمتي وعمي

وكراهيتي وصلت لمرحله اني قم ادعي انهم يموتون
&
شوفي حبيبتي بجعه

اذا لها الدرجة حاسه نفسك مو طايقة خلاص قولي لريلج ياخذلك شقة لو غرفتين اهم شي تطلعين من البيت

يعني حرام ها الضيق بقلبك وصل انج تدعين عليهم وهم يتعبون من عيالج

اريحلك والله

والحرمة تقدر تظبط امورها المادية مع زوجها عشان تطلع تسكن برع

بس اذا وضعك المادي يسمحلك خلاص من غير تفكير ممكن تطلعي دام وصلت الامور انها تتهمك تاخذي اكلهم لبيت اهلك عافانا الله مو حالة بصراحة كم الواحد بيتحمل

واذا ريلج قادر ماديا بس ما يبي يطلع تقدري تتدخلي اهلج بالموضوع 4 سنوات مو شهر وشهرين
ع
انا مع ملاك

وانتي اهدي شوي شيليها من راااسك حاولي تنسيها او تتناسيها حرام انتي عندك اولاد يحتاجو تربيه واهتمام اخاف يسير فيكي شي من كتر الهم الي انتي فيه

وحاولي تنقلي حتى لو غرفتين او 3 اهم شي راحت البااااااال

عيون الفهد
ا
لا تدعين حبيبتي .. مب زين ترجع لج الدعوه ...

اذا مظلومه قولي حسبي الله ونعم الوكيل ..

الله يهدي سركم .. و يصلح الحال ..
د
حبيبتي الغاليه
انتي ذكرتي ان زوجك انقلب وصار معك وماصار يحب يروح عندهم وما تعرفين السبب.
بس اتصور السبب ظلمها لك فلا تتصوري الله يهمل عبده او يديم عليه الظلم
الله فتح عيون زوجك بالتدريج لحد ما حس من نفسه وتأكد ان تصرفات امه غلط بغلط
فصار يكره يروح لها ادري بتقولين كان واقف معها ولكن رحمة الله ولطفه اوسع بكثير.
هالحين انتي ليه ما تستغلي هالوضع لصالحك وتحاولي تطلعي ولو بشقه صغيره
مع عيالك وزوجك وتستقري .
لو فاتحتيه بالموضوع لا تجيبي سيرة امه لا اطرحي الفكره على اساس
انكم تستقروا ويكون لكم كيان منفصل سواء عن اهلك او اهله .
يعني شجعيه وحاولي تشوفي انتي بمجهودك وتسألي عن شقق عن طريق امك واهلك
وتشوفي شي مناسب لظروفكم وبأقل الاجور كبدايه علشان تحصلي على مرادك بالهدوء
ما الومك على وضعك النفسي وشعورك اتجاه ام زوجك بس ابي اقولك شي واحد
لا تخلي الكره ينخر حياتك ونفسيتك ويتعبك
هي مستانسه ولا همها وعايشه حياتها وانتي متضايقه ومحترقه بنار الكره .
وهالشي ابد مو صحي ولا زين عليك لان وراك زوج وعيال لازم يصفى ذهنك للتفرغ لهم تماما ..
اول شي وقبل كل شي استغفري ربك وتذكري ان انتي او ام زوجك نهايتكم ونهايتنا كلنا الموت
وان الله بيحاسب كل مخطئ
وتذكري ان الله بيحاسبك على شعورك هذا صدقيني حتى الشعور الله يحاسب عليه بالذات انها
متبعده عنك وما تشوفيها يعني خلاص قلبي مالك عذر لهذا الكره
ولا تخلين ابليس يوسوس لك ويخرب نفسيتك ...
وبالنسبه للبنت الي تربيها اعتقد هي حره وبكيفها ويمكن هي بنظرها انها جالسه تكسب اجر
بهاذي البنت وفعلا هي تكسب اجر رغم اخطاءها وعنصريتها اتجاه اولادك.
بس بالاخير كل الناس يغلطون وبعضهم يستمرون فيه ولا يحسون ويعاندون الين الله يأخذ امانتهم والناس اصناف
فأنتي بأيمانك واخلاقك العاليه تجاوزيها واحتسبي اجرك عند الله وحده .

الله يوفقك ويطمن بالك ويسعدك
تحياتي
م
malaak;6993708:
شوفي حبيبتي بجعه

اذا لها الدرجة حاسه نفسك مو طايقة خلاص قولي لريلج ياخذلك شقة لو غرفتين اهم شي تطلعين من البيت

يعني حرام ها الضيق بقلبك وصل انج تدعين عليهم وهم يتعبون من عيالج

اريحلك والله

والحرمة تقدر تظبط امورها المادية مع زوجها عشان تطلع تسكن برع

بس اذا وضعك المادي يسمحلك خلاص من غير تفكير ممكن تطلعي دام وصلت الامور انها تتهمك تاخذي اكلهم لبيت اهلك عافانا الله مو حالة بصراحة كم الواحد بيتحمل

واذا ريلج قادر ماديا بس ما يبي يطلع تقدري تتدخلي اهلج بالموضوع 4 سنوات مو شهر وشهرين
ف
شوفي حبيبتي اسمعي كلامي للاخر, مثل ما قالوا البنات احتسبي الاجر وانا مستغربة من ردودهن ,اولا اللي تعبان اكثر منك بالموضوع هو زوجك لا تقولين انه واقف بصفك , فعلا هو واقف بصفك بس هو بين نارين نار زوجته ونار امه حتى لو كانت غلطانه فهو مستحيل يكرهها او يغلط عليها , وبعدين الناس الكبار يكون خلقهم ضيق ويكونون عصبيين , وعلى فكرة مافي احد مرتاح في حياته والله ان رفيجتي اول ما تزوجت ولها 3 ايام خلتها خالتها تطبخ ذبيحة كاملة وكانت دايما تسمع خالتها تسبها حتى بوجودها وزوجها وحموانها وكانت تقول اني انزل راسي والدموع تنزل واصعد غرفتي وبعدين اتوضى واصلي وانزل لخالتي واحب راسها , ويوم ورا يوم صارت خالتها ما تستغنى عنها ولله الحمد وزوجها حاطها على راسة من معاملتها لامه .
واخذيها نصيحة من اخت تعزك حاولي تبادرين وتصالحينها ترى مهما كان هي ام زوجك وجدة عيالك وبعدين رمضان على الابواب والاجر مضاعف والله, واحتسبي الاجر واشتري اخرتك وسعادة زوجك اللي راح تكبرين بعينه اكثر واكثر ,فلا خلاف في أنّ صلة الرّحم واجبة، وقطيعتها معصية كبيرة، لقوله تعالى :«وَاتَّقُواْ اللّهَ الَّذِي تَسَاءلُونَ بِهِ وَالأَرْحَامَ» (النساء: من الآية1)
و في الحديث المتفق عليه "من أحب أن يبسط له في رزقه وينسأ له في أثره فليصل رحمه"، وفي الحديث الصحيح ..صحيح الجامع "صلة الرحم تزيد العمر",وقد قال رسول الله صلى الله عليه وسلم: ((لا يحل لمسلم أن يهجر أخاه فوق ثلاثِ ليال يلتقيان فيعرض هذا ويعرض هذا، وخيرهما الذي يبدأ بالسلام))
عامليها بالحسنى إن قدرتي على ذلك، قال تعالى ((وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ (34) وَمَا يُلَقَّاهَا إِلا الَّذِينَ صَبَرُوا وَمَا يُلَقَّاهَا إِلا ذُو حَظٍّ عَظِيم))[فصلت :35].
والله تعالى أعلم.’
ولا تدعي عليها من الأفضل أن تدعي لها بالهداية من الله تعالى، فتكسبين بذلك أجر المحسنين، وأجر العافين عن الناس وأجر المتصدقين، وهذه أجور عظيمة تدخلك أعلى فرادس الجنان إن شاء الله تعالى.
فاذهبي واكسبي الاجر واكسبي زوجك ورضاه واشتري هدية وادخلي عليها وحبي راسها وانسي الماضي , وحاولي تتحملينها اذا قالت لك شي وحطي الله دائما امامك , وكل ما حسيتي بضيقة اذهبي وصلي او اقرئي القران الكريم , واكثري من الاستغفار واحمدي الله على ذلك واثري من العاء لها بالهداية.
والله يوفقك ويهديلك زوجك وام زوجك .
م
آه من العمات مهما الانسان يكون طيب معهم لازم الوحده تشوف تصرفات والله يابنات اني ماقصر معها دايما اوصي ولدها يكلمهما دوم ويرسلها فلوس دايم ولا اخليها ناقصه شي مع العلم ان زوجي هو الصغير بس شوفو طيبيتي مانفعت حتى اسلوبي حلو معهم وطيبه مرررررررررره بس انا احسهم يغارون مني لاني مره كشخه واعرف اللبس واهتم بنفسي وعطوراتي وبولدي بس ويغارون ليش زوجي يحبني وليش يجلس معي ووووواللي ماتخلص مااقول الا حسبي الله ونعم الوكيل
b
بقولكم شو صار امس

انا زوجي من يومين مسافر ساير اردن وسوريا ولبنان ..

يبت بنت عمتي ترقد عندي فالبيت .. اليوم الثاني الظهر كنا بنطلع بنسير السوق وهم قاعدين فالصاله طبعا انا باب الغرفه عندي على الصاله بس الي قاعد فالويه بيشوفني الي قاعدين على الاطراف ما يشوفون المهم قلت لبنت عمتي انتي سيري السيارة ويا الصغارية وانا بسلم عليهم وبييكم ..

طلعت وانا طلعت من غرفتي محد قاعد فالويه يعني حتى لو طلعت من ما اسلم ما بيعرفون بس تربيت اهلي هي الي منعتني من اني اطلع وما اسلم عليهم ..

المهم سرت الصاله وسلمت اول شي على عمتي وعلى عمي وعلى جدة زوجي الي امووت فيها صح انها وايد تجاملني وتاخذني على قد عقلي ..

المهم وكنت متعدله خفييف وعمتي تشوفني من فوق لتحت كانها تحفظ كل تفاصيلي ..

المهم انا الي عليه سويته .. بس اتصدقون قلبي مو راضي عليهم مع اني احاول ...
أ
الله يعينك الغالية
b
الغلا 32

معاناتي ما اعرف متى بتنتهي ...
m
بسم الله الرحمن الرحيم

عزيزتي سلامك عليهم تصرف جيد وأنا مع انك تتقربي لهم ..عمتك اللي تربي يتيمة وما تكسر

بخاطرها وهي تلعب مع أولاد ولدها انسانة قلبها كبير , والخلاف الي بينك وبينها حاولي تمتصيه

واعتبريها أمك ..الأم حتى لو عصبت ما نحط راسنا براسها وأم زوجك يعني أمك ..حبيبتي ادفعي

بالتي هي أحسن وراح يرجع لك أضعاف وتذكري قول الله ": (وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ). (فصلت:34).
...والسلام ختام
b
maiii

المشكله ان تصرفاتها مع عيالي صارت اوكي بس هي تربت على الطبع الوصخ انها احسن وحده فالدنيا وانها عمرها ما تغلط الناس هي الي تغلط ..

تعلمت ان غلط اني على كل شي صار من 4 سنوات سواءا انا الغلطانه ولا هي اني انا اسير اعتذر لانها قالت لربيعتها ( تعرف انها غلطانه عشان جي كل مرة اتيي من نفسها تعتذرلي )

حبيبتي الام مهما كانت لا تقارن بام الزوج لانه الام قلبها يعورها على عيالها حتى لو غلطوا عليها لكن هاي قلبها حتى على عيالها والله ما يعورها .. بس امانه اني ما ابالغ بكلامي ...

يوم جدام عيالها تقول انا عمري ما خفت على عيالي كثر ما اخاف على البنت .. وولدها الصغير روحه يقول انا احس ما عندي لا ام ولا ابو يحاسبني ولا يوجهني ..

حبيبتي

والله اني موضوع الحمل وايد متردده فيه لانه اهله يتصرفون بهالتصرف لا تقولين ما عليج منهم عيالكم لكم .. هذا اذا كنا في بيت بروحنا بس الوضع الي انا عايشتنه غير انا قاعده في بيتهم
ا
النار ماتحرق الا رجل واطيها
احس بشعورك لاني معانية انا واطفالي تخيلي ان ينطرد ولدي الصغير بدون سبب وطفلي الثاني لما ولدته ما احد فكر يشوفه ولما راح به ابوه ورحت به انا ما فكروا يحملوه يسوون روحهم ما يشوفوه والغريب احسن منهم ونفس الشي احس بالهم مثلك ونفسيتي ولله الحمد زفت
Q
حبيبتي بجعه

شوفي خلج بعيدة ولاتدخلين نفسج بينهم

اهم شي تحترمينهم وتقدرينهم ام زوجج مكانة امج

لين قالت شي اعتبري هالكلام طالع من امج ماعتقد انج بتزعلين منها صح والا لا

صدقيني ريحي بالج وخلي زوجج يعيش مرتاح لاتجيبين له طاري اهله لو شيصير

دخلي من اذن وطلعي من الاذن الثانيه صدقيني ( الطيب يغلب الطبيب)

وانتي انسانه جدا طيبه وقلبج كبير

والله يصلح بينكم وبعد عنكم المشاكل
b
Qtr Girl

حبيبتي انا بستحمل بس الكلام الي تقوله كبير تخيلي يوم تتهمج انج تاخذين اكل من بيتهم تودينه بيت اهلج هاي مووول مب حلوه لا بحقي ولا بحق اهلي وما اعتقد الام تقول عن بنتها هالشي لانه عيب والله وعيب

وما اعتقد الام بتقول حق بنتها 3 او 4 مرات خذوا عيالهم وطلعوا سكنوا برع ..

وما اظن الام بتقول جدام عيالها انا اخاف على بنت الغريب اكثر عن عيالي ..

وما اظن ان الام تفتن على عيالها عشان والله بنت الناس تبا العابهم .. وتمط عنه وتسدحه على الارض وهو يصيح عشان ترضي البنت ..

شو ولا شو بقولج هاي الي تسوي كل هاي الاشيا وزود ما تستحق تكون ام عشان اعتبرها مثل امي ..
a
حبيبيتي حاولي كل ما تتضايقي تتوضي او تسيري البحر واجد بيتعدل مزاجك انا حاسة فيك وادري ان المواقف هذه ما تروح من البال وتظلي تلومين حالك طول الوقت بس ما شاء الله صابرة اربع سنوات كثير
a
فنكيه;7008556:
شوفي حبيبتي اسمعي كلامي للاخر, مثل ما قالوا البنات احتسبي الاجر وانا مستغربة من ردودهن ,اولا اللي تعبان اكثر منك بالموضوع هو زوجك لا تقولين انه واقف بصفك , فعلا هو واقف بصفك بس هو بين نارين نار زوجته ونار امه حتى لو كانت غلطانه فهو مستحيل يكرهها او يغلط عليها , وبعدين الناس الكبار يكون خلقهم ضيق ويكونون عصبيين , وعلى فكرة مافي احد مرتاح في حياته والله ان رفيجتي اول ما تزوجت ولها 3 ايام خلتها خالتها تطبخ ذبيحة كاملة وكانت دايما تسمع خالتها تسبها حتى بوجودها وزوجها وحموانها وكانت تقول اني انزل راسي والدموع تنزل واصعد غرفتي وبعدين اتوضى واصلي وانزل لخالتي واحب راسها , ويوم ورا يوم صارت خالتها ما تستغنى عنها ولله الحمد وزوجها حاطها على راسة من معاملتها لامه .
واخذيها نصيحة من اخت تعزك حاولي تبادرين وتصالحينها ترى مهما كان هي ام زوجك وجدة عيالك وبعدين رمضان على الابواب والاجر مضاعف والله, واحتسبي الاجر واشتري اخرتك وسعادة زوجك اللي راح تكبرين بعينه اكثر واكثر ,فلا خلاف في أنّ صلة الرّحم واجبة، وقطيعتها معصية كبيرة، لقوله تعالى :«وَاتَّقُواْ اللّهَ الَّذِي تَسَاءلُونَ بِهِ وَالأَرْحَامَ» (النساء: من الآية1)
و في الحديث المتفق عليه "من أحب أن يبسط له في رزقه وينسأ له في أثره فليصل رحمه"، وفي الحديث الصحيح ..صحيح الجامع "صلة الرحم تزيد العمر",وقد قال رسول الله صلى الله عليه وسلم: ((لا يحل لمسلم أن يهجر أخاه فوق ثلاثِ ليال يلتقيان فيعرض هذا ويعرض هذا، وخيرهما الذي يبدأ بالسلام))
عامليها بالحسنى إن قدرتي على ذلك، قال تعالى ((وَلا تَسْتَوِي الْحَسَنَةُ وَلا السَّيِّئَةُ ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ (34) وَمَا يُلَقَّاهَا إِلا الَّذِينَ صَبَرُوا وَمَا يُلَقَّاهَا إِلا ذُو حَظٍّ عَظِيم))[فصلت :35].
والله تعالى أعلم.’
ولا تدعي عليها من الأفضل أن تدعي لها بالهداية من الله تعالى، فتكسبين بذلك أجر المحسنين، وأجر العافين عن الناس وأجر المتصدقين، وهذه أجور عظيمة تدخلك أعلى فرادس الجنان إن شاء الله تعالى.
فاذهبي واكسبي الاجر واكسبي زوجك ورضاه واشتري هدية وادخلي عليها وحبي راسها وانسي الماضي , وحاولي تتحملينها اذا قالت لك شي وحطي الله دائما امامك , وكل ما حسيتي بضيقة اذهبي وصلي او اقرئي القران الكريم , واكثري من الاستغفار واحمدي الله على ذلك واثري من العاء لها بالهداية.
والله يوفقك ويهديلك زوجك وام زوجك .
X