اريد مساعدة في طرق مكياحي ؟؟

سوالف عشق مجنونة 20-08-2008 6 رد 1,376 مشاهدة
س

بسم الله الرحمن الرحيم

مبروك عليكم شعبان و يبلغكم رمضان يا رب (f)(f)
قال صلى الله عليه وسلم : ( ذلك شهر يغفل عنه الناس بين رجب ورمضان ، وهو شهر ترفع فيه الأعمال إلى الله تعالى فأحب أن يرفع عملي وأنا صائم )

بنات أحب أحكي لكم عن مشاكلي بالمكياج :/
لما بديت احط الماكياج كنت اشتري ماركات زي بودي شوب مكياجي جيرلان و الشلة
بس المشكلة في الأساس أنا ولله الحمد حنطية على أسمر و عاجبني سماري خصوصاً لما أحط البرونز يطلع شكلي جنان بس المشكلة ان المكياج يطلع رمادي شوي :confused:
و فوق هذا يطلع من خدودي لون برتقالي على احمر و كأني آنسة طماطم :confused:
يعني بالعربي احس انه ما تغطى زين و لا يطلع مثل الممثلات اللي وجوهم طالعة مثل السيراميك :D
المشكلة الثانية بشفايفي شفايفي بسرعة تتعب لما أحط اي ماركة
يعني لازم انتبه لها و انا يأست خلاص صرت أحط لابيلو الفراولة بدال الروج بس ما عندي لوون ثاني :confused: و خايفة على شفايفي لانها طالعة حساسة بزياااااااااااااادة
المشكلة الثالثة و المصيبة تعتبر في حياتي الإجتماعية :tongue:
هي حواجبي !!!!
حواجبي حلوة و رفيعة ما عليها كلام بس اذا جيت احط مكياج تروح وطي
و تصير كأنها شنبات شايب :confused: لا تقولون أرسم لااااااااااااا !
يطلع بشع !!!!!!
فأبي شئ يخفيها جربت مره اني اخفيها و فعلا اختفت بس كلما اضحك او تتحرك حواجبي يبان سواد الشعر و يطلع و يخف تدريجياً و أنا ما أبي أحف و لا أشقر لأنهم عاجبيني (f)(f)
بس المشكلة ما تطلع الا بالمكياج !!
صرت حاليا ما احط مكياج كثير بسبب هالمشاكل و الله مو عارفة وش اسوي قلت ما عندي الا منتديات عروس (f)
يلللا وروني الهمه (f)
وشوفوا ليحل :confused:
مشكورين مقدماً ..!!
م
حبيبتي

غيرت العنوان واتمنى لو تبسطي في استفساراك حتى نقدر نساعدج اكثر
ونقلته لمكانه الصحيح قسم الاستفسارات

لي عودة (f)
س
هلابك أختي خذي راحتك
ممنونة عيني (f)
ق
هلا بج الغاليه ..شوفي بخصوص الفاونديشن استخدمي فاونديشن اللي يجيج على اصفر واستخدمي قبله كونسيلر او فاونديشن سائل وبعدا حطي البودره وبكذا تروح خدودج الطماطه هههههه

بخصوص شفايفج قبل ماتمكيجين حطي فازلين او تلقين مرطب الشفايف او البيس للشفايف وبعدين حطي الروج او القلوس وتقدرين تاخذين شوي من الروج اللي تبينه وتخلطينه مع المرطب اللي تستخدمينه

اما بالنسبه لحواجبج جربي تحطين على الشعر اللي تبين تخفينه كونسيلر وجربي كونسيلر ثقيل شوي وبعدها حطي البودره واللمعه وبتطلعين قمر 14

واذا احتجتي شي امري يالغاليه
&
قطريات فديتها كالعاده ما تقصر

اخذي فاونديشن نفس لون بشرتج لأن لو كان افتح بيقلب رمادي وعشان الاحمرار ممكن تحطين بيس يكون لونه اخضر تحصلينه في ميك آب فور ايفر و ايف سان لوران

وللحواجب مافهمت قصدج اذا تبين تخفينهم سوي مثل ما قالت قطريات
اما لو قصدج ان لونهم يبهت بعد المكياج وماتبين تظللينهم
مشطيهم بمشط الحواجب عشان تشيلين اللي صادهم من الفاونديشن والبودره
واستخدمي الماسكارا الشفافه عشان تثبتهم

انا شفايفي صار لها فتره تتحسس من كل شي وسويت مثلج استخدم لابيلو الكرز او الفراوله
الحين اذا ابي احط قلوس او روج اول شي وقبل مابدي بالمكياج احط مرطب نيتروجينا وايد حلو
وبعد ما اتمكيج احط الروج او القلوس ومن احلى ما يمكن جربي طريقتي
المرطب وايد حلو يحمي الشفايف من الشمس ويرطبها وتحسينها ناعمه ومخمليه
والاحلى انه يحمي الشفايف من الروج او القلوس :)
س
قطريات;6991041:
هلا بج الغاليه ..شوفي بخصوص الفاونديشن استخدمي فاونديشن اللي يجيج على اصفر واستخدمي قبله كونسيلر او فاونديشن سائل وبعدا حطي البودره وبكذا تروح خدودج الطماطه هههههه

بخصوص شفايفج قبل ماتمكيجين حطي فازلين او تلقين مرطب الشفايف او البيس للشفايف وبعدين حطي الروج او القلوس وتقدرين تاخذين شوي من الروج اللي تبينه وتخلطينه مع المرطب اللي تستخدمينه

اما بالنسبه لحواجبج جربي تحطين على الشعر اللي تبين تخفينه كونسيلر وجربي كونسيلر ثقيل شوي وبعدها حطي البودره واللمعه وبتطلعين قمر 14

واذا احتجتي شي امري يالغاليه

فديت بنات قطر يا ناس :o
بالنسبة لحواجبي اذا حطيت كونسيلر يصير كلما حركت حواجبي يطلع الشعر يخف لين يبان و يصير زي الشنب :ss:
مشكورة عيني ما تقصرين (f)(f)(f)
س
انا شفايفي صار لها فتره تتحسس من كل شي وسويت مثلج استخدم لابيلو الكرز او الفراوله
الحين اذا ابي احط قلوس او روج اول شي وقبل مابدي بالمكياج احط مرطب نيتروجينا وايد حلو
وبعد ما اتمكيج احط الروج او القلوس ومن احلى ما يمكن جربي طريقتي
المرطب وايد حلو يحمي الشفايف من الشمس ويرطبها وتحسينها ناعمه ومخمليه
والاحلى انه يحمي الشفايف من الروج او القلوس

وااااااااي على هالمعلومة يجزاك الجنة قولي آمين
مشكورة ألف شكر إنتي و قطريات ربي ما يحرمنا منكم (f)
(f) (f) (f)
X