أحلى هديه لكل اعضاء المنتدى

ما كل من يضحك بدنياهـ مسرور
لو ضحكته دايم تحرك حجاجه


وماكل من يبكي من الناس مقهور
بعض الدموع رخاص من شان حاجه


وماكل صادق لو حكا لك من شعور
يا كثر من زيف المشاعر خراجه


وماكل ما يخفا من السر مستور
بعض الوجيه ابين من ارهف زجاجه


وماكل بيت انصك مهجور
كم بيت اطفا الشح واهج سراجه


وماكل ورد تزرعه ينثر عطور
لو ماهـ صافي ما يخالط هماجه


وماكل مرهف قلب لو يزرع زهور
قلب يحب الورد وجواهـ صاجه


وماكل من يخطي من الناس معذور
البعض يخطي من علوم العواجه


وما كل من يسكت علي الضيم مجبور
لجل الغلا ساكت ويدعي انفراجه


وما كل راس ضيع الفكر مسحور
كم راس سحر الحب جاب ارتجاجه


وماكل عله فادها طب دكتور
كم من عليل وصل خله علاجه
:15::15::15:

وما كل من شاور حكيم خذا الشور
بعض البشر ما يقنع الا مزاجه


وما كل من سمي صقر يشبه صقور
كم من صقر وقت الشدايد دجاجه


وماكل من يفزع لجل مدح ومشكور
البعض مرجلته وسامه وتاجه