اليوم الساعه 2 و انا ميته يوع و مشتهية باستا
قلت اسوي لي و لكم :)
طبعا المقادير بسيطة جدا
و الخطوات ابسط ..
1- تسوين الباستا : تحطينها بماي ع الجولة + قفشة زيت + ملح
2- على ما تستوي الباستا تسوين الدياي اللي اهوا شاورما جاهزة
و هالنوع بالذات احبه لانه مبهر و حلو ...
تحطين الكمية اللي تناسبج بمقلى حار فيه شوية زيت و تقلبينه تخلينه دقايق يستوي و بعدين خلي المقلى على طرف
3 - سوي البشاميل : الجيس تحطين عليه كوبين حليب بارد و تحركين على نار هادية لمن تثقل
4 - شخلي الباستا و رديها للجدر ، صبي عليها البشاميل و حركي و بالاخر ضيفي الدياي و حركي
5 - قدميه و هني و عافية :wink:
هذا كله باقل من نص ساعه لول ..
و ممكن تحطينه الباستا ببايركس و تسوين طبقات و ترشين عليه جبن و تحطينه بالفرن
بس هذي الطريقة للسرعة :)
و تقدرين تستبدلين الدياي بالنقانق المقطعة او لحم مفروم ..اللي تحبينه
سهلة و سريعة و اكيد لذيذة , مو ؟
