اللى عندها خبرة تساعدني

السلام عليكم


اختي في البداية يجب ان يكون عندك علم بطرق التصميم و رسم جسم العارضة و استخدام الالوان .. و مقاييس العارضة سواء طفله او سيدة ...

لان رسمك المتقن رساله للزبونة .. او رساله لصاحبة المشغل التي تنوين التعامل معاها ....

و باعتماد الموهبة و الافكار المبدعه تقدرين ترسمين اكثر من تصميم و تلونينهم .. و تعرضينهم على المشاغل ... و تكونين عارفة تفصيل التصميم .اي على اي قماش ينفع .. و كل جسم و له موديلات خاصة فيه ..

اهم شي الثقة بالنفس و انتي تعرضين اعمالك .. لان على ما تصفين انتي مبدعة و الارزاق بيد الله فلاتكوني الحلقة الاضعف أمام صاحبات المشاغل .. احرصي على الثقة و ليس " الغرور " ش

مشكورة اختي على الملاحظات المهمة
وجزاك الله خير

اتمنى اني اشاهد اراء الباقيات الصالحات
رزقنا الله واياكم

بالتوفيق عزيزتي

اختي مثل ماقالت اختي انا حلوة

لما تعرضين تصميم متقن بالوان واضحة

مو نفس تصميم بقلم رصاص ومو موضحة جسم المانيكان

غير كذا اقترح عليك علشان تعرفين سعر كل تصميم او مستويات التصاميم

اعرضيها على اهلك بعدهم قرايبك بعدهم صديقاتك بعدهم صاحبات المشاغل

وشوفي رايهم بنفس التصميم وحطي السعر المتوسط

مثال

لما تعرضين على اختك صورة تصميم وتقولك يستاهل500ريال

وتعرضينه على امك وخالتك وقالو 700ريال

وتعرضينه على صديقتك وقالت 1000ريال

وتعرضينه على جارتكم وقالت 300ريال

وعلى صاحبة المشغل وتقول 100ريال

طبعا راح تعرضينه بـ500ريال

لأنه السعر المتوسط

وغالبا المشاغل راح يبخسونك حقك

فانت تعاليهم بعد ماتحددين اسعارك

وتكلمي بكل ثق

ولو حبيتي تخفضين لهم اذا اخذوا منك كمية

شئ راجع لك طبعا علشان تصير عميلتهم الخاصة:)

موفقه عزيزتي