ساعدوني .. ما أبا أحمل ألحين توني والده ...

ن

نبع الإبداع

عروس مبدعة

16-08-2008 | 07:49 PM

السلام عليكم ياعروسات ..

عندي استفسار بسيط .. أنا والده من شهر و نص يعني بعد أسبوع بكمل شهرين .. بعد ما طلعت

من النفاس بثلاث أيام شفت علامة بنية في ملابسي الداخلية .. قلت أكيد أنها بداية الدورة

الشهرية .. بس الغريب بالموضوع أنها أستمرت ثلاث أيام فقط وفي أول يومين كانت عبارة عن

علامات بنية .. أما اليوم الثالث كانت خفيفة لدرجة أنها مايلة للأصفر يعني مب غزيرة .. وبس اليوم

الرابع أغتسلت .. ألحين أنا خايفة لأنه حصل جماع مرة وحدة قبل الدورة .. و أخاف ماتكون هذي

علامات الدروة ..

ساعدوني و طمنوني .. الله يخليكم أنا محتارة و خايفة أحيانا أصيح لمجرد التفكير بس أني أحمل

ألحين .. مع العلم أني ما أستخدم أي موانع غير العزل

م

محمديـة

عروس نشيطة

16-08-2008 | 07:52 PM

اختي لاتخافين مااعتقد حمل

ر

روح ابوهها

عروس ماسية

16-08-2008 | 08:24 PM

وربي ما عندي خلفيه بس ان شاء الله البنات يفيدوك وما حبيت اطلع بدون رد
ربي يعطيك اللي تبينه ياارب

ن

نبع الإبداع

عروس مبدعة

16-08-2008 | 08:29 PM

مشكورة أختي محمدية على الرد

أختي عيوون تسلمين الغالية على دعوتج .. آميييييين

ل

لمحة غرور

عروس نشيطة

16-08-2008 | 10:45 PM

حتى انا ماتوقع انها علامات حمل00

بس انتي بعد لازم تاخذين احتياطاتك مثلا خذي حبوب مانع للحمل ولا ركبي لولب ولا العازل لحاله بيخليك

تعيشين في قلق00والله يسهل امرك

ا

انثى طموحة2

عروس مبدعة

16-08-2008 | 11:02 PM

اذا فعلا مفكرة ما تحملي لازم تستخدمي شيء وانصحك بالعازل الطبي لأنه ما يؤثر لا بهرمونات ولا شيء ................زلا تأخري الموضوع وتستسهلي السالفة ترى حيوان منوي واحد ويصير حمل ولو فعلا خايفة تحملي الحين اتخذي التدابير اللازمة .................والله يوفقك

ر

رحيل الأحزان

عروس مبدعة

16-08-2008 | 11:03 PM

لا اختي ماعتقد انه حمل مامداك ثلاث ايام بعد الأربعين مو معقوله حتى لو اسبوع أعتقد هذي باقي من الأربعين وبس ان شاء الله خير وبعدين الدورة تجي عادة بعد الأربعين بأسبوعين أو ثلاث تقريبا ...

أ

أحلى ملح

عروس رائعة

17-08-2008 | 02:34 PM

علمياً ممكن يصير حمل بعد الولادة ب21 يوم فقط!

اتخذي الاحتياطات الازمة بسرعة و لا تعتمدين على الرضاعة كمانع ابداً !!!

الواقي الذكري زين بس ممكن استشارة الدكتورة حق حلول اخرى

ن

نبع الإبداع

عروس مبدعة

18-08-2008 | 06:40 PM

والله خواتي ما تتخيلون اشكثر خايفة .. والله أني أدعي ربي أني ما أحمل ألحين

ادعولي ياعروسات الله يخليكم بنتي ما كملت الشهرين بعدها

مشكورين على ردودكم .. بس والله بعدني خايفة

*

*.* نـيـاز *.*

عروس مشرقة

19-08-2008 | 03:08 PM

اللي فيه الخير يقدمه ربج .. بس حبيبتي ما أعتقد بيصير حمل بعد النفاس بفترة قصيرة .. شوفي قسم الدكتورة منيرة بوبشيت بتساعدج وايد .. وموفقة اختي >>>>وربي يخلي لج بنوتج الامورة

و

ورود ناعمه

عروس رائعة

19-08-2008 | 05:34 PM

مااتوقع حمل بس لازم تاخدي احتياطات عشان ماتتعبي من القلق وربي يوفقش هدا الوضع (محاتاه وخوف وقلق )يتعب المرأه واجد الله يعينش

ا

العجـ مدام ـمي

عروس برونزية

19-08-2008 | 05:44 PM

حبيبتي لازم تاخذين مانع احسن من العزل لانه اضمن وربي يوفقج ويعطيج اللي فبالج...

ن

نبع الإبداع

عروس مبدعة

19-08-2008 | 07:56 PM

مشكورين خواتي على ردودكم والله إني بديت أطمئن اشوي بسأل الدكتورة منيرة و بتوكل على الله و بتريا الدورة أتي الشهر الياي ..