اخــويـ بيضيــع او بالاحرى ضاع(عطوني حل )

السلام عليكم ورحمة الله وبركاته

كيفكم عرايس

ان شالله بخير ونعمه

بنــات المشكله اللي بطرحها اليوم وايد تاعبتني واتمنى الاقي حل من نصايحكم المفيده
وخبرتكم في الحياه

نحن عايله كبيره والحمدلله .. اخويه اللي بتكلم عنه هو اصغر ولد وعمره 15 والوالده
مدلعتنه لاقصى درجه حتى اذا الوالد بغا يادبه تعصب وتدافع عنه حتى لو هو غطان

كسلان في دراسته
لسانه طويل ع الكل
مستحيل يقدم خدمه لحد
مايصلي الفجر
مايصلي التراويح ايام رمضان
يمشي مع اولاد اكبر عنه اعمارهم 22 و 21

واخر شي اكتشفته يا بنات انه يسب ويقول كلام وصخ لناس مايعرفهم عن طريق النت
حاولت اعمل بلوك ع المواقع بس المشكله هالبلوك بس يمشي ع الانترنت اكسبولر وهو منزل الفير فوكس

كلامه وصخ وايد يسب اعراض الناس مع ان نحن تربيتنا مب جي وكلنا الحمدلله محافظين على صلواتنا وخواني الشباب صلاتهم في المسيد بوقتها والوالد روحه ايي يقعدهم بس هو طالع غير
مايخاف ابد ولا يراعي غيره .. اختي اكتشفت انه يكلم بنات ع المسنجر ويسبهم سب بذيء
ويوم واجهته بالمحادثات قال هذا ربيعي ( اللي عمره 21 ومعروفه عايلتهم خايسه)

نصحته قاللي باسلوب وصخ .. انتي مايخصج انا كيفي والوالده تشجعه وماتصدق كلامي
ذكرته بعقاب الله وان اللي يسويه ممكن ينجلب عليه قال عادي
خبرت عليه اخوي العود ظحك .. >> يمكن عباله بعده ياهل
ويوم هددته اني بخبر الوالد قاللي : خبريه شو يعني .. ماخاف من حد
الحينه قمت اطالعه باحتقار وهو بكل قوة عين ايي ويكلمني ولا كانه مسوي شي


بنات انا كارهتنه الحين واخاف يكبر ويندمر اكثر خاصه ان الحين محد قادر عليه واخاف يلطخ سمعتنا
ومحد مهتم

خواتي الكبار يقطعون النت ويعطونه فلوس عشان يروح الكافيه نت !!

واخواني الاولاد اللي في عمره يتسترون عليه .. والوالد معتمد عليهم وعباله انه يمشي معاهم

بنات عطوني حل شسوي وياه .. اخاف على سمعة بيتنا ونحن في حياتنا محد صاد علينا شي

وشسوي بالوالده اللي مب راضيه تقتنع انه كبر ولين الحين تقول عنه طفل !!

بليز عطوني حل (w)

اختكم (f)