مهم للبنات الي ماتزوجوا ((الامارات والي يقدر يزورها))

السلام عليكم

خواتي الله يوفق كل بنت ماتزوجت وتأخر زواجها او وجدت عراقيل ومايكتمل الزواج وطبعن هذا الموضوع توفيق من رب العالمين .....
بصراحه انا تزوجت وعمري 25قبل لاتزوج كل واحد يتقدم سبحان الله مايتم الزواج ويكون الرفض لاسباب سخيفه او اذا خطبوا مره مايرجعون وكل مره على هالحال لين كملت ال25 قررت اني اروح عند مطوع او شيخ يشوف شو السالفه معاي ورحت عند شيخ في ابوظبي اسمه عبدالحميد في الشهامه وهو موجه تربيه اسلاميه ومعروف وناس كثيره يروحوله ,,المهم رحت اول مره وقلتله عن المشكله اني ماتزوجت وكل واحد يتقدم ارفضه او امي ترفضه لاسباب سخيفه او مايرجعون مره ثانيه ...
قرآ علي اول مره وعطاني ماي مقراي عليه وقال تعالي بعد اسبوع وقالي اذا في اي تطورات خبريني المره الجايه قلت انشاءالله ....
ورجعت البيت وقعدت اشرب من الماي الصبح والليل وعدة الاسبوع الاول ومافي اي تطورات ,,, ورجعتله وقرآ علي مره ثاننيه وسألني اذا في حد تقدم وقلتله لا وعطاني ماي وقالي عين وانشاءالله بتروح مع القرأيه وارجعي بعد اسبوع ,, وشربت الماي وقبل لا خلص الاسبوع الثاني تعرفت اختي على اخت زوجي وخطبتني له وجت البيت تشوفني وامي كانت معصبه في البدايه بس الامور بدأت تنحل لوحدها سبحان الله ورجعت له وسألني حد تقدم وقلتله ايوه وباركلي وعطاني ماي لين خلصت من عنده المراجعات والحمدالله والله يسر الامور من تعقيدات مثل رفض امي في البدايه وبعدين استوت هي تركض ورا اخوي متى بتقابل الرجال وعصبت عليه واحنا في البيت مستغربين ومنذهلين على موقف امي من موضوع الزواج وموافقتها عليه وهي من قبل ترفض حتى ساعات ماترضى ان الناس يجون البيت او انشوفهم سبحان الله والحمدالله على النعمه .....
وتم الزواج خلال شهرين شهر تفكير وكنت اصلي استخاره وحتى المطوع طلبت منه يصلي استخاره وكانت مطمئنه والحمدالله ,,,وشهر ملجه وبعده اتزوجنا بكرم من الله وفضله وعونه والحمدالله ....
الله ييسر امر كل بنت ماتزوجت وويعجل الله سبحانه وتعالي بنصيبها ويرزقها برجل صالح محترم عارف لدينه وربه وحافظ لكتابه ويفرج هم كل مكروب يارب ...
وهذا الشيخ يشوف ويقرا للناس الي يواجهون مشاكل عين وحسد وسحر والله يبعد عنكم الشر يارب ,,والله يرزقكم الخير والسعاده ورزق امين ....