بسم الله الرحمن الرحيم
شحالكم بنات
بنات انا مالي غيركم اشكيلة بعد الله سبحانة
انا كل ما شكيت حق اهلي ( امي وخواتي ) يقولون شو تبين في االعيال هذيل هم انا ابي الهم اذا كانوا عيال ابي طفل بين احضاني سليم معافى ابي طفل يملا حياتي انا وزوجي الللهم لا اعتراض والحمد لله على كل حال والمشكله ان كل ما تقرب الدورة يسالوني انتي حامل ومتى الدورة واكيد حامل وعقب يلوموني ليش ابي عيال:confused:
انا يوم الخميس كان اليوم 40 للدورة على طول رحت للدكتورة قريت عنها في هالمنتدى في رابط عن افضل الدكاترة ورحت لها ومع العلم اني كنت مسويا فحص الحمل مرتين في المنزل وطلع سلبي
سويتلي سونار اول وقالتلي ماشاء الله الرحم عندج نظيف وماشي مشاكل بس المشكلة ان وزنج زايد كم كيلوا وهو هذا الي مؤثر على اداء المبايض فلازم تنزلي وزنج:(:confused: والمشكلة اني جسمي متناسق ولو ضعفت يستوي شكلة بهتان وما يعجب ريلي المهم وقالتلي انا مابعطيج دوا حق تنظيم دام دورتج تنزل لوحدها ماشي اشكال ويمكن دورتج من النوع الي تنزل كل اربيعين يوم
عقب سوتلي فحص نظري لهرمون الحليب الي هوا انها تعصر الحلمة بايدها وتشوف اذا شي حليب ولا لا والصدمة ان كان شي قالتلي بعطيج دوا ينشف الحليب في اسبوعين ونفس الوقت يحسن اداء المبايض ومايسببلج تكيسات لا قدر الله بسبب زيادة وزنج :confused: المهم وبعدين قالتلي انا بسويلج فحص دم عشان اشوووف الغدد والهرمونات في جسمج وبعطيج ابرة حق تنشيط المناعة وتقوية الدم وبعد باخذ عينة من المهبل لاني ما طعت تفحصني:o فخذت لها عينة بنفسي وعينة بول وانتوا بكرامة ولازم بعد عينة من الزوج يوديها اقرب مختبر المهم يوم قلت حق ريلي مارضى لانه مستحي:o وبعدين اكتشفت ان المستشفى وايد ماديين وقصوا علينا شوي بس اهم شي انا ارتحت للدكتورة بس عقب ما اكتشفت انهم قصوا علي (ما اقدر اقول شو سوو سمحولي) قلبي ناغزني من صوبهم ومضايجة:confused:
ما اعرف وين اسير... واي عيادة ومافيني على نخز الابر في كل مكان فحوصات ودنيا...:confused:
والله ربي عالم الي في قلبي من ظيج والحمد لله على كل حال
المهم هما بعدهم ما عطوني نتيجة فحوصاتي قالوا بيتصلوا فيني يوم تظهر....
ونفس اليوم بالليل بعد الجماع نمت ويوم قمت ثاني يوم حصلت كمية دم بسيطة واعتقد انها مب دورة ويمكن يتهيالي انها مب دورة المهم سبحت ومانزلتلي الدورة من بعدها :confused: (تلعب علي وفي اعصابي) ونزلت افرازات بيضة وشفافة انقهرت تعرفون عاد كيف الوحدة يوم تكون على اعصابها واليوم السبت وبعد مانزلت مع العلم اني شربت حلبة وقرفة وحبة حمرة بس لا حياة لمن تنادي كلة افرازاة شفافة وبيضة:confused:
أسالتي:
هل الحلبة تزود الحليب لاني اذكر انها تدر الحليب فاخاف انها ترفعلي الهرمون؟
للي خذت جلوكوفاج شو فايدتة لاني قريت انه للسكري وانا الحمد لله ما عندي بس الدكتورة وصفته حقي؟:eek::)
شو اسوي عسب الدورة تنزل؟ وهل ممكن اكون حامل:rolleyes:؟
وشكرا للكل الي بترد على موضوعي والله يرزقها الذرية الصالحة يارب