مشروع تصميم على الشيلات ساعدوني

خ

خرزة زرقة

عروس رائعة

15-08-2008 | 06:42 PM

بنات انا تعبت نفسيا من ظروفنا ووضعنا المادي وتعبت انتظر الوظايف وماشي نصيب فقلت خلني اسوي مشروع يربحني ويساعد دخل زوجي في امور الاجار للسكن واشياء اخرى ومنها افيد نفسي

ففكرت بمشروع التصميم على الشيلات وانا شاطرة في الرسم والتصميم وامور اخرى مثل الحناء والحف وحف الحواجب

بس فكرت بمشروع الشيلات

وطبقت كم تصميم وعجب خواتي بس عندي ابداعات احلى

فشو الخطوات المطلوبة انا ماابي افتح محل بس ابي اسوي شيل واخلي الربع يوزعون على الاصدقاء وابيعهم

بس شو الاغراض المطلوبة ........ومن وين اشتري الاغراض

وابي اعرف من وين اشتري جهاز تثبيت الكريستا ساعدوني محتارة

وبدعيلكم قسما بالله بكل الاحوال

ا

انا حلوة

مشرفة سابقة

15-08-2008 | 10:22 PM

السلام عليكم

الله يوفقك يارب في مشروعك .....

اول الخطوات انك تعتمدين على الكوالتي الممتاز سواء في الكلف أو الاقمشة المعتمدة ....

شوفي الناس تبي اي نوع من الاقمشة بالعادة ...

و شنو الالوان الي الناس تفضلها . لا تاخذين الالوان الغريبة ... بل اعتمدي على اكبر ذوق و هو الالوان المعروفه ... ذهبي فضي بيج و درجاته و وردي و درجاته .....

شوفي الاماكن المشهورة و شنو الدارج عندهم .. و نفذي تصاميمك بنفس الروح و لكن تميزي بلمسات خاصة بك ..

اهتمي بتغليفهم .. يعني لا تعرضينهم على الناس و هم مو مكويين و لكن مكويين و مرتبين و مطبجين في كراتين حلوة

خ

خرزة زرقة

عروس رائعة

16-08-2008 | 07:46 PM

مشكورة على النصايح الحلوة بس انا اعرف هالشغلات بس ابي اعرف من وين احصل جهاز تثبيت الكريستال والادوات مثل الاستيكرات اللاصقة على القماش هل احصلهم من محل ادوات الخياطة

واذا اتعرفون محلات في دبي او الشارجة واسعارهم حلوة خبروني

ا

امـاراتـيـه

عروس نشيطة

16-08-2008 | 09:20 PM

مرحـــــــبا ..

نصيحة مني والله والله والله خلي كل محلات الخياطة هذي وروحي سوق نايف ..

عندهم شغلات روووووووووعه دانتيلات وفصوص وشرايط حلوة للعبي وكله رخيص طبعا ..

أنا اعرف وحدة مشهورة بدبي تفصل عباياتها فوق ال 2000 درهم وعباياتها صدق روعه روعه ..

ويوم رحت سوق نايف شفت كل الشرايط والدانتيلات من هناك وانصدمت وكله رخيييييص ..

روحي محلات الخرداوت بعد ..

ونصيحة مني .. ابعدي عن الستايلات الدفشة وايد .. وبعد الناعم وايد ابعدي عنه ..

واخر نصيحة لج خخخ ياكثر نصايحي .. روحي محـل غواني في مركز البستان وشوفي افكارهم

وسوي نفس الشي لان شيلهم وعبيهم صدق راقية ..

وبعد عندج محلات سويتي و فيرست جويس وبافي المحلات المعروفة ..

ويووم بتصممين الشيل طرشيلي عالخاص وانا اول وحدة بشتري عنج خخ .. وبخصوص جهاز تثبيت

الكرستالات .. أتوقع ان في اكثر من تاجرة في المنتدى عرضوهم للبيع سوي بحث وانشالله

تحصلين ..

اتمنى اني اكون ساعدتج وموفقة انشالله ..

و

ونة جروووح

عروس نشيطة

17-08-2008 | 12:15 AM

ربي يوفقش اختى

ربي يبارك لكم

من السعوديه انا

لك ودي

ف

فلهاوانسى

عروس جديدة

17-08-2008 | 10:16 AM

الله يوفقك للخير

س

سما المسكـ

عروس جديدة

17-08-2008 | 07:13 PM

بالتوفيق اختي والله يعينكـ
بس نصيحه لوجهه الكــــــــريمـ
اتركي حف الحواجب ... عشان ربي يباركلك في رزقكـ... و ييسرلكـ اموووركـ

د

دمعتـ احساسي

عروس جديدة

18-08-2008 | 07:08 AM

بالتوفيق اختي .. ولا تنسين تعرضيلنا شيلج ^^

L

Lamar.UAE

عروس مشاركة

18-08-2008 | 11:41 PM

هلا اختي و الله يوفقج في المشروع...

و صراحة انا بادية فييه بس توني ما سويت اللا كمن شيلة و ما عرضتهم على ناس وايد..

بديت في الكريستال بس لحبي له و لحبي للالوان و حسيت انه مكلف واايد.. فقمت انوع ادخل كلف على تطريز

قمت اشوف اي رسمه تصلح انها تطرز نقلتها و حددت الالوان..

و اذا عن جهاز التثبيت انا شارتنه من محل كلف في جمية الامارات التعاونية و عليه ضمان..

بس عقب اكتشفت انه المحل اللي في ند راشد(الراشدية) للكلف بعد يبيعة ارخص.. و اشتري الكريستال من

عندهم بعد و شغل الكلف.. و اذا تفكرين تشاركين مشروعج ويا حد انا ما عندي اي مانع

ان شالله افدتج...

و الله يوفق الجميع في الرزق الحلال

خ

خرزة زرقة

عروس رائعة

22-08-2008 | 01:09 AM

مشكورة يااختي الاماراتية على النصايح وفالج طيب ان ماعرضت عليج الشيل وبتكونين اول وحده باذن الله

انا اليوم رحت الشارجة وورت على جهاز تثبيت الكريستال وقالي بحصله في الشارجة وراء السينما دورت وماحصلت وولقيت الجهاز في بوظبي ب 150 درهم وماعليه ضمان وحسيته خربه مب شي وماشريته

من وين اشتريه وكم سعره الاصلي وهل هو عليه ضمان

بس شنو الاحسن الازرق والا الوردي

خ

خرزة زرقة

عروس رائعة

22-08-2008 | 01:14 AM

بس بنات شو يعني محلات الكلف ووين احصل في الشارجة انصحوني على مكان غير سوق نايف

لاني بروح السوق

والاماراتية معقولة سوق ناف يبيع فصوص وكريستالات حلوة

ف

فجر الخيول

عروس رائعة

25-08-2008 | 03:16 PM

اختي حبيبتي اذا حبيتي احد يسوق لك في السعوديه ونتشارك ماعندي مشكله ممكن تراسليني

O

Om Rodha2008

عروس جديدة

25-08-2008 | 03:29 PM

مرحباا الغااليه سيري في شارجه في محلات(جنب مركز العهود) يبييع جهاز الكرستال وشغلاات واايد للشيل

الله يوفقج

ا

اطالع جمالك

عروس جديدة

03-09-2008 | 01:42 PM

مرحبا اختى الغالية

مشروع حلوووووووو وناجح ف نفس الوقت وانا من سلطنة عمان واذا
ممكن اشاركك فى المشروع يعنى اعرض بضاغتى معانا وبيكون الربح حقى وحقك وبكون انشالله من اول المشترين لانه محتاجين لشيل ناعمة

a

afnanchajar

عروس مشرقة

15-09-2008 | 05:49 AM

موفقة حبيبتي
انا محتاجة اقمشة عبايات نوعية كويسة ممكن تساعدوني
Om Rodha2008 ممكن تدليني على سوق العهود؟ في اي منطقة وجنب اي محل معروف او اي علامة والله ييسرك امورك ويحققلك كل اللي تتمنيه

ا

الريم الكعبي

عروس نشيطة

22-09-2008 | 02:30 AM

موفقة حبيبتي

$

$Om AbOooOd$

عروس مشاركة

22-09-2008 | 04:20 AM

بالتوفيق يارب

واللله مشروع حلو بس أحسه متعب بالجهاز ...........!

ليش ما تستخدمين المكواة على حسب اعتقادي انه أسهل وأسرع ...

الله يسهل دربج...