عمري عشرين .. وزني 92 كيلو .. وطولي 160 !!! (( هني التحدي ))
سلام عليكم
شلونكم صديقاتي واخواتي في احلى منتدى .. منتدى عرووس
خل اقول لكم قصتي ..
اليوم وانا افتر في المنتدى .. هني وهنااااك .. ادور خلطات تبييض بشره .. و تكثيف شعر
يت عيني على موضوع حق اختي العضوة (( روح الحب .. الله يعطيها العافية ويهنيها ))
اهوه : اللي تحلم بوزن عارضات الأزياء تنضم لي ومابي كسل،،رابطة عارضات الأزياء
طالعت الموضوع .. و انبرهت .. لي هالدرجة في ناس يهتمون في صحتهم ورشاااقتهم ؟
ويني انا عنهم ؟ :(
كل يوم .. اطالع نفسي بالمنظره واتحسر ...
وزن زاااااائد .. سمنه مفرطه .. لياقه شبه معدومه .. صحه راح تنقرض .. وانا .. !! في العشرين من العمر .. حتى اني ما اكملتهاا ....
كل يوم .. اقول : راح ابدي رجيم باجر !!
كل يوم .. وكل يوم .. ووزني :confused:
ينتتشر في وجهي حب الشباااب .. والشعر الزائد .. احس ان لوزني وطريقة اكلي علاقة كبيره بالموضوع ..
الاحظ في حالة اتباع نظام غذائي .. ان الحبوب .. وبشرتي تتحسن بشكل ملحووووووظ !! ولكن كلهاا ترد ترجع ..
لما ارجع حق عاداتي الغذائيه السيئه .. اعرف كل المعلومات المتعلقه بالصحه .. بس ما اطبقهاا ! ليش
اعرف اهميه الرياضه
بس ما احبها ليش !!!! شالعنااااااااد :mad:
اكره السوووووق .. !! احبااااااااااط .. احب اشتري كل شي الا الملااااابس .. !!
قياااسي من الخصر 16 بالمقاسات الاوروبيه
وقياسي من الارداف 20 !!
حلوة .. وجذابه حيل .. .. ومتفائله .. رغم ضخامة حجمي ..
تعرفون .. احس وايد بنااااات يتحسفون على الجمال اللي الله معطيني اياه .. اللي مخرب عليه وزني :cool:
بالنسبه لي في موسم الاعياد .. الوقت اللي اكون فيه مضطره اروح السوق .. اشتري ملابس العيد .. (n) .. ماكو قيااسي اهئ اهئ .. و فوق كل هذا ذوقي صعب .. مو كل شي يعجبني ..
طول عمري احلم اكون رشيقه .. واهم من جذي اكون صحيه !! .. اتمنى بان اكون الزوجه المثاليه .. صاحبه الوزن المثالي .. المتفائله .. زوجي يعشق رشاقتي ويفخر فيني جدااام اهله (a)
.. و طول عمري اشفق على امرأه .. ضخمه .. تمشي خلف زوجها في السوق .. يخجل من ان
يلاحظها اصدقائه ..
مابي اصير مثلهاا ..
اي وعلى فكره .. الكل يعطيني فوق ال 25 !!! على الرغم من برااءه ملامحي ... !!
اكلي .. كله مقليات .. ما احب الخضراواات .. احب الفواكه .. بس ما افضلها لما اقارنها بباجي اصناف مالذ وطاب ..
اليوم ..
انا مسئوله عن قراري .. وكل شي راح يتغير .. انا اعشق نفسي .. وراح اتغير ..
اوعدكن يا اخواتي .. راح اتغير
سيكون هذا الموضوع موضوع محفزز للجميع .. وسأتواصل معكن حتى النهايه ..
الهدف .. الوصول الى وزن 60 .. مهما طال الوقت او قصر ..
والهدف .. ان اغير عاداتي الغذائيه .. وامشي على نظام رياضي ..
اتمنى .. منكم التشجيع .. وراح اوافيكم باخر الاخباار (( العربيه .. (6) )) [/