زوجي باط جبدي
عروس ديرتي
14-08-2008
17 رد
1,621 مشاهدة
راح ادش في الموضوع دايركت
زوجي صار له اسبوع كلا صاير عيار يعني يرجع من الشغل الساعه 5 العصر ويقعد في البيت واذا قلت له ابي عشى شيسوي يروح يسال امه وابوه ((اذا بتطعون اشتروا لزوجتي عشى)) انا ساكنه معاهم بنفس البيت لكن والله هالشي يحرجني وايد اهو زوجي لازم يكون مسؤؤل عني المهم اذا يقول لامه تطلع وترجع وتقول مارحنا صوب المطعم الى تبيه وابوه حده بخيل يعايرنا على الاكل والله انا ودي نطلع بروحنا بس الظروف ما تساعد
المهم انا كلمته وقلت له ما يصير تقطني على بيتكم انت لازم تتصرف قام يقول انه تعبان وصايدنه ضغط وصار لي اسبوع كاتمه بقلبي وفيني حره اهو ليش يسوي جدي ماكان اسلوبه جدي بالعكس كان كل يوم يجيب الى ابيه بس من اسبوع تغير صار واحد ثاني مااقدر اكلمه يقعد يصارخ ويقول تعبان وانا اقعد بروحي اصيح بالليل واهو نايم صاير جاف كلش مو مثل قبل.
و
وردة تحت الجليد
عروس نشيطة
14-08-2008 | 10:58 PM
والله ما أدري ايش أقول لج بس أنا بنت ومو متزوجة والله كان ودي أساعدج بس مادام قلتي إنه من أسبوع متغير فأتوقع إنه واقع بمشكلة بس ما حب يخبرج عنها وهذا نتيجة الضغط النفسي إللي يتعرض له والله أعلم
حبيبتي أستهدي بالله ,,
إنتي تقولي إنه ما كان كذا .. معنــاته أصله طيبه لكن عنده ظرف متعبه
إنتي لاتصيري عليه كمــان
خففي طلبــاتك وحاولي تفهمي إيش اللي مزعله ومكدره
قوليله إنك ماتحبي تشوفيه كذا ,, حسسيه إنك بدأتي تنحرجي من أهله
بالتفاهم بيكون كل شئ تمام
ياحيااااااااااااتي لا ميصير كذا يقول لأمه وابوه كلميه بهداااااااااااااوه واحترااام شكله متعلق بأهله مرررررررررررررررره
عزيزتي كلميه بهدوء و حنان و اعرفي ماله و ليه بيشتكي من الضغط و اعرفي مشاكله مادام انتب معترفة انه كان بيجبلك اللي انتي عازاه طب ليه انتب مش تعرفي هو عايز ايه ......... الراجل مهما كان بيحب زوجته تهتم بيه و تنسي نفسها شويه خليه يحس انك متضايقة عشانه و ربنا يصلح الحال
حبيبتي انتي مره متزوجه لازم تكونين قويه وتواجهين زوجك وتناقشينه تقولين يصارخ ويكتم زين انتي زوجته والمفروض تعرفين متى احسن وقت تناقشينه فيه وتتصارحون اذا مالقيتي وقت رايق انتي اخلقي له الجو اللي يخلي مزاجه رايق للكلام
استغربت لما سالتي هو ليش يسوي كذا؟
احنا شلون بنعرف انتي الي معاشرته وتعرفينه عدل احنا مانعرف مزاجه ولا اطباعه شلون كانت وشلون صارت
اقعدي وياه قعده حلوه فاجئيه بشغله يحبها واساليه باسلوب حلو يعني عتب محبه
يمكن في شي بالشغل مضايقه .. يمكن عنده ظروف ماديه يمكن ويمكن ويمكن
الله يسخره لك
ادعيلي حبيبتي
يمكن واقع بمشكلة بس ما حب يخبرج
ليش تطلبين عشا من برا ... تعشي فالبيت اطبخي و مب شرط اكل دسم فالليل ...
يمكن الريال تملل من كثر ما تطلبين عشه من برع تعشي في البيت و سوي له عشه !
أختي الحياة الزوجيه تحتاج الصبر ولازم أحد يرخي ويتحمل التاني لانه مافي أحد أيامه كلها عسل ومافي شي يعكر مزاجه وأعتقد أن زوجك يمر بوضع معين أحتمال مشاكل في شغله أو زعلان من شي معين أوحتى طفشان متل كل الناس ماتصيبهم حاله ملل وطفش أو أو .... حاولي تتقربين منه وماتسئليه هو فيه ايه ولا تلحين عليه وماتوصل أنك تبكين ولاتخلينه يشوفك لأن الوضع مايستاهل فيه أمور في الحياة الزوجيه أكبر من كدا والزوجة الذكية تعرف كيف تكسب زوجها وتغيره أفضل حتى مما كان عليه
وبتمنالك حياة سعيــــــــــــــدة
يمكن فيه شي مضايقه حاولي تسوين اي شي يلفت نضره علشان ينسى
وتقربي منه وقوليله حبيبي وش فيك متضايق من شي فضفضلي
واذ انت متضايق مني قلي علشان اغير ومن الكلام يعني تقربي منه
واذ هو واقع في مشكله حاولي تهونين عليه بالكلام الحلو والله يسخره لك
ويسعدكم يارب
مثل ماقالن الاخواات يمكن واااقع بمشكله وتحت تأثير ضغط ولا شي بس انتي هدي ومااعلييه عطييه وقت
وليش ماتيلسين معااه يلسه وتكلمينه وتقوليله بالي مضايقج
وتسألينه بالي مضايقه بعد
والله يوفقج عزيزتي
مشكوين اخواتي الى ردوا علي انا قعدت معاه وسالته شفيك وقال مافيه شي الظاهر كان شي عابر والحمدلله تصلح
وبالنسبه للبنات الي قالوا تملل لاني اطلب عشى من بره هذاا الشي مستحيل لاني مو كل مره اصلا اطلب من بره يعني جم يوم بالاسبوع واهو مو طبعه جدي اهو كان متضايق بس لدرجه انه مايبي يسوي شي فكان يعطي اهله المسؤليه
معلش يمكن يكون تعبان او زهقان او عنده مشكله اصبرى وروحى كلميه بحنان وافهمى ايه القصه والحياه الزوجيه مليانه مشاكل وخلافات بس الست العاقله تخلى تحتوى جوزها وتكبر مهخا عن الصغائر وربنا يهديلكم الحال
[QUOTE=sheri2007;6937549]أختي الحياة الزوجيه تحتاج الصبر ولازم أحد يرخي ويتحمل التاني لانه مافي أحد أيامه كلها عسل ومافي شي يعكر مزاجه وأعتقد أن زوجك يمر بوضع معين أحتمال مشاكل في شغله أو زعلان من شي معين أوحتى طفشان متل كل الناس ماتصيبهم حاله ملل وطفش أو أو .... حاولي تتقربين منه وماتسئليه هو فيه ايه ولا تلحين عليه وماتوصل أنك تبكين ولاتخلينه يشوفك لأن الوضع مايستاهل فيه أمور في الحياة الزوجيه أكبر من كدا والزوجة الذكية تعرف كيف تكسب زوجها وتغيره أفضل حتى مما كان عليه
وبتمنالك حياة سعيــــــــــــــدة[/QUOTE
نفس الراي
حبيبتي بنت ديرتي، ءلي فهمته من كلامج أن زوجج توه من أسبوع بس ءلي متغير ، يعني أهو من أحس مايكون يتراوالي زوجج يالس يمر بظروف صعبة حاولي تعرفين شنو ءلي مغيرة وتحلين معاه إذا لاقدر الله عنده مشكلة ولا تيين له بالصراخ والعصبية ، بالعكس أول ما يرجع البيت هيئ له جو مريح سوي له حمام دافي وسوي له عشاء لو بسيط وقعدي عقب ساعة تكلمي معاه وإن شاء الله تنحل مشكلتج