ابي وجهة نظركم مالي حل غيركم

:D:Dمرحبا
ماراح اطول عليكم

القصه وما فيها انو انا متزوجه اخو زوجه ابوي من ابوها:D شكلي بتسطر من اولها
المهم وزوجة ابوي من اخذت اخوها وهي منقلبه ميه وثمانين درجه
لاني دخلت بيتهم وعشت بينهم وشفت وش اللي يصيير ببيتهم وكيد امها على ام زوجي
ومن حركات الحريم اللي مالها داعي
صارت تخلق مشاكل بيني وبين ابوي تقول اني ما حسب لها حساب وما احب راسها اذا شفتها ومدري ايش
وهالخرابيط رغم انه علاقتي انا وابوي جدا عسل متفاهمين واذا تهاوشنا نتكلم ونتناقش يعني مره حلوه لكن بعد ما اخذت اخوها وهو حاط براسه او هي حاطه براسه اني اكرها وماحب اجلس معها وان احنا مانحب ابوي وماننفعه وهات ياتفبركه
ما بطول عليكم بعد صارت علاقتي ويااه ميح
بالاول كان يطل علينا يجلس يتقهوى لكن من تالي ابد حتى اغراض البيت ما يتنازل يجيبها وان دش بش يهاوش ويطلع والا يتحلطم ويطلع
المهم لين ماطقت براس مرة ابوي انه يكون لها بيت لحالها
طبعا هو ما يقدري خلي امه وابوه اللي هم جداني اللي احنا ساكنينن بجنبهم وبينا باب مفتوح ولنا من البيت دور ونص
ولزوجة ابوي شقه فيها3 غرف وصاله ومطبخ و2 مياه وانتو بكرامه غير الحوش وعندها 3 اولاد صغار وعندها شغاله
واحنا 6 اشخاص وامي وماعندنا شغاله بزعم ان احنا مانحتاجها وهي عندها بزارين
والحين ابوي مناشبنا على على غرفتي وغرفة امي يبي ياخذهن ويحطها لزوجه تقول ضيق عليها
مع العلم انها بشكل يومي عند اهلها وابوي عندها دايما يعني حتى ماحط لها يوم ولنا يوم
يعني من الاخر كذا حاطنا صفر عالشمال اذا كنا صفر بعد
والمشكله البيت ماسس انو الدور الارضي مخصص لاستقبال الضيوف ومافيه الا غرفتين نوم
ويبينا احنا السته نسكن بغرفتين ويقول اذا ضيق خذو المجالس
مع العلم ان عزايمه كثير ومايستقبل ضيوفه الا امي يعني حاط امي بس للعزايم والقهاوي والله لو عنده احد تنزل زوجته بعبايتها ويقول لامي جهزي قهوه وشاهي بيجيني رجال وحرمته يوديها توسع صدر مع اهلها
غير البلاوي اللي كان يمارسسها على امي قبل كان ماياكل من يد شغاله حط لو تحرك القدر جا وكبه
لة تغسل له لبس رماه
حتى الشغاله مو لنا لجدتي لما كنا ساكنين عندهم قبل ننقل ببيت
والله حاله مايعلم بها الا الله
والادهى انهمو راضي باي حل
نقوله
يقول انا اللي اقرر
ياناس يقرر على حسابنا بالله هذا كلام ناس عاقله تكفون اللي عندها حل تقولي
انا قلت لابوي الوضع شلون صعب وبكل انانيه قال انا مايهمني
وانا وخواتي مو موظفات واخواني 2 اصغر مني واحد يدرس والثاني يشتغل بالثانوي براتب3 الاف انا بانتظار ردودكم ووجهة نظركم
عجزت احلها لحالي وزوجي ابدا مو راضي عن اللي يصير لانه امه مرت بنفس الظروف تقريبا