هلا بيكم ياأحلى عراايس
اليوم سوويت ميني بسبوسة وحبيت احط لكم بسبوستي المتواضعه
يله كل وحده تذكر الله
ماشاء الله
اللهم صلي على سيدنا محمد وعلى آله وصحبه الاطهار
الباقي من كمية الخلطه حطيته في قالب على شكل قلب
والحين اخليكم مع المقادير والطريقة
المقادير
1
علبة زبادي
1 قيمر او قشطة
1 ونص كوب سميد
3/4 كوب سكر <<<< أنا نسيت احط سكر خخخ بس القطر غطى
1 ملعقة صغيرة بيكنج بودر
نص ملعقة صغيرة فانيلا
نصف كوب جوز الهند (نارجيل)
ربع كوب زيت
مقادير القطر او الشيرة
كوب سكر
نص كوب ماي
شريحه قشر برتقال او ليمون
تطبخ على النار وبس تغلي خففي النار واتركيها 10 دق بس
وبس تسكرين عليها اضيفي لها ملعقة وسط سمنه او زبده وذرة فانيلا
الطريقة
اخلطي المواد الجافه مع بعضها والسايله مع بعضها عشان تنعم وبعدين اخليطهم مع بعض
ادهني قوالب الكب الصغيره زبده او سمنه او زيت
صبي ملعقة وسط مملوءه في كل قالب ويكفي بالضبط قالبين كل قالب 24
ريحيها 10 دقايق تنخبز بالفرن ربع ساعه ومو مهم الوجه يتحمر حيل اهم شي ما تنحرق لانها تتقدم مقلوبه احلى
بس تطلع اسقيها كل قالب ملعقة وسط من القطر او الشيره وانسيها ربع ساعه وطلعيها بالراحه واتركيها شوي وصفيها وزينيها بالفستق المفروم
الله تعجبها ياريت تدعي الله يخلي لي ريلي وولدي
أنتي غير محلله بنقل الموضوع الا بذكر المصدر( أحلام صغيرة _ منتدى عروس )
تحياتي
أحلام صغيرة
[/url