انقطاع الطمث

اهلا عزيزتي ...

حبيبتي اذا كنتي ترضعين ابنك بانتظام فهذا شي طبيعي لان الرضاعه المنتظمه تقطع الدوره الشهريه وهذا شي معروف وطبيعي ... تطمني ولا تخافي

اما اذا ما كنتي ترضعين .. نحتاج منك كم معلومه ..

العمر اولا ..
وهل كانت دورتك الشهريه منتظمه في السابق او لا ؟؟
وولادتك كانت طبيعيه او قيصيريه ؟؟
وهل عندك اي مشاكل في الغدد؟؟ مثلا الغده الدرقيه ؟؟
هل عملوا لك اي عمليه في الرحم ؟؟
هل تستخدمي موانع للحمل او وسائل طبيعيه او شربتي شي طبيعي في الفتره هاذي؟؟
هل تتناولي اي دواء لاي سبب كان ؟؟


اتمنى اكون افدتك ... واذا ما كنتي ترضعي انتظر اجابتك ...
تحياتي

مشكووووووووووووووورة اختي ما قصرتي انا فعلا ارضع بنتي بس سمعت ان حتى مع الرضاعة الطبيعية تنزل الدورة بعد سبعة اشهر...
سالتيني اذا شربت شي ...انا شربت مرامية في النفاس وعلى طول نزل علي دم كثير فهل لهذا علاقة؟؟!!!!!
.:Za_thanx:

ايوه عزيزتي ... توقعت انك ترضعين وان هذا هو السبب لانقطاع الطمث..

ومو ضروري يا عمري يكون الانقطاع بس سبعه اشهر .. لان يختلف من شخص الى ثاني .. وشكلك انتي منتظمه في الرضاعه ... واحتمال هذا الانقطاع يستمر معاك طالما انتي ترضعين ... لأن اثناء الرضاعه تطلع هرمونات .. هاذي الهرمونات تسبب انقباض في الرحم حتى يرجع لوضعه الطبيعي قبل الحمل وفي نفس الوقت تهبط المبايض فينقطع الطمث ..

اما بالنسبه للمراميه فهو شعبي ... وانا خبرتي في الاعشاب قليله ... بحثت عنها وشفت هالمعلومه اللي لفتتني وهي ان

يحضر استخدامها للمرضعات لانها مانع للهرمون المدر للحليب وكذلك على الحامل في الثلاث الشهور الاولى لانه مطمث ..
ومكتوب ان يحتوي على هرمون الاستروجين ... وانه اذا اخده الواحد لازم يلتزم بالجرعات والكميه لانه قوي جدا ..

لذلك انا ما كنت افضل انك تاخديه وانتي مرضعه او في فتره النفاس .. لان مثل ما شفتي ان فيه هرمون ... وانتي في هالفتره مو ناقصه هرمونات تلخبط لك ... وهذا هو سبب النريف اللي جاك ...

المعلومات عن هذه النبته من موقع اسمه موسوعه جنه الاعشاب وهذا الرابط اذا تحبي تتطلعي http://go.3roos.com/ptJU62DG5a8

اتمنى اكون افدتك ... واجر وعافيه ان شاء الله

وسلامتك ان شاء الله ... وما تشوفين الا كل خير ..