هل هو فعلا محتاج للحنان ولاّ يتدلع !!

ازيك يا قمر و ازي كتاكيتك
شوفي يا قمر انتي كدة صح علشان يتعودوا يناموا لوحدهم بعد كدة
انتي خلي جرعة الحنان بالنهار يعني دلعيهم بالنهار زي مانتي عايزة بس مش اوي يعني علشان متبوظيش الموضوع هههههههههههههه
اما بالليل بقى فلازم يفهم انه له سريره الخاص لانه ماشاء الله كبر و هايفهم كلامك دلوقت
وربنا يبارك لك فيهم

اعتقد الاطفال بين فترة وفترة محتاجين لحنان الام وهني ولدك يبغى منك تحضنيه مايمنع لو طلب منك ينام معاك انك تحتضنينه وتبوسينه وبعدين تقولين له لا مايصير لازم تنام في سريرك لانك كبرت
وحذاري تحضنين اخوه وماتحضنينة لا يغار منه

إي والله محتاجين مثل هالموضوع للنقاش ونستفيد من خبرة الخبيرات

يقولون كل ما عطيتي ولدج الحنان كل ما صار ذكي وشاطر ويقوي من شخصيته

هذا إلي اعرفه وطبعا غير الفوائد الكثيره إلي نجهلها عن الحنان......

هلا اختي ماما حسون
بصراحه مو شرط لانش انشغلتين بدراستج معناته انج اهملتينه!!!!!!!!
اكيد في رجعتش من الجامعه تعطينهم كل الحنان وتهتمين فيهم يعني ماتنسينهم
انا اقول جدي لاني انا بعد ولدي عبودي ايسوي مثل الحركه بالضبط.مع اني مو امقصره معاه وقاعده ليه في البيت بس دلع وحنان ولعب وياه بس لازم ايجي لي في الليل
واذا اقول ليه روح حبيبي سريرك ايقول لي انا ابي انام وياش لاني احبش!!!!!!!!
احيانا ايكون خوف في الطفل انه اينام في سريره فيحب انه اينام في حظن حنون (حظن الام) ...انا هذا لاحظته من تصرفات ولدي لاني اذا لزمت عليه اينام في سريره
يقول لي انه ايخاف ينام ابروحه مع انه كان من زمان اينام ابروحه ....وطبعا مايمنع من احتضانه وتقبيله عشان ايحس بالحب.
احتمال انه ايطالع اشياء اتخوفه الليل او يتهيئ ليه اشياء اتخليه يطلب الحنان والدفى
ان شاء الله ماطولة عليش حبيبتي ام حسون ...

كلنا محتاجين للحنان بس الطفل يستغل احيانا هذا الموضوع فانتي اذا اجالك بوسيه و حضنيه و قوليله احبك و رديه سريره

خلي جرعات الحنان بالنهار لان الطفل اذا عودتيه على شي ما يتركه و خصوصا بهذا العمر

نصيحتي لك نقليهم اثنينهم بغرفة لحالهم احسن لك و لهم لان غلط طفل بهالعمر ينام مع اهله

هلا ماما حسون ما ادري ويش اقول اليش بس بتكلم عن وضعي وية صدوقي وهو في عمر حسون تقريبا

صدوقي اذا اخليه ينام برروحه ما ينام لاسف يقوم ويقعد ويشيل في اللحاف ويحطه وكل اشوي وقال بيروح يشررب ماي ويظل ساعة على هالحاااااال يعني يغربلني غربال واذا احطه في حظني انيمه كلها 10 دقايق وهو نايم

وبصراحة صدوقي ما يرضى ينام في حظني لانه يبي يتهرب من النوم وكل يقول يبي ينام برروحه لكن ما اخليه وعلى طووووول انيمه في حظني
وهو ما طلب انه ينام بروحه الا عشان يلعب ويقاوم النوم واني اتعب وانام قبله اذا اخليه جددددي

وعن نفسي اشوف مافيهاا شي لو كل بين فترة نيمتينه في حظنش

اهلين بنات والف شكر على ردودكم ..

انا قاعده احاول في النهار ان اعطيه جرعات حنان واحضنه وابوسه والعب معاه واقوله كلام حلو ..


وعن صغره انا اقصد انشغالي بالدراسة يعني انا الليل كنت اكثر شي يا اما ادرس او ابغي انام علشان اقوم الصبح فنااااادرا اذا انيمه بحضني ومن قام يمسك المرضعه بعمر ال6 شهر صرت اعطيه مرضعته ويشربها وينام بروحه بسريره .. وخصوصا ان رضعته طبيعي بس 3 شهور فما نام بحضني وايد المسكين

وانا اكثر شي احضنه هو الصبح يعني احيانا لما يقعد الصبح من النوم اناديه يجي جنبي على السرير واقعد احضنه وابوسه والاعبه واسولف معاه .. اما الليل فأنا معودته على اني ابوسه واقوله تصبح على خير واسمّع له دعاء النوم والحفه وينام ..



ان شاء الله ما اكون مقصرة بس .. وعن نقلهم لغرفتهم انا من زمااااااااان حابة انقلهم بس زوجي يقول بعدهم صغار وغرفتهم بعيدة شوي عن غرفتنا والاهل للاسف مأيدينه على الموضوع لكن انا مصممة على ما يكمل ولدي الصغير سنتين بنقلهم اكييييييييد :)

زيدي جرعة الحنان وهو صاااحي

حتى ما تحسين بالذنب وقت اللي بينام

رايي من راي الاخت بلوسومز
والاخوات كلامهم واضح يعني خيتو لاتخافي هذا مو دلع

مـا شــاء الله الخـــوات ما قصـــرن .. ربي يعطيهـن العافيـــة...

جزاكِ الله خيراً لطرحك السؤال

وجزى الأخوات خيراً على الإجابة

طيب تقولي ايه في اللي عندها 25 سنة ولسة بتحب تروح تقعد في حضن مامتها؟؟

كلنا أختي بنحتاج حنان والأطفال أكتر مننا بس ده مش معناه إنك قصرتي مع ابنك

دلعيه بالنهار واحضنيه باليل قبل ما يدخل سريره، وبوجه عام احضنيه وبوسيه كتير لأن هذا يزيد من ثقة الطفل بنفسه ويجعله أكثر حناناً وتعبيراً عن مشاعره لمن حوله (وتبقي كسبتي ثواب في زوجته المستقبلية بإذن الله)
:)

ربنا يحفظ لك أطفالك ويبارك لك فيهم

مشكوريييييين خواتي وطمنتوني وريحتوني من تأنيب الضمير .. تصدقون حتى زوجي لما خبرته باللي افكر فيه احسه تأثر شوي وصار اكثر عطف وحنان على الولد :)


اختي امة الله الف شكر عزيزتي وصدقتي كلنا محتاجين للحنان حتى احنا الكبار ( انا عمري 24 سنة ودايما احس روحي محتاجة للحنان ) (a)