ممكن حد من مصر يرد عليا

بصي
حكاية مندوبة المبيعات متعبة والناس بتقرفك على متشتري منك حاجة وهيدوكي فلوسك بالقطارة
كمان عتضيع المكسب في تضبيط الحاجات بالتلفون
انا رأي الشخصي انك تشحني بيهم موبايلك بأي نظام مخصص للإتصالات المخفضة زي بيزنس أو أوبشن أو ستار
اختار نظام معين وحطي فيه فلوسك
وبعدها تستخدمي الموبايل في أماكن عامة للإتصالات العامة زي ما ناس كتير بتعمل
وحتى لو الحكاية باظت منك
ابقى حولي رصيد للناس بالفلوس بتاعتك
يعني انتي كده ضامنه فلوسك
وربنا يوفقك

Shaimaa zaki;6915815:
بصي
حكاية مندوبة المبيعات متعبة والناس بتقرفك على متشتري منك حاجة وهيدوكي فلوسك بالقطارة
كمان عتضيع المكسب في تضبيط الحاجات بالتلفون
انا رأي الشخصي انك تشحني بيهم موبايلك بأي نظام مخصص للإتصالات المخفضة زي بيزنس أو أوبشن أو ستار
اختار نظام معين وحطي فيه فلوسك
وبعدها تستخدمي الموبايل في أماكن عامة للإتصالات العامة زي ما ناس كتير بتعمل
وحتى لو الحكاية باظت منك
ابقى حولي رصيد للناس بالفلوس بتاعتك
يعني انتي كده ضامنه فلوسك
وربنا يوفقك

فكرة تمام :wink:

اشحنى موبايل واديه لحد مضمون تثقى فيه واحسبيها كويس وان شاء الله يجيب نتيجة تمام(y)

بفكر أنفذها:eek:

عندى ليكى مشروع كويس ومش محتاج راس مال كتير لو عيزة التفاصيل ابعتيلى على الخاص على فكرة انا اول واحدة بعتتلك رد بس تقريبا حذفوة او انا بعت غلط مش عارفه بس انا واثقه ان الفكرة انشاء الله هتعجبك:flower:

Magyy
ياريت تبعتيلي أنا كمان لان نفس الموضوع عندي

انا من القاهره ممكن التوصل علي الخاص

من كام يوم كنت قاعدة مع سيدة محترمة جدااااااا
وعملت لنفسها مشروع كانت بداية تكلفته 500 جنيه
وحكتلى عنه
قالت انها بتشترى قماش الملايات وتطرزو فى البيت وتحطو فى اكياس
وتبيعو فى كارفور ولمحلات المفروشات
باسعار منافسة جدا
وفى البداية كانت الطلبيات بسيطة يعنى مثلا 5 قطع او 6 بس
وكل اسبوع او اسبوعين يجيلها طلبية بنفس الحجم تقريبا
حتى توسعت فى نشاطها وكانت توزع مع كل طقم ملايات فوطة هدية بتعملها فى البيت
وقالتلى انها كانت بتشترى الخامات من الساعة عند العمود ( دى منطقة فى اسكندرية )
وقالتلى ان متر القماش كان فى الاول بتشتريه باسعار مختلفة
يعنى المشجر يتباع ارخص من السادة المتر بحوالى 6 جنيه
و متر الفوط كمان رخيص
بس اللى ساعدها انها عندها ماكنة خياطة كويسة
وقالت انها مكانتش بتعرف تقعد على الماكنة وجارتها اللى علمتها تستخدمها
لانها ماكنة من التراز القديم شوية
ودلوقتى بقت بتوزع على محلات اكتر وكمان وصل التوزيع للقاهرة والمنصورة وخلافه
وكمان وسعت النشاط وبقت بتعمل ملايات لسراير الاطفال
تقريبا الملاية الواحدة تكلفتها حوالى 25 جنيه
وتبيعها ب 40 جنيه جملة

كمان الاخت نوارة ممكن تساعدك فى موضوع التسويق لو الفكرة عجبتك

لوحد عنده فكرة وبيشتغل فيها فعلا انا مستعدة اشترك معاكوا

magyyyy;6924421:
عندى ليكى مشروع كويس ومش محتاج راس مال كتير لو عيزة التفاصيل ابعتيلى على الخاص على فكرة انا اول واحدة بعتتلك رد بس تقريبا حذفوة او انا بعت غلط مش عارفه بس انا واثقه ان الفكرة انشاء الله هتعجبك:flower:

يا ريت يا ماجى تقولى الفكرة على العام او ترسليلى على الخاص
والف شكر

السلام عليكم ورحمة الله وبركاته
اختي الحبيبة حور ونور
ممكن تنزل سوق الازهر ( الموسكي ) وتشتري ملايات أومفارش اولانجري من محلات جملة يعني مثلا نص دسته من اي حاجة تعجبك وعرفي محل الجملة انك هتجري فيهم وحاولي طبعا تفصلي علي قد ما تقدري وتبيعيهم للجيران او اصحابك بالتقسيط او كاش وانصحك انك تخدي مكسب بسيط وربنا معاكي ويوافق
:flower:

ربنا يوفقك

السلام عليكم اختى انا كنت هأقولك نفس فكرة الأخت مسك العروسة
لو اختك او جارتك موظفة ممكن تساعدك و تديها نسبة من الربح و اعملى حساباتك كويس و بما ان راس مالك صغير حاولى تكون دورة راس المال سريعة شوية علشان تعرفى تكملى فى الموضوع يعنى التعامل بالتقسيط ممكن يتعبك شوية الا لو كنت ضامنة الناس ( زميلة ماما الل يرحمها فى الشغل كانت لها نفس المشروع و كانت بتستنى الناس عند الخزينة يوم القبض او فلوسها تتاخر مرة العيد ومرة رمضان وكده)