ابي مساعدتكم ...........بليز

سلام عليج مراحب اشحالج ............فديتها بسم الله عليها ربي يحفظها لج..بنتج كم عمرها ..اذا هي صغيريو وايد حرام هاي بعد صحة يوم بتكبر بتخف ابروحها

هلا فيج اختي
بنتي عمرها 11 شهر
بس انا خايفة عليها
ومشكورة اختي على مرورج

مرحبا خيتي..
بسم الله على عمرها الله يخليها لك لا ياخيتي لا تودينها معظم الاطفال اللي بهالسن يصيرون بعافيه لااله الا الله لكن يوم يكبرون بتشوفين شلون تخف حرام توها صغيره على حمية وغيرها لاتوديها واذا قريتي عليها كل طلعه المعوذات واية الكرسي وحصنيها وانشالله مايظر مع اسم الله شيء..الله يحفظها ويخليها لك
انا ولدي فهوودي بو 4 شهور عافيته الحمدلله ويوم انه يصير بعافيه ازيد ابدن مااوديه ولا شي هذولا صغار مايتحملون حمية الا اذا حسيتي ان عافيتها ممكن تاثر على حركتها او نشاطها وبكذا ياثر عل صحتها فهذا انا معك انك تودينه لاخصائي بامور حمية الاطفال وعلى العموم باستشارة الطبيب مارح تخيبي ..
الله يحفظ لك بنتك من كل مكروه
تحياتي لك

مشكورة اختي على مرورج واهتمامج بالموضوع

عادي خيو بس تكبر اشوي وتتحرك بتضعف الله يخليها ويحفظها لج

الله يخليها لش بتضعف لا تحاتين بس انتي حاسبي حق الاكل الي تعطينها

اختي عادي لما تمشي بتضعف كثير

الحين تبغيها تضعف بكره تكبر وتمشي وتتحرك وتضع وتدكري ايام نشاطها


قبل لا تطلعي من البيت اقري عليها ايات


الله يخليها

الله يخليها حرام 11 شهر وش حميته هي اكلها كيف اذا عادي او قليل لا تسوي

حميه ولا شي هي صغيرة بكرة تكبر وتضعف

بس الناس فاضيين يطالعوا ويعلقوا هذي عمرها اقل من سنه وش بكون اكلها

الله يحفظها اقري عليها المعوذات اول بنت جبتها كانت جذي والناس تقارن

و الناس تفكيرهم الجاهل الهزيل ما ياكل والمليان كل ياكل مع ان احيانا اشوف العكس

رابنزول;6916075:
الله يخليها حرام 11 شهر وش حميته هي اكلها كيف اذا عادي او قليل لا تسوي

حميه ولا شي هي صغيرة بكرة تكبر وتضعف

بس الناس فاضيين يطالعوا ويعلقوا هذي عمرها اقل من سنه وش بكون اكلها

الله يحفظها اقري عليها المعوذات اول بنت جبتها كانت جذي والناس تقارن

و الناس تفكيرهم الجاهل الهزيل ما ياكل والمليان كل ياكل مع ان احيانا اشوف العكس

معاااااااهاااااااااااا ....


حبيبتي حراااااااااااااااااااااااااااااااااااااااااااااااااام تسوين لها حميه .. مسكينه صغيرونه .. ومسيرها بتمشي بإذن الله وبتضعف بروحها ’’’ لا تتحسسين من هالشي فديتج ولا توسوين ’’’ مب زين لج ’’’


انا ولدي كان بعد تختوخ الله يحفظه ويحميه من كل شر’’ ماكنت أحط في بالي مع إن هلي وريلي كانوا يعصبون علي لما أطلعه جدام الناس ولا أوديه وياي مكان ,,, بس انا ما ماأفتكر في هالشي دام إني أقرا عليه دوووم وأحصنه بكلام الله ,, والحين الحمد لله توه بدا يمشي والكل قال لي ليش ضعف ولدج ’’ ماتأكلينه ؟

حبوبه الناس مايعجبهم ولا شي’’’ توكلي على الله وخلي بنتج تعيش حياتها ولا تنكدين على عمرج ’’
المشكله محد يحمد ربه والله ’’’ إلي عيالها إضعاف تسوي المستحيل عشان تمتنهم ’’ وإلي عيالهم ضعاف يبون يسولون لهم ريجيم ’’ حراااااااام والله ’’ هاذي خلقه الله ,,,

الله يحفظها ويخليها لكم ’’’ هاذي نعمه حبيبتي وإحمدي ربج عليها ’’’

قبل ما تطلعين حصنيها بالمعوذات وقولي بسم الله الذي لايضر مع أسمه شيء وهو السميع العليم 3مرات
أعيذك بكلمات التامه من كل شيطان وهامه ومن كل عين لامه كان الرسول صلى الله عليه وسلم يعوذ به الحسن والحسين
ولا تتحرفين في البنت بعد السنه يزيد نشاط الطفل وينزل وزنه وحلاة الطفل صحته حلوه
أدعي لولدي يزيد وزنه كل ماتحسن وزنه مرض وضعف

لما تبدأ تحبى وتمشي بتخف كثيررررررررررررررر... اساليني انا

مثل ما قالوا البنات اول ما تبتدي تمشي وتتحرك وتلعب بتضعف لا تحاتينها اختي .. الله يخليها لكم :)


والناس ما تترك احد في حاله ولا يعجبهم العجب ولا الصيام برجب مثل ما يقولون ..

انا ولدي الكبير من اول ما ولدته وهو ضعيييييييف بنيته هزيلة وايد وكل من يشوفه يستغرب وكل يقولون لي تحملّي به مسكين خليه يمتن <<< يعني انا ام مهملة !! وكلام وايد يقهر او يقولون لي ما ترضعينه ولا تأكلينه او او او او ......... ووايد من هالكلام المزعج :mad:

انا عكسج بنتي نتفه اللي يشوفها يستغرب من عمرهااا
ويحطون اللوم علي ..
اهم شي اكون مقتنعه وتكون بصحة وعافيه ولا يهم كلام الناس
عطيهم اذن من طين واذن من عجين

الله يحفظها لان بعدها ماتتحرك بس تمشي بتشوفي هذا كله يروح وبعد لما تفظميها بتضعف
اقري عليها المعوذات...
الله واهل البيت وياها...

انا نفس الشي ولدي ما شاءالله دبدوب عمره 7 شهور بس شنسوي ناس تموت علشان ييبون اولاد متختخين المهم انا الدكتور قال لي قللي الحليب الصناعي بس والله من يصيح يقطع قلبي عطشان وانا اعطيه اصلا اهو مو متين بس ضخم وطويل ماشاءالله على ابوه وحتى الممرضه مالت التطعيم قالت لي بنتها كانت مثل ولدي والحين صارت تخاف تجود يدها من الضعف انا حمدت ربي ان عطاني ولد شحلاته الكل يتمنى مثله انتي حمدي ربج ولا تفكرين في الحسد الحين الناس توعت وما تحسد مثل قبل

اختي من تجاربنا اقولج انا بنتي لما كانت اقل عن سنة كانت ماشاءالله صح مو متينة بس حالها زين واذكر اني لبستها تنورة وهي توها ما كملت سنة كان باول عيد يمر عليها يعني كانت تقريبا 9 شهور وكانت التنورة زينة حتى صورتها فيها تصدقي التنورة ظلت قلت هاي اول تنورة ما بتخلص منها بحتفظ فيها تصدقي انها لمن كملت سنتين بالصدفة طلعت التنورة وقلت بشوفها طلعت قصيرة لكن سبحان الله بالوسع تمام التمام طبعا كبرت سنتين وهي لابستها بعمر 9 شهور فؤق كبير هاي دليل ان الوزن يتغير لكن انتي حاولي بالاكل انج ما تعطيه كميات اكثر عن طاقته وما يكون الاكل وبعديه نوم على طول خلي الحليب الطبيعي فقط عند النوم وعليج بالمعوذات واية الكرسي والادعية ابدا ما تنسيهم خليهم على لسانج على طول الصبح اول من يصحى والمغرب وعند النوم ولما تطلعي او حد يزورج في البيت وحتى من نفسج اختي ترى العين حق حتى الام ممكن تحسد ابنها فحصني ابنج بالقرآن وما عليج من أي شي لاتن الله سبحانه وتعالى أعلى من كل شي في الارض والسماء

اختي مراحب لا تخافين عليها الله يحميها من كل شر عليج ابتحصينها بالأذكار كل يوم صباحا ومساء ومالها شر انشاءالله ولدي يوم كان اصغير دبدوب وماقدر اشيلة والحين عمره 10 سنوات وصار اضعيف وايد يعني لكبرت ابتضعف الله يخليها لج

بكرة تمشي وبتشوفين بتضغف مع الحركة وحرام توها صغيرة تسوين لها حمية

الله يحفظها لك ويحرسها من كل عين ماتصلي على النبي