بأيش تنصحوني ؟؟

حبيبتي ما اقدر انصحك الا اذا عرفت كم عمرك؟

انا عمري 26 سنه

[FRAME="13 70"]السلام عليكم ورحمة الله وبركاته ...

مرحبا اختي ...

شوفي ... اذا استخرتي ومرتــاحة خلاص الله راح يسير ... يعني هو مو احساس نتجية الاستخـارة ... الامور اللي راح تصير اهيه النتيجة ... مثلا اذا ارتطبتي ... بتكون هذي نتجية الاستخـارة .. مو شرط حلم او راحة وو ....

بالنسبـة للشــاب ...

انا اقول اعرفي اول ليش مطـلق ؟!! ...

اذا كان ماله دعـوة في المـوضوع ... جوفي دينه واخلاقه وصلاتــه .... لان الملتزم والله هو اللي راح يصونـج
ويسعـدج باذن الله ...

والله يوفقج ان شــاء الله .. ويسر لج امــورج .. :)[/FRAME]

والله يالغاليه منتي بكبيره علشان تتنازلي لهذه الدرجه
مو المشكله انه اسمر وله مطلق
المصيبه ان عنده اولاد يعني ما بترتاحي معه زي ما تتمني
ترى الاولاد مسوؤليه وانتي بعد محاسبه من الله على معاملتهم بالطريقه الصحيحه
انا انصحك استخيري بعد وبعد
وترى الاستخاره مو معناها يجيك احساس وبس
لا في اشياء ثانيه اذا شفتي الامور جالسه تمشي بهدوء ومافي عقد وعراقيل معناها ان هو نصيبك والله اعلم
بس اذا شفتي الامور واقفه وفي مشاكل كثيره يمكن خيره ان ما يكون من نصيبك.
انا انصحك تفكري الف مره بالموضوع لان هذا زواج وعقد لاخر العمر ان شاء الله.وبعدين احب انبهك لنقطه مهمه لازم تعرفي سبب طلاقه لازززززززم علشان مو بعد ما تتزوجيه تصير مرته الثانيه حلوه ويقوم يرجعها وتكوني الثانيه ويتحجج علشان الاولاد او او او انتبهي والله يوفقك
تحياتي

[GRADE="4169E1 FF4500 2E8B57 4B0082 FF1493"]يا أختي قبل ما يرتبط رجــل بأي إمرأة لابــد من السؤال عن أخلاقه .. قبل لونــه أو بشرتــه .. لأن الإنسان بشرته بيضاء مو معناتها ان قلبــه أبيض واذا كان بشرته سمراء مو معناتها قلبــه أسوود ومب نظيــف ...

وتذكري قول الرسول (ص) : "إذا جاءكم من ترضون دينــه وخلقــه فزوجــوه" ماقال (ص) لونه وبشرته ووظيفتــه .. أهم شي دينــه وأخلاقــه

اختي الغاليــة .. لابد أهلك يتقصووون لماذا وقع الطلاق بينــه وبين زوجتــه ؟؟ اكيد في أسبــاب .. والزواج من واحد مطلق وعنده أولاد صعب جداً ،، لاتتوقعيــن بهالســهولة.. خصوصا انج بتطلعين من حــرية في بيت أهلج وبتلتــزمين بتربية أطفال وهذول مالهــم ذنب في اللي حــدث بين والدينهم .. ففي حالة إن الأطفال موجودين مع الأب هل راح تتقبلين وجودهم معاج بنفس البيت؟؟ هل راح تعتبرينهم أبناءج وتربينهم وتحتسبين الأجر عند الله سبحانه؟؟

انا مون وجهة نظري يالغالية تستخيرين أكثر .. لأنها مسؤوليــة وعمرج 26 يعني مو كبيرة لذاك الزود اللي يخليج ترتبطين في رجل مطلق وأب لأطفال!! الا اذا انت تحسين ان فرص الزواج بالنسبة لج قليلة هذا شيء ثاني .. وحتى لو كانت قليلة لاتعطين رأيج الا لما تحسبين حسابات المستقبل ..وتحطين خطوط حمرااء .. لأن هذي حياة ومصير راح ترتبطين فيه طول عمرج .. عشان مايجي اليوم وتندمين وتقولين ياريت وياريت.. انا مااخوفج ..وايد بنات تزوجوا مطلقين وعندهم أطفال وعاشوا وياهم وربوو عيال أزواجهم واعتبروهم ابناءهم ووايد ناس تزوجوا مطلقين وعنده اطفال وماقدروا يعيشون بسبب الغيرة او إنشغال الأب بأطفاله وشي طبيعــي طليقة هذا الرجل راح تكلمــه بخصوص الأطفال واحتياجاتهم و و و فهل انتي راح تتقبلين في يوم ان تسمعين زوجج تكلمه طليقته؟؟ وحطي في بالج انتي اذا تآخذينه تتحملين كل شي لأن ماخذيتيه الا وانتي تدرين انه مطلق وعنده أطفال ..

ربي ييسر لج أمورج واستخيري اكثر واللي فيه الخير رب العالمين يسووويــه لج يارب
اللهم زوج بنات المسلمين من أزواج صالحيــن يارب .. اللهم آميــن[/GRADE]

نصيحة لا تاخذين واحد عنده عيال ..

واتمنى لك كل خير

1) هل اانتي من النوع اللي مايغار ؟ في بداية الزواج الوحده تغار من خوات الزوج وامه كيف اذا عياله وطليقته وحتمال يرجعها ويحن قلبه لها ياما ناس تدبسوا برحعة طليقة زوجهم بعد عرسهم اما اذا كنتي متقبله تكونين الثانيه هذا راي اخر

2) فرحته بالحمل والولاده والعيال : اول شي هو بيكون مكتفي عنده عيال ولا بيفرح لك مثل ما يفرح اي شاب لاول حمل لزوجته واول ولد ,,,,ما اعرف وش اقول لج الحين المتزوج وحده بس اول بيبي معاملته تختلف وثاني بيبي يهتم شوي وثالث بيي ولا كانج حامل :(

3) مثل ما قالوا البنات في حال وجود عياله معاه هذا عبئ ،،، ولو ما كانوا معاه احتمال زوجته من الحره تردهم له اذا سمعت انه معرس

حطي كل الاحتمالات وشوفي طاقتج واحتمالج والله يوفق لج اللي فيه الخير

هلاغيودة قطر. شوفي حبيبتي عسب اختلاف لون البشرة هذا اسمر وانتى بيضا هذا كلام االحريم الكبار في السن .والحين نحن متعلمين وانعرف انه ماشي فرق بين العربي والعجمي غير التقوى بالله....دام انسان علي خلق ودين اتوكلي علي الله....بالنسبة لعياله اهتمي فيهم ولا تقولين هو عنده عيال اتخيلي انته عقب اتعرسين والله مايرزقج عيال من واحد ثاني وحطى نفسج مكان الزوج وشوفي شو ذنب الاطفال انتى عوضيهم بحنان الام اذا الام مافكرت في عيالها..............والله يسر امورج

بحرينية وأفتخر;6897445:
[GRADE="4169E1 FF4500 2E8B57 4B0082 FF1493"]يا أختي قبل ما يرتبط رجــل بأي إمرأة لابــد من السؤال عن أخلاقه .. قبل لونــه أو بشرتــه .. لأن الإنسان بشرته بيضاء مو معناتها ان قلبــه أبيض واذا كان بشرته سمراء مو معناتها قلبــه أسوود ومب نظيــف ...

وتذكري قول الرسول (ص) : "إذا جاءكم من ترضون دينــه وخلقــه فزوجــوه" ماقال (ص) لونه وبشرته ووظيفتــه .. أهم شي دينــه وأخلاقــه

اختي الغاليــة .. لابد أهلك يتقصووون لماذا وقع الطلاق بينــه وبين زوجتــه ؟؟ اكيد في أسبــاب .. والزواج من واحد مطلق وعنده أولاد صعب جداً ،، لاتتوقعيــن بهالســهولة.. خصوصا انج بتطلعين من حــرية في بيت أهلج وبتلتــزمين بتربية أطفال وهذول مالهــم ذنب في اللي حــدث بين والدينهم .. ففي حالة إن الأطفال موجودين مع الأب هل راح تتقبلين وجودهم معاج بنفس البيت؟؟ هل راح تعتبرينهم أبناءج وتربينهم وتحتسبين الأجر عند الله سبحانه؟؟

انا مون وجهة نظري يالغالية تستخيرين أكثر .. لأنها مسؤوليــة وعمرج 26 يعني مو كبيرة لذاك الزود اللي يخليج ترتبطين في رجل مطلق وأب لأطفال!! الا اذا انت تحسين ان فرص الزواج بالنسبة لج قليلة هذا شيء ثاني .. وحتى لو كانت قليلة لاتعطين رأيج الا لما تحسبين حسابات المستقبل ..وتحطين خطوط حمرااء .. لأن هذي حياة ومصير راح ترتبطين فيه طول عمرج .. عشان مايجي اليوم وتندمين وتقولين ياريت وياريت.. انا مااخوفج ..وايد بنات تزوجوا مطلقين وعندهم أطفال وعاشوا وياهم وربوو عيال أزواجهم واعتبروهم ابناءهم ووايد ناس تزوجوا مطلقين وعنده اطفال وماقدروا يعيشون بسبب الغيرة او إنشغال الأب بأطفاله وشي طبيعــي طليقة هذا الرجل راح تكلمــه بخصوص الأطفال واحتياجاتهم و و و فهل انتي راح تتقبلين في يوم ان تسمعين زوجج تكلمه طليقته؟؟ وحطي في بالج انتي اذا تآخذينه تتحملين كل شي لأن ماخذيتيه الا وانتي تدرين انه مطلق وعنده أطفال ..

ربي ييسر لج أمورج واستخيري اكثر واللي فيه الخير رب العالمين يسووويــه لج يارب
اللهم زوج بنات المسلمين من أزواج صالحيــن يارب .. اللهم آميــن[/GRADE]

(y)(y)

انصحك انك ماتتزوجين شخص له تجربه لأنك بنت مو مجبوره

والله المطلق كله عقد ويربيك يغلطات زوجته الأولى ويقارنك بها حتى لو بينه وبين نفسه

لون البشرة هذا ما شي يعيب شخص طالما انه هو انسان اخلاقة طيبة وحمييييييييييدة .... بس في شي مستحيل يتخبى ... ان هذا الرجال عندة طفل وعنده مرأة مرتبط فيها طووووووووووول عمره وهي ام ابنه ...

يعني اذا انتهت العلاقة اللي بينهم تمام ... لا بد تضل بعض المواضيع المشتركة وهي الطفل اللي بينهم لازم بيكون بينهم مواضيع مشتركة ( حطي هذا في راسك ) ..

ممكن يرجع مرته ( لا تصدقي ابدا مهما حلف لك ) ... ما تعرفي ايش ممكن يحصل ؟؟؟ مهما حصل يضل في نسبة لو 1 % انه يرجعها .. فكري كيف ممكن تتقبلي الامر ؟؟؟

ممكن مرته تعطيه الطفل لتتولي انتي تربيته .. لا تقولي ما ممكن ( كل شي ممكن ) ... كيف ممكن تتصرفي وقتها ؟؟؟

هذا زواج وزواج من رجل سبق له الزواج وفي طفل يربطه بهذا الزواج .. لازم تفكري في كل الجوانب وتحسبيها صح ..
اذا شوفتي ان ممكن تقدري تحلي كل الاشكالات هذي .. على بركة الله ونقووووووووول مبرووووووووووك !!

السلام عليكم

مو معناة انه مطلق يعني معقد انا متزوجه ريال مطلق من قبل ولا معقد ولاشي بالعكس بس اذا وافقتي لازم تكون في مشاكل في البدايه مع ام عياله لانها مثل ماذكرتي انها تبغي ترجع وانتي بحكمه وبتروي والعقل اقلبي الامور لصالحج لاتكبرين الامور واشتري راحة بالج اذا الريال معروف عنه بالاستقامه والاخلاق والطيبه توكلي على الله وانا يوم تزوجت كان االفرق 10 سنوات بس الحمدالله على كل حال مافي اختلاف لا بأفكار ولا عقد ومثلج ام عيال زوجي تبغي ترجع وبعد اربع سنوات طلاق تبغي وزوجي مايفكر لانه اكتفى من المشاكل وعنده منها 4 بس انا غلطت وكنت اكبر المسائل اذا تكلم معاها بخصوص الاولاد واعصب وكنت مفكره ان زواجنا فتره وبيرجع لام عياله وكان بينهم حب قبل الزواج لكن صارلنا 3سنوات وعندنا اطفال والحمدالله ومايفكر يرجعها ولا يسأل عنها واذا عياله ماتصلوا مايتصل علشان ماعصب والواحد اذا ذاق مشاكل من مرته الاوليه وطلقها مايحاول يشوف بثانيه الا كل خير ويحاول يتغير والله يهدي الجميع .....

اختي استخيري اكثر من مرة انا اعرف ناس استخارو عشرين مرة لحتى ربي وفقهم للقرار السليم ومثل ماقالو خواتي الله يكرمهم المشكلة مو البياض والسمار شو علاقة لون البشرة بالزوج الصالح ماني عارفه لاتزعلي مني بس الي قالولك لاترضين لانه اسمر هذول ناس سخيفه ومو لاقيين شغل المشكلة الاولى اختي لازم تتاكدين من دينه واخلاقه وكرمه ولازم تعرفين سبب الطلاق الحقيقي ومن ناس مالها مصلحه تمدحه واذا طلع من هالناحيه ما له ذنب مثل ماتقولين تبقى المشكلة الاكبر وهي الاولاد هذول مسؤوليه اختي رح تحاسبي عليها لازم تشوفين انتي قد هالمسؤوليه انك تكوني زوجة اب صالحه ولا لا ؟ موفقه اختي انصحك بكثرة الاستخارة والدعاء في الثلث الاخير من الليل... اللهم اقسم لاختي غيودة قطر الخير حيث كان ثم رضها به

الله يوفقك

الإستخارة بتبين كل شي

سواء يا أما الموضوع بيتسهل وترتبطي في هالإنسان

أو الله يبعده عند ....

تطمني حبيبتي

أدري تحسين ملخبطة ومو عارفة شو تقررين

انا لما انخطبت صليت استخارة وايد

ورديت بالموافقة ... رغم اني ما شفت رؤيا ... ولا كنت حاسة بشي معين تجاه الشخص

يعني عاااادي

بس قلت خلوه يتقدم واللي الله كاتبه بيصير

والحمدلله تملكت



عقبالك يا عسل

^_^

ما عارف شا قولج .. بس ماحبيت أطلع من الموضوع بدون ما أدعيلج يا بنت بلادي ..

الله يوفقج ان شاء الله و يسر لج الافضل لج ..

غيودة قطر

شوفي حبيبتي اول شي بالنسبة للون وغيره هذي تختلف من ناس لناس يعني في ناس
يتقبلون وناس لا .. اذا هلج من النوع اللي عادي عندهم فلا تفكرين بهالنقطه اما اذا هلج معارضين
انا ما نصح اي وحده تتزوج واهلها مب حابين .. هذا رايي

بالنسبة لانه مطلق وعنده عيال انا اعرف ناس وايد تزوجوا مطلقين وعندهم عيال وبالعكس مرتاحيين
وعيال الرجال مثل عيالهم واكثر ..

بس انتي توج صغيرة لا تستعيلين صلي واستخيري وسالي وبعدين قرري ..

أنتي أستخرتي وما حستي بشيء عادي هذا الشيء يصير لازم تستخيري بعد ومثل ما قالت الاخت دلوعة حناني اذا أمورج مشت بدون عراقيل يمكن يكون نصيبج مع هالشخص اللي متقدم لج والله أعلم ومسألة العيال ان شاء الله تكوني خير الام الثانية لهم و اللي تعوضهم بحنانها وعطفها عليهم ويكون احسانج وعطفج عليهم في ميزان أعمالج عند رب العالمين والله يوفقج ويسعدج

اختى الحبيبه
اهم شي تأخذين واحد انتى مقتنعه فيه يكون يناسبك لان انتى ادرى باللى يمشي معاك ولاتنسين الاستخاره والاستشاره
لكن من وجه نضرى انتى مو بالسن اللى وحده تضحى وتأخذ مطلق وعنده 2 لكن زى ماقلت انتى ادرى باللى يناسبك
والله يوفقك ين ماكنت ويرزق اخواتى والمسلمات الرجال الصالحين المصلحين