السمر والزواج

اختي هذي اراء الناس..والناس اذواق..فيه شباب كثير يحبون البنات السمر ويموتون على الشوكولا الاسمر ..
وشباب يموت على الجبنه البيضا ....اختي لاتحطي في بالك انه الشباب يموتون في البيضا وبس ..والله انه صديق زوجي مع انه حنطي لكنه كان يتمنى يرتبط ببنت سمرا..ومو سمرا فاتحه لا,,كان يبقاها زرقا والله تمم عليه ووفقه ببنت مثل ماتمنى...ويارب عقبالك ربي يرزقك بشاب يموت بسمارك ويعشقه ...

انا معاك اختي ميس اس

رغم ان ناااادر ماتشوفين الشاب يبحث عن سمرا

لا يا قلبي السمار عمره ما كان مشكلة.. يختي الناس الحين تتسدح بالساعات تحت الشمس عشان تسمر وانتي تقولين متعقده؟ خلي ثقتك بنفسك قوية. انا سمرا واحب لوني مره مع ان اخواتي كلهم بيض بس الجمال ماله علاقه بسمرا وبيضا وعموماً اللي مكتوب لك بيجيك لو انك في اخر الدنيا.
تحياتي حبيبتي

..وما من دابة الا على الله رزقها..
رزقك وحياتك مكتوبة لك يوم انك في بطن امك
وكل اسمر مملوح

نصيحه خليكى واثقة من نفسك وبجمالك

حبيبتي انتي لسه صغيرة ما تشغلي كتير بالك بلجيزةبعدين أنا بيضا وملانة من نفسي بعمل المستحيلات لشوي أسمر بروح الصالونات وبساوي خلطات لشوي لوني يغمق بعدين لاحظي بلمسلسلات شوفي للممثلات بيحرقو حالهم علبحر وبيصبغو ألوان غامقة هلأ زمن السمر الصراحة هذا رأيي وسبحان الله ماحدا عاجبو حالو

أنا بعد أيد البنات

خلج واثقه من نفسج

ماكو فرق بين البيضه و السمره

بسم الله الرحمن الرحيم

اللهم صل على محمد وآل محمد

اختي نصيحة لك اوثقي بحالك واحبي نفسك كما انتِ

عمره السمار ماكان عائق عن الزواج .. وعشان اطمنك اكثر .. صاحبتي سمراء وتوها هالاسبوع حفلتها

يعني الشي عادي جدا والشباب اذواق .. وبعضهم قنوعين يعني مايهمه لون البشرة

اصابعك مو سوا غناتي اطمني

والاخلاق فوق كل شي وكذلك الدين وبعدها يجي الجمال

قال علي بن ابي طالب :
إنما المكارم أخلاقٌ مطهـرةٌ ***الـدين أولها والعقل ثانيها
والعلم ثالثها والحلم رابعهــــا *** والجود خامسها والفضل سادسها

هذا الشي ماله خص بالزواج لانه نصيب


و ماله علاقه ابدا

السمر فيهم خفة دم ماشفتها عند البييض للعلم اني بيضاااء

صادقه يا أختي والله

فعلا انا معك بكل كلمه قلتيها

مع ان ما نعمم على الكل ولكن الاكثريه

خصتا بالخليج يفضل البيضاء على السمراء

وكأن البيضاء فيها مزايا اكثر من السمراء

فسبحان الله على تفكيرهم الحصري ..

بس حبيبتي لا تقعدين تفكرين بالسوالف هذي

وكل وحده رزقها عند الله بالزوج الصالح

ولو الله كاتب على الوحده تتزوج راح تتزوج

وان ما كتب لها الزواج وإن كانت ملكة جمال ما راح تتزوج

فكل شي بيد رب العالمين ..

وأنا اول وحده ارفع ايدي واقول اموت باللون الاسمر ههههه

واهم شي الاخلاق وش ينفع البياض من غير اخلاق

بس انا ما قلت ان البنات البيض ما عندهم اخلاق

لكن المقصد ان هل الشاب يفكر بأخلاق البنت قبل طلبه بأن تكون بيضه

اتمنى ان الشباب يتم اختيارهم للزوجه

على حسب اخلاقها وليس جمالها ولونها ..

بس بقول لك شي في مثل قديم ينطبق على موضوعك

يقولون حتى الحمار ابيض

وحتى الحصان عنده شعر

هذا المثل كان ينقال ليلي يطلبها بيضه وشعرها طويل

وكأن لو خذاها وهي شعرها قصير ما راح يطول للأبد

ولو خذاها بيضه راح تبيض له حياته ..

أجل لو عرفتي يا اختي ان اكثر شباب الخليج يطلبونها على مواصفات هيفاء وهبي وله نانسي وش بتسوين هههههههه

والله في حريم اعرفهم يطلبون هالمواصفات لأخوهم

وما يبي يتزوج الا هالنوعيه من الاشكال الغريبه العجيبه ..

يابويه صحيح في شباب مرضى بس مافي فرق وماله خص بالنصيب

ذكرتيني لما كنت بالجامعة لما ملجت وأنا شوي غامجة شاي حليب وأعتبر سمرا كل البنات السمر اللي أعرفهم ملجوا والله يمكن تقولين تبالغ بس ها الصج عاد ربيعاتنا البيض عازبات يقولن شو السالفة ذوق الشباب إستوى شوكلت ولا شو وعندج ناس نعرفهم بناتهم سمر وكل يوم تبارك الرحمن نسمع وحدة منهن خطبت عادي حبيبتي عادي وعندج طالبات عندي سمر بس لما يتعدلن إحن الحريم نناظرهن ولهن معجبات يعني إنتي بشر عادي مب كائن غريب وخليج من المرضى ولو السمر مب حلوين كان - إستغفرك اللهم- ما خلقهم ربي لأن ربنا خلق الإنسان في أحسن تقويم وأبهى صورة :) ها مايكفيج لتنظري لجمالج :)

على العكس إعتزي بجمالج البيض حلوين بس السمرات غير تلاقين الوحدة لما تتعدل وتهتم بعمرها عيون الناس عليها مادري بس شكلها يكون حلو ملفت غير البيضة
تعدلي وإهتمي بعمرج وإظهري للناس بأجمل حلتج وخلي الناس تشوفج يا الشوكلاته الحلوة :) :)
والنصيب بإيد الله مب بإييد الناس

ومين قالك ان السمر مايتزوجون انا اعرف وحده سمره وكاهي تزوجت

اذا على جمال في بنات جميلين ماشا الله بس مو مرتاحين مع ازواجهم ولاازواجهم مايحبونهم

وتشووفي بنات عاديه وزوجها يموووت فيها

صح كلامهم انازيك شوكولاتة سمراء وماتزوجت 20 سنة عمري

سبحان الله الناس اذواق وافكار
انا بيضه وربي اني اروح تحت الشمس ابي اصير سمرا
اموت بالسمار والمصيبه خطيبي بعد ابيض احمر
وربي ما استخدم الا كريمات برونز علشان اصير سمره ولو انا شاب ما بتزوج الا بنوته سمره
اعرفي قيمة جمالك ولاحظي الاجانب يدفعون فلوس علشان يكسبون البشره السمرا
تحياتي

صراحة أنا أشوف حولي قريباتي
صح في يتزوجون لكن مو الكل

والحمدلله أنا راضية بشكلي وربي موفقني بحياتي

بس أشوف أنه هالطريقة فيها ظلم للسمروات
والحمدلله على كل حااال


جزاكم الله خير خواتي

عاااااااااااااااااادي ياماما

في كثير سمر ومتزوجين وبيض ومتزوجين ونصهم جالسين

ترى الناس دحين ماسارو يدورو بيضه ولا سمرا لا يبغو الاخلاق

وماينفع الجمال والبياض في شي اذا كانت البنت قليلة ادب

اهم شي الاخلاااااااااااااااااااااااق هيا الي تحلي البنت

وبعدين مافي احد كامل الكامل الله وحدو وبس ترى كل بنت فيها شي وحش



عيون الفهد

[FRAME="13 70"]السلام عليكم ورحمة الله وبركاته

أختي اظـن انج تفكرين من منطلق ضيـق ... !! .. او من صوب عايلتكم بس مثلا !! ...

اخبر لما كنت في المدرسة ... كان في شلة بنـات ربع ... واهمه سمر ... والله اول ما كملنا

توجيهي كلهم ما شاء الله عليهم .. "الله يوفقهم" ...

يعني ماله خص سمرا بيضــا ... هــذا الأمر قسمــة ونصيــب .. [/FRAME]

الناس اذواق .. انا خطيبي لونه ابيض والخدود حمرااء ماطلب ولامواصفات بس قال لأختــه ابي وحدة لونها حنطي(قمحي) ماابي بيضا .. الزواج الغالية توفيق من الله وطلب الرجل للمرأة عشان لونها هذا ذوق شخصي .. وايد شباب يبون البيضا ما أنكر هالشي بس مو معناتها ان السمرا سوقها طايح .. لافديتج بعض السمر ملامحهم وربي أحلى من البيض .. مع أإحترامي للبيض طبــعاً والعكس صحيح ..
وهذا الشي يرجع للأول والأخير للذوووق

الله يوفقج يارب ويرزقج بالزوج الصالح وجميع بنات محمد

انا اعرف بنات سمرررر وخطوطهم حلووووووووووووووووووة وناعمة اكثر من البيض .. وهذا ماله علاقة .. خليج واثقة من نفسج ...