منسف اردني ولا اروع بلخطوات المفصلة والصور

مساء الخير خواتي كيفكم جبتلكم طبخة اردنية غنية عن التعريف وهي المنسف ومابتحتاج مقدمات نبدأ بسم الله:
2 كيلو لحم
4 كاسات رز مصري
2كيلو لبن رايب او حبة جميد وانا بلنسبة الي بفضل اني اطبخ بلبن واضيف معه جميد للنكهة يعني مش كله جميد وللمعلومة الاّن أصبح الجميد متوفر بلاسواق سائل ومعلب وبتالي لافي غلبة النقع ولا ياخد وقت متل( جميد الكسيح )
ورق غار و هيل حب و بصلة كبيرة
صنوبر او لوز وبقدونس مفروم للتزيين

ونبدأ بسم الله بلطريقة:
1- نسلق اللحم في قدر وبعد ان تبدأ الزفرة بلظهور على السطح نزيلها كااااااااااااااااملة وثم نضع البصلة كاملة والهيل يعني 10 او 12 حبة وكمن ورقة غار ونترك اللحم حتى يستوي
2-نفلفل الأرز عادي بلطريقة الي متعودين عليها واذا كنتي بتحبي يكون لونها اصفر شوي ضيفي القليل من الكركم
3-نبدأ بعمل اللبن (اذا استعملتي لبن رائب لابد من خفقه بلخلاط مع بيضة واحدة طبعا كل الكمية الموجوده ونفرغه بلقدر) ثم نضع عليه القليل من الكركم ونبدأ بلتحريك مع مراعاة انه لابد ان تستمري بلتحريك وبنفس الاتجاه حتى الغليان والا فقد يخرب معاكي اللبن طبعا اذا رغبتي بأضافة الجميد السائل فممكن خفقه مع اللبن بلخلاط من الاول و أذا كانت من الجميد الناشف (حجر الجميد) فيجب تكسيره ونقعه بماء ساخن قبل الطبخ بساعات ثم خفقه بلخلاط متل اللبن وطبخه
4-عند غليان اللبن نقوم بوضع اللحم المسلوق فوق اللبن وندعهم يطبخو سوا ويفضل اضافة كوب من مرق اللحم اللى اللبن ولكن بمقدار حتى لايصبح اللبن خفيف جدا ونتركهم على النار 10دقائق
5- الاّن منسفنا صار جاهز للسكب والتقديم نضع الارز وفوقه اللحم بلترتيب ثم يزين بلصنوبر المقلي والبقدونس ويشرب بلبن كلن حسب حاجته والصورة توضح طريقة التقديم
والف صحة وهنا على قلوبكم وياااااااااااااااااااااااسلام لو كان بجنبه مخللات وزيتون وبصل اخضر بيطلع تحفه