للمتشوقات للحمل ما هو احساسك فى الاسبوع السابق لميعاد الدورة و ما هى تجاربك

بالنسبة لي ياشانيل ابدأ افقد اعصابي وتبدأ تظهر علي العصبية ولما زوجي يقولي اذا طلعتي حامل هالشهر بسوي وبعمل اتضايق واقله سكر الموضوع الله يخليك واحيانا اجلس افكر لو طلعت حامل كيف ببشر زوجي وكيف ردة فعله وردة فعل اهلي بس اخاف من كثر ما اوصل للسماء اوقع على الأرض
ولما افكر انه ماراح اكون حامل عشان ما انصدم بالنتيجة بس اخاف انه يكون قنوط من رحمة رب العالمين وعدم ثقة ااااااااااااااااااه
يا اختي لاتشكيلي ابكيلك الله يرزقني ويرزق كل محروم بس ويعوض طول صبرنا وانتظارنا خييييييييييير

[FONT="Microsoft Sans Serif"] الحمد الله علي كل شي ... مشكورة اختي شانيل علي هذي الفضفضة الحلوة ..... انا مشكلتي عندي الدورة بدت تتلخبط اول ما عرست تكمل شهر اوشهرين تقريبا.... بس ما اقول ... الا الحمد الله ...
والله يوم تتاخر الدورة علي ايلس اقول في نفسي يمكن هالشهر حامل ... بس يوم افحص .. تطلع النتيجة سالبة ... واقول يمكن ما يبين الحين ... .... اه ه ه ه ه يوم تشرف علي الدورة اتضايج ... وانا كل املي اني اكون حامل هالشهر ... بس املي بالله كبير ... والحمد الله علي كل شي ....
[/FONT]

قريب الدورة احس بتوتر وابتدي الالحاح بالدعاء عشان ما تتاثر نفسيتي وايد

ومن تنزل احس روحي عادي لان زوجي ماشاء الله عليه مايرضى اتضايق من هالاشياء

بس اني من داخل احس بضيييييييييق وابي اصيح

بس الحمدلله على كل شي

اني متفائلة وايد بالنسبة للاشهر القادمة

وهذا الشهر اذا نزلت الدورة مابتفاجأ لان ايام التبيوض طافتني بسبب اشعة الصبغه

لكن الشهر الجاي ان شاء الله اكون حامل يارب

وافرح كل اللي يحبوني

انا باقيلي بالضبط اسبوع على موعد الدورة.. حاطة احتمال اني اكون حامل... وحتى زوجي
بس انا من شهرين وانا احاول ما اخلي زوجي يتأمل وايد... فكله اقوله اشكره الدورة بتييني... امس واليوم جسمي يعورني وخاصة ظهري... حتى لما انام احس بعوار... زوجي يقولي من شنو.. اقوله يمكن اعراض دورة... ان شاء الله ما يخيب املي.. بس الحمدلله مو وايد افكر بالموضوع.

[GLOW="FFFF00"] انا كل دوره اتفائل الدوره اللي بعدها اكون حامل بس لما تنزل اتضايق اول يوم لكن أملي بالله كبير بكره موعد عمليه اطفال الانابيب 0(سحب بويضات) وانا كلي امل علما انني سويتها وسقطت لكن الله كريم والغلط كله من الطبيب يوم جاني نزيف قال عادي وطبيعي ولا تروحين لمستشفى يلعب فيك ويوم سقطت قال انه ماقال هذا الكلام لكن ارجو منكم الدعاء لي ان يثبث لي الله لي الحمال[/GLOW]:sad:

الله يوفقج يا ام بنت ... ويرزج الذرية الصالحة

يسلمووو يا شانيل على هالموضوع لان اغلب البنات يمرون بنفسيه واعصاب تعبانه ..
انا كل شهر اقعد على اعصابي ونفسيتي زفت وخاصه الشهر اللي فات يوم اللي انزلت فيه الدورة قمت ابجي طول اليوم حتى ام زوجي بس سألتني شفيج قمت ابجي مو مستحمله بالمرة ومو قادرة امسك نفسي هههه والله اضحك على حالي اليوم والشهر هذا قلت ماراح اكرر هالشغله وبخليها على الله وبتوكل على الرحمن الرحيم اللي اكيد ماراح يخيبني انشاء الله اذا مو هالشهر اللي بعد او اللي بعد بعده ومشاء الله باقي على دورتي يومين ولا احس بأي اعراض لا حمل ولا دورة عكس كل شهر احس بأعراض الحمل كامله ..
واكتشفت ان هالاحااسيس كلها بسبب النفسيه ..

اللحين يجي احساس بخوف اني مااكون حامل واحساس ثاني يقول اصبري يمكن في حمل ماتدرين والله كريم

انشاء الله خلال هالاسبوع اذا ما نزلت بحلل والله كريم

اللهم ارزق اختي000زوجه المهندس000
اللهم ارزق اختي000ورد جوري000
اللهم ارزق اختي000ام بنت000
اللهم ارزق اختي000شمس31116

انا الشهر اللي طاف كنت متحمسه وااايد


ابي احمل خاطري يكون عندي بيبي بنات عمي عرسن بنفس وقت عرسي وحملن الا انا

اتاخرت الدوره خمس ايام وكنت فرحاانه لانها اول مره تتاخر من عرست ويوم حللت طلع سلبي

والله انصدمت ويلست اصيح طول اليوم

الحمد لله رب العالمين
انا كل شهر هاذي حالتي
اصياح اذا نزلت الدوره
والله الواحد مايقدر ايقول الا الحمد لله
انا كل شهر اقول الي بعده
والحين احنا صابرين
والله يفرجها علي وعليكم
الحين انا متاخره عليي الدوره 4 ايام وماني حاسه بشي ولله الحمد
بس ماابغا احط امل مثل كل مره
اقول على الله
واليوم نزل مني بني وبعدين راح
قلت اكيد هادي الحلوه تدلع عليي
بنصبر كم يوم واذا ماجت بنروح انحلل
وانشاء الله ماتصير خيبه امل زي كل مره
الله كريم
يارب ترزقنا ولاتحرمنا
ياااااااااااااااااااااااااااااااااااااااارب العالمين

انا الصراحة ما اعرف كيف يكون احساسي ودايما اقعد اضحك واحس اني خبلة لاني اصلا ما اعرف متى تييني الدورة واعطي نفسي امل من لاشيء وبعدين ازعل واصيح يوم تنزل وريلي يتلعوز وياي احس احيانا اني اظلمة يوم يقولي ربيعي فلان حرمته حملت انقههههههههههههههر من الغيرة (حريم) بس والله افرحلهم وعقب اقول الحمد لله والله يصبرني انا احين صارلي 37 يوم على اخر دورة وحللت البارحة ماشي حمل ونفسيتي صح تعبانة بس كلة اقول الحمد لله وان الله قادر على كل شي وانه الرحمن الرحيم ويمكن اكون حامل

ارجووووووووووووووووكم ادعولي عسب افرح ريلي واهلي:)

انا الحمد الله بس اول ماتنزل اتضايق

بعدين خلاص ابتدي احط امل في الشهر اللي بعده

ورغم ان هالمرة قبل اسبوع من الدورة حللت دم لاني ناويه اسافر

والشي الغريييب ان طلعت في نسبه حمل ومادري شعوري كان وقتها مختلط

بين الفرح والخوف من نزولها


والبارح نزل بس لونه بني وللحين قليل

مادري شنو السالفه

بصبر لين العصر اذا ماتغير شي بروح لدكتورة استفسر منها

اول مانزلت البارحه تضاااااااااااااايقت مو عشان

الحمل لان عندي امل كبير

بس عشان السفرة تكنسلت

والله كريم

الله يعوض صبرنا ويرزقنا جميعا بالذريه في القريب العاجل

انا من قبل لاتنزل بسبوع ... اصير عصبية .. واقل حاجه تزعلني .. احاول ابعد تفكيري عن الحمل باي شي
واصير ماحب اشوف احد

واول يوم من نزولها اتضايق .. وبعدها تتبدل شخصيتي .. واصير مرحه .. ولا كأن فيي شي ههه

اهم شي اني مقتنعه ان تأخري في الحمل اكيد لسبب في صالحي لا يعلمه الا الله .. لكذا مااتضايق كثير


الله يرزقنا جميعا الذرية الصالحة يااارب

اه لا تقلبي المواجع هذا الشهر تعبت من جد لان الدوره تاخرت علي الدوره 13 يوم وفرحنا انا وزوجي وبدات اخطط كيف ابشر امي والناس واش اا اسميه واه ونزلت الدوره والحمد لله

اللهم ارزق اختي 000روحي حمود000
اللهم ارزق اختي000نفسي الحلم يتحقق000
اللهم ارزق اختي000موظي000
اللهم ارزق اختي000وحي الفيروز000
اللهم ارزق اختي000الخدود الحمرا000
اللهم ارزق اختي000نواره الحياه0002

اما انا يابنات متاخرة الدورة علي يومين يارب ما اشوفها الا بانفاس قولو امين ومابي احلل علما املي بالله كبير اذا مو هالشهر الشهر الي بعده بس سبحان الله الانسان دايم عجول الغريب في الامر اني مو حاسه باعراض الدورة مدري احلل يابنات والا انتظر علما دورتي لها 4 شهور تتاخر من 5 ل 10 ايام وقالوا لي هرمون الحليب مرتفع وبديت علاج من الشهر اللي فات يارب ياكريم تبشرني وتبشر اخواتي المسلمات بهالمنتدى يالله يارحيم

صراحة جبتيها على الجرح بالنسبة لي اكون متوترة حييييل وخايفة اجلس ادعي يارب انها ماتجيني واذاجت عادي اقول الحمد الله ان شاء الله الشهر الجاي

اللهم ارزق اختي000ام زيودي000
اللهم ارزق اختي000كلي تواضع**000

اشكرك أختي ورد الجوري والاخت شانيل والله يرزق الجميع