أدخلوا لو سمحتوا ..........ها شو بغيت مساعدة

انتبهي يأختي على عيالك ياما أطفال ضاعو هناك وانخطفو بس أحب انصحك ان كل ولحد يمسك اقصد يتجود بعيل ولا تفلتونهم ولا لحظه مع الزحمه ... انا و لا مره اخدت اعيالي بس اشوف الناس هناك بعض الرجال ما يتركون عيالهم والاب يحط ولده فوق اكتوفه يعني يشيله على ظهره والله يتمم عليكم وتاصلون سالمين

كما قالت أختي م.نورة جزاها الله خيرا
كوني صبورة ومتنبهة لزوجك وأطفالك
أسأل الله العلي العظيم أن يجعلها عمرة مقبولة

أختي أنا ماأنصحك تأخذينهم معاك

أول شي أنتي تبغين تتفرغين للعباده والدعاء

وإلا تبغين المطارده والهم والمراقبه

الأحسن صرفيهم عند أي وحده تعرفينها


لأني مجربه الحاله وتبت بعدها

تقبلي مرور ي

مشكورات أخواتي على المرور بس مثل ما قلت ما أقدر اخليهم أبوهم ما يهون عليه يسافر ويخليهم على العموم الله يعين ومشكورين حبايبي

ينقل إلى ركن قضايا و حلول

عزيزتي أنا صارت معاي مرة من زمان بس كان ترتيبي كالاتي

الرضيع بحماله اللي تنباع في محلات الاطفال وتتعلق على كتف ورقبة الام وبصراحة هي كثير آمنه ومريحه حطيت فيها ابني كان عمره شهرين ....

طفلي اللي عمرة 3 سنوات ربطته بيد ابوه ( في ربطة مثل السير تربطيها بيد مثلا الاب والجهة الثانية بيد الطفل ) عسب لا يضيع طبعا ابوه كان مش مأمن بالسير فكان ماسكه بيده وبعد مستخدم السير كأحتياط وهذه السير بعد ينباع على ما أظن انا اشتريته من مذركير طبعا هذا الكلام من 5 سنوات

وعلى فكرة اذا ابنك اللي عمره سنه وثلاثة اشهر حبته صغيرة اشتريلة حماله وخلي ابوه يلبسها ويحطه داخلها تكوني انتي مطمنه على الاثنين ... او اسألي يمكن يكون فيه حمالات في مذركير أو BHS لعمر السنه وفوق ترى والله العظيم مريحة جدا جدا جدا وآمنه بس هااااااااا اوصيك اذا خذيتيها انتبهي على وضعية العيال تكون مريحة خاصة الرضيع لانه لما بتحمليه راح يكون وجهه على صدرك فنتبهي عليه وشوفيه كل شوي ليكون مختنق أو شي

انا نفعتني بصراحة بالحرم وكنت مطمنه عليه 100 % محد راح يدير باله عليه مثلي لما يكون بحضني ...

وهذي صورة لحملات الاطفال شوفيها


http://www.3roos.com/uploaded2008/11599/11218404052.jpg


الله يييسر عليج يا رب ودائما ادعي الله بأحب الاسماء اليه مثل يا ميسر يسر ... وان شاء الله راح يتيسر امركم

تقدرين تاخذين واحد من اليهال والثاني اتخلينه

عشان تقدرين تنتبهين عليهم

بقولج كيف تسوين رحت مع اختي العمرة ومعاها بنتها 5 شهور كانت تصلي برع في الحرم ترضع بنتها وتغير حفاظها قبل الصلاة تخليها بالعربانه حقتها وتخليها قدامها وتحط لعبة في عربة بنتها وكانت تصلي وماتخلي بنتها عند اي احد وولدج ربطي اي قطع برجلة وولفيها بيدج او انج تصلين قريب من فندق ابراج المروة خلي عيال بالعربة وصلي والفجر خليهم نايمين وصكرةي الباب وصلي من قريب الفندق لاتروحين داخل الحرم واحرزي اعيالج بذكرى الله وتكفين ادعيلي احمل هالشهر قريب غير بعيد
نورة

انا سعوديه وحاجه مره
وربي ما ينفع تأخذي الاولاد
بيكون اثناء الطواف عصره شديده وفي ناس تموت حتى من شدة الزحمه وفي بعض الناس استغفر الله
ما يحسون يدوسون على اى شي قدامهم وما يهمهم طفل وله عجوز او اى شخص
انا وحده فلعوني اثناء رمي الجمرات وبغت تروح عيني
حاولي تشوفي احد يمسكهم ويكونوا بأمان.وبعدين في ملاحظه مستحيل بتركزين وتتمتعين بالعمره وانتي مهتمه بالاطفال حرام يروح مجهودك هدر وتندمين بعدين وتقولين ما تعمرت عدل
تحياتي

هلا صلوحة اشحالج .........نصحية مني لج لا تاخذين اعيالج.....لان الحرم هاي السنه مسوين له توسعات يعني تحت الانشاء والممرات الضيقة ...والناس ماشاء الله وايد...يعني لو وديتي اعيالج وبذات الرضيع مابيقدر يتنفس نحن اكبار ويالله اروم نتنفس من كثر العالم...
في حل اخذي اخت ريلج معاج وانتى زوجج رحوا اعتمروا ....واخت ريلج بتكون مع الاطفال في الفندق.وعقب من اتخلصون ريلج اروح مع اخته تعتمر.......شوووووووووووووورايج

مرحبا خيتي..
والله روحة العيال معك بيتعبك وانا اختك من جد وخاصة برمضان ترا الزحمه هناك كانها حج خصوصا هذي السنوات لااله الا الله زحمممه شي مهوووول ..لكن اذا بقولك اذا زوجك عيا يسافر بدونهم فانا اقولك ياليتك تودي الخادمة معك اذا عندك خادمة وبوقت الصلوات والعمرة تخلينها معهم بالفندق واذا ماتقدر عليهم ثنينهم خذي معك واحد منهم ..لكن صدقيني ماراح تتلذذي بالعبادة سبحان الله مهما كان راح يشغلوك..واذا مافي مجال تودي الخدامة يبيلك البيبي ام الشهور تخليها معك وبحظنك ..وولدك الله يحفظه مع ابوه حتى يقدر عليه لانه على قولك بدا يمشي وماراح تقدري تطوردين وراه والله..الله يحفظ لك عيالك
الله يكتب لك اللي فيه الخير ويتمم عمرتك وتكتب لي عمره برمضان يارب
تحياتي لك

السلام عليكم ورحمه الله وبركاته ..

اختي ... ليش تعذبين عيالج .. عشان ان ما عندك احد يمسكهم .. قالتها لك اختي دلوعه حناني ..

ما ينفع تاخذيهم ,, تمرمطيهم .. معاك .. خلاص اختي عمرتك مكتوبه لك ان شاء الله دامك ناويه .. عندك احد يمسك اطفالك . كان بها ما عندك .. بيتك ابرك لك اختي ....

انا رحت ,, هناك وشفت كيف يتعذبون الاطفال .. ويبكون .. ويصيحون .. والام .. قاعده تقرى قرأن وتدعي .. ,ولا على بالها ولدها الي مات من الملل والصياح ,,,, ليش .. تربيه الاولاد.. ورعايتهم اكبر عباده..

ربك ما قال اقتلو نفسكم .. ان مع العسر يسرا .. اختي .. خلاص خليها لين الله يفرجها لك .. من يومين حاطين بالجريده اختطاف طفله .. من أهلها من الافريقين بالحرم . .. وعيالك كيف بتتعبدين اصلا ,, وانتو بتكوني مشغوله البال عليهم . لا تقولي زوجي بيمسكهم معاي .

صعب صعب صعب .. لان اصلا ما يصير زوجك يتواجد بنفس المكان الي أنتي فيه .. اذا كنتي بقسم النساء . ..

اختي شوفي احد يمسك اطفالك ,, واذا مافي خلي زوجك يعتمر لحاله .. وعمرتك مكتوبه عند رب العالمين .. لا تظلمي عيالك .. ارجوك ..

ام جنى

اختيييي
انا بعد افضل انج تتركينهم عند حد من الاهل 00
على اساس تاخذين راحتج في العمره
اللله يجعلها عمره مقبوله00
اختي ادعيلي الله يحقق اللي في بالي00

مشكورين حبايبي على المرور الصراحة فدتوني كثير الله يحقق لكل وحدة مطلبها واللي ما اتزوجت تتزوج والي ما احملت تحمل والي حامل تربي بالسلامة والمتزوجة الله يهدي زوجها وعيالهم

عزيزتي تحملي اتشلين عيالج معاج والله بيتبهدلوووووووووووووووووووووووووووووون واااااايد شفت يهال اتبهدلو هناك دخيييييييييييييييييييييلج خليهم يغمضوون إذا ماترومين تصبرين عليهم فأفضلج تقعدين ولاتروحين