تبين تسوين مسقعة ؟!! تعالي اقولج شلون !!

السلام عليكم ورحمة الله وبركاته ..
مرحبا صبــايا ...
اليوم جبت لكم طريقة عمل المسقعــة بالصور وخطوة بخطــوة ... وراح اضيف بعض
الملاحظــات بلون آخر عشان تميزون ... الاشياء مثلا لو سويت كذا كان احسن ووو ... عشان تسوون انتوا الافضل باذن الله ..




اول شي طبعا نجهز المقادير ... انا راح اتكلم عن اللي سويته واستخدمـته .. وانتي تقدرين تضيفين وتزيدين على راحتــج ...

1- 2 ونص باذنجــان كبير مقطــع الى دوائــر .. حلقــات



2- بقدونـس
3- طمــاطم
فصين ثــوم




هذي الخضرا لما تم تقطيعهــا ... طبعا لازم تقطعين البصل صغيييييييير جدا ... او تفرمينه
ونفس الشي بالنسبة للطماط والثوم والبقدونس ...



4- لحم مفروم
5- طحين
6- حليب
7- ملح
8- بيضة
9- جبن موتزارلا




قلي الباذنجــان

بعد ما قليت الباذنجــان .. جبت صحن وحطيت في كلينكس تبع المطبـخ .. وجففت الزيت منـه
طبعا ما يروح 100% لكن يروح جزء كبير منه ... وهني احتجت كمية كبيرة .. تقريبا خلصت الروول ..

هذا في قلي الباذنجان


صورة الصحن اللي فيه الكلينكس ..


صورة الباذنجان وانا اجففه من الزيت ..





اللحم المفروم

أول شي ... انا استخدمـت لحم بقر ... بس لو كان لحم غنــم كان بيكون احسن ..!! ... وانتي وذوقج طبعا ...
اللحم المفروم نطلعه من الفريزر ... نخليه لي يذووب الثلج منـه ....
1- نحط البصل في الجدر المراد عمل الحمسة فيه ....
2- بعدين نضيف البهارات ...
3- وكذلك نضيف الثوم ..
4- عقب هالحمسـة نحط اللحم المفروم ...
5- ويستمر التقليب لين تتخلط المكونات عندنا ..
6- بعدها نضيف الطماط والبقدونس ....
ويستمر التقليب .. ونغلق الجدر الى ان يستوي اللحم المفروم ..

اللحم المفروم


البصل لما بديت الحمسة


وهني لما حطيت البهارات عالبصل ..


هني بعد اضافة الثوم والماجي ...


بعدين أضفت اللحم المفروم عالحمسة


صورة اخرى بعد التقليب ..


اللحم المفروم بعد اضافــة البقدونس.


هنــا بعد اضافــة الطماطك





عمل الباشميل ..

المقادير اللي نحتـاجها ...
ملعقتين طعام طحين ..
كوبين حليب ..
شوية زبده ..
ماجي ... او ملح + فلفل أسود




اخذت المقادير وحطيتها عالنار على جـدر .. وقعت اخلط .... لين تكون المقدار عندي بشكل كثيف نوعا ما ..




اذا كنتي تبين تسوين الخليط سميك .. زيدي الطحين ..
اذا أردتي انج تقللين سمك الخليط .. او الباشميل .. يعني تخففينه فزيدي الحليب ...




الحين ترتيب الطبق في البايركس ..


أول شي حطيت الباذنجــان في الطبق اللي عندي ...




ثاني شي طبقة اللحم المفروم اللي سوينـاه




بعدين كررت الطبقــات .... يعني طبقتين من الباذنجان وطبقتين من اللحم المفروم

بعد ذلك .. أضف جبن الموتزاريلا + الباشميل + البيضة بعد خفقها من أعلى طبعا ...
الباشميل انا حطيت كمية بسيطه جدا لان الوالد ما يحبها ...

والجبن كثرت منـه ... بس راح يكون احلى لو كـان اقل !! ..



وهذي الصورة في الأخير ...





وسلامتكم ...
فتاة الخليج