دورولي حل الله يخليكم

نفسي بالضبببط

داايما افكر بالزووج

يالله ياااااااارب انك تتزوجين وزوجك نفس المواصفات الي تبينها فيه ويرزقج الله بالذريه الصالحه

وان شا الله جميييييع البنات يتزوجون بانفس المواصفات الي يبونها في الزوج والذريه الصالحه

يا بنات بعدكم صغار...اشتغلوا على نفسكم وادخلوا دورات تحفيظ قرآن...او دورات تعليمية ..اشغلوا نفسكم بشي نافع لحدما يجي النصيب والزوج الصالح ..واكثروا من ذكر الله والاستغفار..والله يرزقكم بالازواج الصالحين..اهم شي لا تظلوا توسوسوا برزق ربكم كاتبه وميسره باذنه تعالى...الله يسعدكم ويوفقكم..

حبيبتي انا ما اشجع الزواج في سن مبكرة لان انا تزوجت17 والحمدلله زوجي انسان صالح بس تتواجه مع مشاكل يبغالها حكمة ومراة ناضجة انا بقول ان الزواج يكون من سن20فما فوق لان الزواج مسؤلية كبيرة

الله يرزقك
والله يرزق جميع بنات حوا ازواج صالحين ..

مرحبااا يا حلوواات

بصرااحه ما انصحكم الزواج بهالسن ابد
على الاقل لحد ما تخلصوا الثانويه

الزوااج مسؤوليه
صدق فيهااا ستر للبنت

لكن انتو بعدكم صغاار استانسوا بحيااتكم لان صدقووني لو صاار النصيب الحين وتزوجتوا بهالسن الصغير راح تحنوون لاياام القعده في بيت الواالد بين امج وابووج
تدلعوا يا بناات

ومن حكم الا اشووفه معضم البناات الي اعرفهم تزوجوا من ايام الثاانويه ندماانين لانه عندهم عياال ولا يقدرون يكملون دراستهم ولا يقدروون يشتغلوون


والله يوفقكم يا الغااليات

والله اغلب البنات نفس التفكير سبحان الله .

يمكن من كثرة الفتن اللي نشوفها بالتلفزيون والنت وعلى ارض الواقع
.. الرسول صلى الله عليه وسلم يقول ::
( يا معشر الشباب من استطاع منكم الباءة فليتزوج، فإنه أغض للبصر وأحصن للفرج،
ومن لم يستطع فعليه بالصوم فإنه له وجاء ) .

طبعا بما انه البنت ماتقدر تخطب لنفسها .. الصيام هو الحل بإذن الله ..

اسأل الله ان يكرمني واياكن بازواج صالحين ..

الله يرزقنا ان شاء الله بالازواج الصالحين ..

استغفري .. قال الله تعالى : (( فقلت استغفروا ربكم إنه كان غفاراً () يرسل السماء عليكم مدراراً () ويمددكم بأموال وبنين ويجعل لكم جنات ويجعل لكم أنهاراً ))

وادعي ..

اختي انت لسه صغيرة 16 سنة يعني مراهقة!!! لا تستعجلي على الزواج بكرا تتزوجي وتقولي ياريتني مااتزوجت
انت بتفكري ان الزواج فستان ابيض وعرس ومعازيم وبيت لوحدك وشهر عسل و و و بس نسيتي ان الزواج مسؤولية وبيت وزوج واطفال و مشاكل , لاتغرك المظاهر عزيزتي انت لسه صغيرة اللي قدك لسه بيلعبو وبيطلعو وبيعيشو حياتهم , عيشي هالفترة الحلوة من عمرك لانها مابتتعوض بكرا تكبري وتتزوجي وتجيبي اولادك وتكون حياتك كلها مشاغل ومسؤوليات , استغلي هالفترة وعيشي سنك بدري كتير عليك الزواج وهالحياة الصعبة وكل شيء فوقتو حلو

ويييييييييييييييه

انتي عمرج 16 وتفكرين بالزواج و تحاتينه

شنقول احنا عيل

حبيبتي فكري بدراستج انفع لج ما تقرين البلاوي اللي قاعده تصير مع المتزوجات

لا تتوقعين ان الرياييل توب و انهم بيعيشونج ملكه؟؟

لا حبيبتي الريال شقى الله يعينا عليه

حبيبتي اخذي شهادتج اول وعقب فكري بالزواج

لا تحاتينه وايد

اذا لج نصيب بتاخذينه

احنا اللي بعمر 16 عندنا ياهل توها ما تعرف شي

اصلا ماتفكر بشي اسمه زواج

البنات عطوووج الراي السليم

وانتي عيشي حياتج لان بعدج صغنووونه

والله يوفقج

شوفي حبيبتي اللي كاتبة الله يصير انشالله وهذا اسمه نصيب
وانتي توج صغيرة والعمر جدامج وفكري بدراستك
والله يوفقج ويرزقج بالزوج الصالح

حبيبتي
حقك بهالعمر واصغر بعد تفكري بالزواج
وعادي جدا
بس سواء انتي كبيره او صغيره ترى الزواج والنصيب بيد رب العالمين
يعني حالك من حال الكبيره
وزواجك بيد الله وحده
اكثري من الاستغفار واشغلي نفسك بأشياء مفيده مع الدعاء بكل صلاه ان يرزقك الله الزوج الصالح
تحياتي

وهـ بس فديتك انا

والله حاااسه فيك

الله يرزقج بالزوج الصالح
استانسي بحياتج توج ينوتة صغيرة

ههههههههههههههههههههههه حليلج

يا ريت كنت أفكر شراتج بالزواج بها العمر ... كنت طفلة بعمرج ههههههههه ألعب..وهذا هو سبب تأخر زواجي..لأني لين عمر 20 كنت أعتبر نفسي طفلة . هههههههههههههههههههههههه
بس أحسن إنج إتفكرين ألحين .. تدرين ليش .. عشان يوم إييج النصيب سواء ألحين أو عقب سنتين ع طول إتوافقين ما إتسويين شراتي وإتقولين لا أنا بعدني ..













































أسولف وابتسم واضحك وأنا أتألم. أجامل والأسى يطحن بوجدي. أبي يد أصافحها.أبي شخص يلملمني من أحزاني.أبي أنسى وينساني التعب والهم . قبل لا ينتهي عمري وأنا أعاني

من حقك تفكري في الزواج و أنت لست صغيرة ان كنت تعين ما معنى كلمة (( زواج )) مع مراعاة ..

أن لا يؤثر هذا الأمر عليك و على حياتك و دراستك و صحتك الجسدية و النفسية .. و لا يستحوذ على كل اهتمامك ..

أن تتيقني أن كل شي محكوم بقدر ..

أن لا يدفعك هذا التفكير الى سلوك مسالك ملتوية .. و يبرر لك علاقات محرمة

انتبهي على نفسك أختي ..

خلصي الثانويه أول اختي .. وبعدين فكري فالموضوع هذا .. واشغلي نفسك باشياء اكثر أهميه !!

انا احيانا من كثر ما اشوف المشاكل بركن قضايا .. اقول يمكن البنات .. تنجف عن الزواج .. مب العكس !!

الله يسر لج امورج امين

ام جنى

فديتج والله

اخذي هاذي النصيحه من اختج .....

انا بهل عمر كنت افكر بصداقاتي بالقعدات الحلوه والاستمتاع بحنان امي وابوووي الله يخليهم لي عمري مافكرت

بالزواج .... لين صار عمري 21 وليش بعد ؟؟ لانه رفيجاتي الي دايم 24 ساعه معاهم تزوجو قمت اهنيه افكر

بجديه لانه طبيعي هاذا سن زواج ؟؟؟

وتميت افكر بالزواج بصوره متقطعه اقول متى بيني نصيبي؟؟؟؟ وينه فارس احلامي ورد انشغل بدنيااي

لين وصل عمري 24 صررررررررت افكر بالزواج ليل ونهاااااار لانه صديقاتي صاار عندهم اعيال الله يخليهم لهم

يااارب ... فكنت تخنقني العبره ودعي من كل قلبي الله يرزقني الزوج الصالح والحين عمري 25 واحس اني

منهاره من داخل بسس جدام الناس مبينه العكس لاكن في الحقيقه انا مكسوووره لانه على كثر مانخطب

سبحان الله مالي نصيب ؟؟؟؟


كل هل كلام مفاده شنوو؟؟؟

انج اذا من الحين وعمرج 16 وصلتي لمرحله التفكير فيه ليل ونهاااار لين صار عمرج 25 وماياج نصيبج شبسوين

عيل ؟؟ (( انشالله يرزقج الزوج الصالح عاجلا ليس اجلا)) انا معاج مغريات الدنيا صارت تخلي الواحد غصب يفكر

بالزواج والستر وهاي تفكير صحيح بس صدقيني لو فكرتي فيه من الحين بتهدمين حياتج بيدج لانه نصيب مهما

سويتي ممكن ايج وعمرج 30 يعني عقب 15 سنه بتمين 15 سنه اتفكرين في الزواج ؟؟؟؟؟؟؟؟؟؟؟

عيشي دنياج وخذيها مني لاتهدمين حيااتج انتي للحين حتى وماصلتي سن الزواااج

والله يرزقج بالزوج الصالح يارب

كلامكم ع راسي والله يالعرايس وانا مشكلتي يعني الاغلب الي قال بعدج صغيرة وهالسن لللعب هذا مب عندنا نحن لأن الخليجيين تقريبا يتزوجون ومن هم صغار عكس الدول العربية يعني الدول العربية مايتزوجون وهم صغار يتزوجون يوم يخلصون دراستهم ع العموم تسلمون وربي ع الدوعوات الحلوة منكم وع النصايح الصراحة كلامكم عسل وربي والله يرزق كل الي ماتزوجت رجل صالح والله يرزق المتزوجة محبة زوجها والذرية الصالحة