كل وحدة تقول كيف حركة البيبي وشنو جنسه

اختي طبعا الحركة مو دليل قاطع على جنس البيبي !

لكن بقولك تجربتي .. ولدي كانت حركته كثيرة و الاحظها بالجهة اليمنى من البطن .. يعني على طول متركز باليمين

و يقال ان الذكر يختار مكانه على اليمين و البنت على اليسار !

مشكورة خيووو على الرد والمشاركة

والكل يعرف أن دا مب دليل واضح على الجنس البيبي

بس ألي مستغربة منه وأبي أتأكد منه أن في حملي تحرك البيبي في نص الشهر الرابع وفي بداية الخامس أن البيبي قاعد يتجمع في منطقة أسفل السرة دا مب حملي الأول ولكن الثاني بس سبحان الله لدي الدرجة وبدي السرعة بدا البيبي يجمع

أنشاء الله في أحد صار له مثل ما صار لييي

والحمد لله على كل شيء

يؤيؤ مافي رد

,,,,,,,,,,,,,,,,,,,,,,,,,,,,,,,,,,,,,,

اني في بنتي بدأت تتحرك بداية الخامس احس زي الغازات في بطني او زي النمله تمشي علي ...
بس الحين تقريبا من بداية الرابع احس بالحركه
والحين في بداية الخامس احس عدل بالحركه والرجايل بجهة اليسار الي احس بالحركه كانه يرفس
....
امممم وبس تقريبا

ما حددوا لج خيوو شنو جنس البيبي ؟؟

يالله منكم نستفيد

والله يتملل لج ولجميع الحوامل حملهم ,,,,,,

انا هذا حملي الاول,, وللحين ماولدت مطوفة موعدي من خمس ايام ,, خخخخخخخخخخخ :(

المهم عن تجربتي,, انا حامل بولد والحركة ماشاء الله احسها قوية ,, من صوب اليمين اكثر شي,, وبلشت احس فيها من اول الخامس,,
وربنا يتمم على الكل بالخير,,

ادعولي ربنا يسهل علي واولد طبيعي قريب ,, ومايسويلي قيصرية ,,

انه البيبي يتحرك قليل و دايما يكون في جهه معين جهه اليمين
و يعني حركته تكثر فالليل يعني لما اكون صاحيه مافي حركه و لما بنام تزيد الحركه بس شعووور وايد وايد حلووو
و الحين دخلت الشهر السادس بس ماعرف شنو جنسه

بنت الرافدين

الله يتممم حملج
بس يعني ما تحسين حركة البيبي غير عن بنتج أو حملك الأول ؟؟
على العمووم خلاص ما بقى شيء ونعرف شنو فيج

لؤلؤة البحرين
هلا ببت ديرتنا والله يتمم لج على خير ، أكيد الحين أنتين مشتاقة تعرفين شنو جنسه صح مثل حالي وقت رحت مركز الشفاء قلت خلاص بينزال الهم والتفكير لكن الله ما أرد لأن طلع ألي بيفحصني رجال من كدا زوجي ما رضى ولسى الهم موجود


والله يتمم لجميع الحوامل ويثبت حملكم أن شاء الله

انا حامل بنهاية الشهر الخامس وحركة البيبي في جهتي اليسار تقريبا بس خفيفه

والدكتورة حكتلي بنوته

الأخت روح الكرك

والله شوقتوني أعرف شنوو فيني ههههههه لأن آنا يتحرك باليمين واليوم تحرك باليسار بس الأغلب كلا باليمين وهم الحركة جدا قوية

بس تعرفين خيووو الحمل يختلف من كل حامل
والله يسهل على الجميع ويعطينا الذرية الصالحة بحق محمد وأهل بيته الطيبين الطاهرين

آمين يا رب العالمين

هلا
أنا بالشهر الثامن وحركة البيبي من جهة اليمين ..وجنس المولود ولد..والله العالم ...والله يقومنا بالسلامة جميعا

هلا خيووو المكتبة الرقمية

الله يثبت حملج أنشاء الله وتجيبين ولدج سالم معافاة
يعني من قراتي للمواضيع أكيد الولد في جهة اليمين ؟

بس أفحص راح أخبركم

تحياتي ,,,,,

يووووه والله شككتوني أني حامل بنهاية الثامن ومن البداية إلى الآن و حركة الجنين دائماً باليمين
قالوا لي بنت و انا بالخامس لكني شاكة أنه ولد و بعد أخذت أشعة قبل اسبوع تقريبا وقالوا الاغلب أنها بنوتة
بــــــــــــس تخيلوا أجيب ولد!!! كل الأغراض إللي شريتها وردي!!
يالله المهم أولد بالسلامة و البيبي بصحة و عافية....ادعو لي أوصل لشهري لأن جاني طلق قبل 10 أيام ودخلت المستشفى عن ولادة بس ببركات أهل البيت عليهم السلام انتهى كل شئ على خير و أني ألحين ببيت أهلي
و حركتي جداً قليلة أبغى على الأقل أكمل الثامن

عذراً طولت السالفة عليكم...دعواتكم

حبايبي من خبرتي في البنات الحركة كأنها دودية وفعلا تتركز أكثر الحركة في جهة اليسار...إما الولد تكون الحركة مثل النبظ من الثالث او الرابع خفيفة وتزيد في الخامس وأكثر الحركة في الشهر الخامس قوية وتتركز في الوسط تحت السر وتحسين البيبي اسفل المنطقة ..............والله يهون على الجميع وييسر لكم الولادة

ترا الحركة مو دليل على جنس البيبي ة هذا كلام حريم اول

انا كانت الحركة ماشاء الله من 3 اشهر و نص حسيت بالبحركة و كانت واضحة
و اعتقدت ان ولد بس طلعت هذي بنتي

و على فكرة انا ما اؤمن بمثل هالكلام و حملي كان دليل ان هالكلام غلط بغلط

:):):)

نعرف أن مو أكيد بس نعرف شنوو فينا لين نتأكد بعد أخذ الأشعة وهم نعرف أشكال الحركات الي تختلف من أولاد وبنات

والله يتمم للجميع بحملهم وولادتهم

جزاكم الله خير

تحياتي,,,,,

أنا حامل في الشهر السادس .. حسيت بالحركه أول مره بالخامس وكانت شبيه بحركة الغازات في البطن.. بالنسبه للفتره الحاليه حركة الجنين نشيطه في بعض الفترات وأكثرها بعد الاكل وقبل النوم .. وجنس الجنين ولد

انا في الشهر السادس والحركه في اليمين خفيفه وقالولي انه بنت