زوجي ناوي يجنني والسبب أبي أكمل دراستي

والله ياعرايس تعبت تعبت تعبت ولوما الحيره ما تعبتكم معاي وكتبت الموضوع
أنا تخرجت من الثانوية قبل 4 سنوات ومع التخرج تزوجت ولد خالي رجال طيب وحباب مربى أحسن تربية والأهم موافق عالدراسة
دخلت الكلية برغبته وانا طوموحي أدرس في الجامعة صيدلة أو علوم طبية
درست ترم وماتحملتها وتركتها
ناقشته كثير في موضوع الدراسة ودايما كان يسكرها في وجهي وكنت أرضخ له بسبب حملي وبعدين البنت صغيرة وامي ما كانت تقدر تتحمل بها
هالحي بنتي راح تدخل الروضة ومع بداية الدراسة ولدي يكمل سنة فكرت أدرس انجليزي (التوفل)واذا عديته بسلام أدرس تبع مستشفى كبير وأشتغل عنده طبعا هذا أحسن حل حتى زوجي ما يتحجج بأقساط الدراسة والمادة وغيره
وجيته بالسياسة في البداية كنت أتكلم عن انجليزتي واني ابا أطور نفسي بعدها بفترة أسبوع تقريبا واحنا عالنت دخلت على موقع يقيس مستوى المختبر في الانجليزي
سويت الاختبار طلع مستواي متوسط وهو بعدي و طلع في نفس مستواي وقلتله ان يبيلنا نطور مستوانا وجذيه وفاتحته عن التوفل
هو صكر الموضوع وبعد كم ساعة رجع فتحه ويبي يعرف لأيش أبي أوصل
قلت له السالفة من طق طق ل السلام عليكم
عصب وصار يجيب حجج مالها أول ولا تالي
ساعة الجهال
ساعة السايق (يفكرني راح أطلب سايق)
ساعة يقول مابي خدامة (وماحد جاب طاري خدامة أصلا أنا ما احبهم وأخاف موت من دخلتهم بيتي)
ويتحجج يقول أبي الحين الحين تقوليلي وين تبين تدرسين التوفل وشهادتهم معترف فيها ولا لا
وظل يتحجج ويعصب وبين اللف والتعصيب دارت بي الدنيا ولااراديا قلت له طلقني

هو قعد يضحك من الخلعة يقول انتي تحبيني وهالكلام من برى قلبج .........
وانا ساكتة ماقلت شي

وهو هالحين زعلان ومو عاطني وجه
حاولت أراضيه أقوله هالكلام سابق لأوانه و عشانكم أتخلى عن كل شي
وقلت له بس أخذ الشهادة والخبرة وبعدين متى ما بغيتني أترك الشغل أتركه وهالزمن أغبر ماتدري وش ممكن يصير بكرى
لكن لاحياة لمن تنادي

مابي أتنازل مثل كل مرة
من حقي أحقق ولو جزئ من طموحاتي
شورو علي الله يخليكم أنا ضايعة بين زوجي ومستقبلي