بسم الله الرحمن الرحيم
السلام عليكم و رحمة الله و بركاته
خواتي الغاليات، عندي موضوع جداً مأرقني و مب عارفه شو أسوي ...
خلني أبدالكم القصه من أول عشان تفهموني و تكونون بالصوره ...
انا اتقدم لي شخص و سنه مناسب لـ سني و ما حد شاف عليه تصرف مني مناك بالعكس شخص وايد محترم و الكل يشهدله بـ هالشي
<< حلو لين هنيه ما شي مشكله ..
المشكله اللي أشوفها و طبعاً هالشي من وجهة نظري ( الشخص اللي اتقدملي هو شاعر معروف )
و كذا مره حضر عنا في الجامعه لـ يقدم أمسيات شعريه أو جلسات، و هالشي يصير بـ دعوه من الجامعه طبعاً
و بما إني أنا أكتب خواطر، فـ مرتين أنا اللي رحبت به و قدمته لـ الحضور في الجامعه
المهم و لـ تنظيم هالحفلات تعرفون لازم تبادل أرقام و هالسوالف عشان نرتب وقت حضور الضيف و هالسوالف ...
طبعاً في رقم لـ المكتب + رقم موبايل لـ منظمي الحفله،،،
و صار بيننا كلام و ما فيه شي يعني كلام رسمي و مدة المكالمه ما تتجاوز 3 دقايق ( آلو كيف الحال، متى وقت الحضور، و من أي بوابه ... إلخ )
ثاني مره الشاعر ما قدر ايي يدته اتوفت الله يرحمها، و أجل الحضور، و لما كلمته عشان يحضر المره الثانيه، أبدى إعجابه بـ الخواطر اللي اكتبها و قال لي : أتمنى أتزوج وحده شراتج بـ هالأخلاق و كم اتمنيت اتزوج وحده اكتب فيها قصيد و هي تكتبلي، طبعاً هنيه انا قفطت (استحيت) و قتله هالشي يشرفني إنك معجب بـ كتاباتي المتواضعه بس ما توصل لـ درجة كتاباتك، و قال لي: لا تفهميني غلط و انا قصدي شريف، انا ما علّقت عـ السالفهـ و تمّيت صاخّهـ، و انتهت المكالمه)
و يا وقت الأمسيه، و كنا نرتب الكراسي و وين الحضور بييلسون، فـ دار بيني و بينه هالحوار اللي بصراحه شوي صعقني !!
قال لي:الورده اللي ع شيلتج حلوه، قلت له: شكراً و انا في خاطري اقول ( بلاه عليه هاه ؟ )، عقب قال لي: فلانه انتي عادي عندج تنخطبين ؟؟؟ !! و انا فوق راسي علامات استفهام، جان اقول له: كيف يعني عادي انخطب؟ و تميت ساكته عقب قلت له نرجع لـ شغلنا ... و خلصت الجلسه و طبعاً هو روّح
المهم يا بنات << شكلي قلتلكم قصة حياتي بس ما عليه بس والله عشان تفهموني عدل و ما أكون نقّصت شي من عندي ...
بما إنه زوج عمتي بعد كاتب، و هالشاعر يعرف هالشي، كلم زوج عمتي و يوا خطبوني ...
و انا الحين مب عارفه اوافق عليه و الا لا؟ استخرت وايد وايد وايد بس المشكله ما أحس بـ شي، شعوري يكون عااااادي
و أنا من قبل هالإنسان عندي عادي يعني مب هذاك الشي الــ وااااو و لا إنه شخص ما اهتمله، يعني خلاصة القول شخص عادي عندي ...
ثاني شي: انا أبداً ما اتوقعت في حياتي اني انخطب او اتزوج شخص مشهور، و تعالوا شوفوا بلاوي البنات عنا في الجامعه اول ما يوصل القاعه او يطلع منها ( فلان دخيلك رقمك، فلان دخيلك توقيعك، فلاااان الله يخليك علمني القصيد !! << كيف يعلمج نفسي أفهم ! ) و يعققن بـ عمارهن ع الريال والله عيب بس شو نقول ...
حتى هو لما ايي الجامعه يطلب انه يدخل من البوابة الخلفية و يطلع من بوابة ثانيه ما يبى يشوف بنات ما تعيبه هالحركات الماصخه ...
الموهيييم، ثالثاً انا جداً غيوره، يعني ما اتخيل عمري والله ريلي الحريم بيتمن يعققن عمارهن عليه ( أحس بذبحهن هن وياه ههههههه << شرانيه )
بس صدق الموقف جداً محيّر لأني ما اتوقعت موووول في حياتي إنه بيتقدملي شخص مشهور و لا كان هالشي يهمني في يوم من الأيام ...
و رابعاً: نظام شغله مب عايبني << بديت أتشرط لووول ، بس صدق هو يشتغل في حقل بترولي فـ نظام الشغل مثلاً ( 10 أيام دوام و 10 أيام إجازه جيه يعني ) بس كل رمضان ما يرمّض ويا هله يتم هناكي !! يعني اتخيلو 7 شهور ورا بعض ما بجوفه ؟؟؟؟ !!!
أحس شي وايد صعب! و إلا الريال انا مب طالبه شي معيّن فيه، إخواني و الوالد الله يحفظهم و زوج عمتي كلهم يمدحون فيه و يقولون إنه مب راعي سوالف بنات و حركات، و انه الحمدلله يصلي و دومه في المسيد، و راتبه وايد عالي و ما بينقصني شي، و إنه أخلاق و سوالف و حتى اخواني اللي نادراً حد يعيبهم، قالولي: لا هالإنسان ما شاء الله روعه و مسولفجي و اندمجنا وياه ...
و عقب ما قالوا اخواني عنه جيه وايد ارتحتله و حسيت إني ملت له ...:o
بس انا هالأشياء حاطتنها في بالي، بس ماعرف شو أسوي؟؟ دخيلكن شورن عليه مب عارفه شو أسوي؟ أخاف ما أوافق و أتندم عقب، و أخاف أوافق و بعد أتندم =(
دخيلكن أترياكن، ترى شوركن و هداية الله، الناس يتريونّي أرد عليهم خبر =(
اختكم
Simply Unique
السلام عليكم و رحمة الله و بركاته
خواتي الغاليات، عندي موضوع جداً مأرقني و مب عارفه شو أسوي ...
خلني أبدالكم القصه من أول عشان تفهموني و تكونون بالصوره ...
انا اتقدم لي شخص و سنه مناسب لـ سني و ما حد شاف عليه تصرف مني مناك بالعكس شخص وايد محترم و الكل يشهدله بـ هالشي
<< حلو لين هنيه ما شي مشكله ..
المشكله اللي أشوفها و طبعاً هالشي من وجهة نظري ( الشخص اللي اتقدملي هو شاعر معروف )
و كذا مره حضر عنا في الجامعه لـ يقدم أمسيات شعريه أو جلسات، و هالشي يصير بـ دعوه من الجامعه طبعاً
و بما إني أنا أكتب خواطر، فـ مرتين أنا اللي رحبت به و قدمته لـ الحضور في الجامعه
المهم و لـ تنظيم هالحفلات تعرفون لازم تبادل أرقام و هالسوالف عشان نرتب وقت حضور الضيف و هالسوالف ...
طبعاً في رقم لـ المكتب + رقم موبايل لـ منظمي الحفله،،،
و صار بيننا كلام و ما فيه شي يعني كلام رسمي و مدة المكالمه ما تتجاوز 3 دقايق ( آلو كيف الحال، متى وقت الحضور، و من أي بوابه ... إلخ )
ثاني مره الشاعر ما قدر ايي يدته اتوفت الله يرحمها، و أجل الحضور، و لما كلمته عشان يحضر المره الثانيه، أبدى إعجابه بـ الخواطر اللي اكتبها و قال لي : أتمنى أتزوج وحده شراتج بـ هالأخلاق و كم اتمنيت اتزوج وحده اكتب فيها قصيد و هي تكتبلي، طبعاً هنيه انا قفطت (استحيت) و قتله هالشي يشرفني إنك معجب بـ كتاباتي المتواضعه بس ما توصل لـ درجة كتاباتك، و قال لي: لا تفهميني غلط و انا قصدي شريف، انا ما علّقت عـ السالفهـ و تمّيت صاخّهـ، و انتهت المكالمه)
و يا وقت الأمسيه، و كنا نرتب الكراسي و وين الحضور بييلسون، فـ دار بيني و بينه هالحوار اللي بصراحه شوي صعقني !!
قال لي:الورده اللي ع شيلتج حلوه، قلت له: شكراً و انا في خاطري اقول ( بلاه عليه هاه ؟ )، عقب قال لي: فلانه انتي عادي عندج تنخطبين ؟؟؟ !! و انا فوق راسي علامات استفهام، جان اقول له: كيف يعني عادي انخطب؟ و تميت ساكته عقب قلت له نرجع لـ شغلنا ... و خلصت الجلسه و طبعاً هو روّح
المهم يا بنات << شكلي قلتلكم قصة حياتي بس ما عليه بس والله عشان تفهموني عدل و ما أكون نقّصت شي من عندي ...
بما إنه زوج عمتي بعد كاتب، و هالشاعر يعرف هالشي، كلم زوج عمتي و يوا خطبوني ...
و انا الحين مب عارفه اوافق عليه و الا لا؟ استخرت وايد وايد وايد بس المشكله ما أحس بـ شي، شعوري يكون عااااادي
و أنا من قبل هالإنسان عندي عادي يعني مب هذاك الشي الــ وااااو و لا إنه شخص ما اهتمله، يعني خلاصة القول شخص عادي عندي ...
ثاني شي: انا أبداً ما اتوقعت في حياتي اني انخطب او اتزوج شخص مشهور، و تعالوا شوفوا بلاوي البنات عنا في الجامعه اول ما يوصل القاعه او يطلع منها ( فلان دخيلك رقمك، فلان دخيلك توقيعك، فلاااان الله يخليك علمني القصيد !! << كيف يعلمج نفسي أفهم ! ) و يعققن بـ عمارهن ع الريال والله عيب بس شو نقول ...
حتى هو لما ايي الجامعه يطلب انه يدخل من البوابة الخلفية و يطلع من بوابة ثانيه ما يبى يشوف بنات ما تعيبه هالحركات الماصخه ...
الموهيييم، ثالثاً انا جداً غيوره، يعني ما اتخيل عمري والله ريلي الحريم بيتمن يعققن عمارهن عليه ( أحس بذبحهن هن وياه ههههههه << شرانيه )
بس صدق الموقف جداً محيّر لأني ما اتوقعت موووول في حياتي إنه بيتقدملي شخص مشهور و لا كان هالشي يهمني في يوم من الأيام ...
و رابعاً: نظام شغله مب عايبني << بديت أتشرط لووول ، بس صدق هو يشتغل في حقل بترولي فـ نظام الشغل مثلاً ( 10 أيام دوام و 10 أيام إجازه جيه يعني ) بس كل رمضان ما يرمّض ويا هله يتم هناكي !! يعني اتخيلو 7 شهور ورا بعض ما بجوفه ؟؟؟؟ !!!
أحس شي وايد صعب! و إلا الريال انا مب طالبه شي معيّن فيه، إخواني و الوالد الله يحفظهم و زوج عمتي كلهم يمدحون فيه و يقولون إنه مب راعي سوالف بنات و حركات، و انه الحمدلله يصلي و دومه في المسيد، و راتبه وايد عالي و ما بينقصني شي، و إنه أخلاق و سوالف و حتى اخواني اللي نادراً حد يعيبهم، قالولي: لا هالإنسان ما شاء الله روعه و مسولفجي و اندمجنا وياه ...
و عقب ما قالوا اخواني عنه جيه وايد ارتحتله و حسيت إني ملت له ...:o
بس انا هالأشياء حاطتنها في بالي، بس ماعرف شو أسوي؟؟ دخيلكن شورن عليه مب عارفه شو أسوي؟ أخاف ما أوافق و أتندم عقب، و أخاف أوافق و بعد أتندم =(
دخيلكن أترياكن، ترى شوركن و هداية الله، الناس يتريونّي أرد عليهم خبر =(
اختكم
Simply Unique