اكيد اغلبنا سمع بالشاكره و هي اكله شاميه و في المنتدى اكثر من طريقه ...لكن حبيت اسويها اليوم بخطوات مصوره
و هي اكله لذيييذه جدا جدا حتى اني سويتها مريتن في اسبوع واحد ...اول مره سويتها و طلعت لذيذه تحسرت اني ما صورتها لخواتي بالمنتدى فيوم سويتها و صورتها علشانكم
المقادير
الكميات على حسب عدد افراد اسرتج انتي
ممكن تسوينها باللحم او الدجاج ...انا سويتها باللحم مقطع مكعبات
علبه روب كبيره او لبن او زبادي باختلاف المسمايات
ملعقه كبيره طحين
ملعقه كبيره نشا مذابه في كوب ماء
بهارات صحيحه ( عود قرفه - هيل - كمون - فرنقل او مسمار -)
ملح
فلفل ابيض
كركم
الطريقه
اول شي نفور اللحم بالبهارات لين يستوي ..و بعدين نصفيه و نحتفظ بماء اللحم ((المرق ))
بعدين نخلط الروب و الطحين نشاء المذوب في كوب ماء ... و نخلط المكونات لين تمتزوج عدل... الطحين و النشا يساعدون الروب انه ما يتكتل اثناء الطبخ
بعدين نحط الخليط الروب على النار و نبدا نحرك بانجاه واحد مهم جدا ان يكون باتجاه واحد و نستمر بالتحريك لين يبدا بالغليان و ننتبه ان ما يتكتل
بعدين نضيف البهارات الصحيحه و الملح و الفلفل و الكركم
بعدين نبدا نضيف مرقه اللحم بالتدريج ...و نحصل على مرقه تكون غليظه مب سائله جدا انتهوا
بعدين نضيف اللحم و نخليها تفور شويه دقيقتين بس
و بجذي نكون حصلنا على الشاكريه و لكن يرجع الخيار لك تقدميه مثل ما هي او تضيفين عليها بعض النكهات الاضافيه
و النكهات الاضافيه هي
بصل محمر
او
ثوم المفروم محمر مع كزبره
او
زعتر ناشف اوريغانوا يعني
او
نعناع ناشف
و لاني انا احب البصل المحمر و الثوم و الكزبره اضفت الاثنين
هني ضفت الثوم و الكزبره
و هذا الشكل النهائي للشاكره و اضفه عليها البصل المحمر بعد ..و قدميها مع الارز
و هني و عافيه
اتمنى تجربونها و تعجبكم
